میللی بیرلیک حاققیندا موصاحیبه‌لر سیراسیندا میللی بیرلیک دوشرگه‌جیگی اؤیرنجی سیته‌سی ایله دانیشیق آپاریب، ایلک اؤنجه اؤیرنجی سیته‌سی‌نین امک‌داشلاریندان بو دانیشیغی حاضیرلادیق‌لاری اوچون تشککور ائدیریک. بو دانیشیغی آشاغیدا اوخویا بیلرسینیز:
- سیزجه میللی بیرلیک نه دئمک دیر؟ بیرلیگی نئجه تعریف ائدیرسینیز؟
ایلک باخیشدا، «بیرلیک» سؤزجویوندن بیر و واحید دورومدا اولما تانیمی آلینیر! آنجاق بورادا اساس سورولار لا دا قاریشلاشیریق:
1- بیرلیک دن قصدیمیز «عئینی» و تام بیربیرینه بنزر اولماق می؟
2- یوخسا فرقلیلیک اولورسا بئله، بیر سیرا هدف لر دوغرولتوسوندا «موتحید» اولمایی قصد ائدیریک؟
3- یوخسا عئینی اولماییب و تخمینا فرقلی هدف لریمیز اولوب، اما بیربیرمیزله بیر سیرا قورال لار، قایدالار و اخلاقی ایلکه لر اساسیندا کئچینمه و تولورانسلی (تسامح) اولمایی قصد ائدیریک؟
بو سورولارا جاواب وئریرکن بیرلیکدن فرقلی یوروملار دا اورتایا چیخیر! بیرینجی سوالا موثبت جاواب وئریرسک، بیر توپلوم/حرکت/گروپدا هر کسین عئینی اولماسی نی ایدآل ساییریق. بو دوغرو بیر فیکیرمی؟ یعنی دوغرودانمی اینسان لار بیر بیرینین فوتوکوپی سی اولمالی دیرلار؟ بو سوالا اویرنجی سیته سی اولاراق منفی جاواب وئرمه لییک. یعنی بیزیم قبول ائتدییمیز آماج لار و ایلکه لره گؤره ساغلام و دیری بیر توپلوم/حرکت بیرحده دک فرقلی دوشونجه لر و بعضا ده هدف لره مالیک اولمالی دیر. باشقا بیر دئییش له تکجه ایدئولوژیک و توتالیتر حکومت لر ده عئینی اولماق (طبیعی کیمله عئینی اولماق مستبد شخص یا پارتی نین اولچولری اساسیندا بللی اولور) ایدال ساییلیب و توپلومو خسته ائتمک له بیر قالیب اوزوندن عئینی فوتوکوپی لر چیخارمایا چابا گوستریلیر.
ایکینجی و اوچونجو سورولارین هر هانسی سینی موثبت جاوابلاییرساق طبیعی بیرینجی سورویا منفی جاواب وئرمیش اولوروق. موثبت جاوابلاما بو آنلاما گلیرکی بیز عئینی اولمایی قیراغا قویوب و فرقلی لیک لری مثبت فاکتور کیمی رسمیته تانییب و حتی بعضا توپلوما گرکلی سانیب قورومایا چالیشریق. اگر بو دوشونجه ده اولورساق و قصدیمیز موتحید اولماق دیر سا(ایکینجی سورویو موثبت جاوابلاییرساق)، یعنی اؤزوموزه بیر سیرا اساس هدف لر و آنا خط لر تعریف له ییب، آنجاق باشقا جزئی هدف لر و بو اساس هدف لره نئجه یئتیرمه توتوملاری و مئتودلاریندا سینیرلاییجی اولچوت لر قویماییریق. اؤرنک اوچون میللی چیخارلار دییه بیرسیرا ایداللاری هر کس قبول ائله ییب و هر کس یا گروپ اؤزونه عایید مئتودلارلا اونلارا چاتمایا چالیشیر. باشقا مسئله لرده فرقلی هدف لر تعریف لنسه بئله بو اساس هدف لره ضرر یئتیرمه سین گرک!
ایلک باخیشدا موتحید اولماق گؤزل و ایدال گؤرونور اما اویقولامادا و پراتیکده سورونلار یارانیر. یعنی صفحه اوزرینده و تئوریده قالیرساق موتحید اولما چوخ یاخشی دیر اما بونو حایاتا کئچیرمه ده پاردوکسیکال و تضادلی مسئله لر قارشیمیزا چیخیر:
-بو اساس هدف لری کیم تانیملاییب، بللی ائتمه لیدیر؟
-بیزیم ظاهیرده بللی و یازیلمیش هدف لریمیز اولسا بئله بو هدف لرین تفسیری شخص/گروپ لار آراسیندا فرقلی اولاجاق دیر.
-بعضی دارباخیشلی لار و توتالیتر یؤنتم لی لر موتحید اولمایی بهانه ائدرک، اصلینده عئینی اولمایا(هرکسی اؤزلرینه بنزتمه یه) چالیشاجاق لار.
-بعضی شخص لر و گروپلارین بوتون آنا هدف لری و خط لری بیزله بیر اولماسا بئله بیر چوخ میقداری بیزله عئینی و بیرسیراسی عئینی دئییل. اوندا بو گرپلاری نئجه تعریف له ییب و موناسیبت یمیز بو گروپلارا گؤره نئجه اولمالی دیر؟
-اوزون سؤزون قیساسی بودور کی بیزیم هدف لریمیز و ایدال لاریمیزی کیم، نئجه و هارالارا قدر جیزمالی و تام طبیعی اولارق بولار کسین اولمادیغی تقدیرده (گئرچک دونیادا) نه ائتمه لییک؟
بو سورولارا جاواب آختارماقدا دوشونورولر باشلانیشدا ایره لی سوردوغوموز اوچونجو سوالا مثبت جاواب وئریر لر. یعنی اونلارا گؤره بیز اینسانلارین دونیادان فرقلی تجروبه لریمیز و حتی بعضا بیر تجروبه دن فرقلی آلقیلار و یوروملاریمیز واردیر. باشقا طرفدن «بیز» و «باشقالار»ین دوشونجه و عمل جغرافیامیز تام آیدین دئییل. دونیا «بیز» و «باشقالار»یندان اولوشماییر، بلکه بو آرادا بیر ایشیق رنگ لری طیفی کیمی چئشیدلی گروپلار اولابیلر. حتی بوگون بیر اولساق بئله زامانلا ده ییشیمه معروض قالیریق. بیز اینسانیق و اینسانلارین یاخشی پیسی واردیر. بعضا بیزلرین پیسی، شخصی منفعت لرینه گؤره موتحید اولمایی بهانه ائدرک خوشلامادیغی بعضی فیکیرداشلاری شانتاژلاییب «باشقالار»ی لیسته سینه کئچیریب، «بیز»یم جغرافیامیزدان دیشلامایا چالیشیر. بئله لیک له داها اینعیطافلی سینیرلار و تساموح لو دوشونجه و داورانیش لار گرکلی گؤرونور. یعنی موتحید اولما ایمکانی اولمایان بیر دوروملاردا هر کس بیر سیرا انعطافلی و گئنل اویون قایدالاری و اخلاقی ایلکه لر اساسیندا، باشقالارینی باسقی آلتینا آلمادان فعالیت گؤسترمه لیدیر. بونلا یانی سیرا بیز پولورالیزم و نئچه سس لی لیک اساسیندا سونوندا عمومی بیر منطیق فضاسینین یارانماسینا اینانیریق. سؤزو گئدن هر اوچ یؤنتمین بیر سیرا گتیری و ایتیری لری واردیر اما ان وئریملی مئتود بیزجه اوچونجو مئتوددور. بو او دئمک دئییل که تساموح لو و نئچه سسلی فضا تام مثبت و ایشکال سیز دیر، آنجاق بیزجه حله لیک ان اخلاقی و منفعت لی مئتود بودور. بو مئتودون ان اساس سنیرلاریندان بونلاری سیرالاماق اولار:
- نئچه سسلی فضادا چالیشماق اوچون کیفیتلی شخص لر و گروپ لار لازیم دیر.
- اویون و اویون قایدلارینی بیلیب پوزمایان شخص لر تکجه دانیشماق و اوخوماق لا دئییل عملده و نئچه سسلی اورتامدا یئتیریلیرلر و ایرانین ایندیکی فضاسیندا نه قدر بونا مئیدان وئریلیر؟
- قایدالار بیر سیرا ذهنی دیرلر اوزوندن تعریف له نیر و بو ده یرلر بیرحدده دک نیسبی دیرلر.
-رسمی بیر دئولتمیز اولمادیغی اوچون قایدالاری پوزوب و نئچه سسلی لیک آدینا باشقالارینی لکه له ییب و حتی باسقی یاپانلارا نه ائده بیلریک؟ یعنی اویون قایدالاری دیشی اخلاقسیزجا داورانان لارا اویقولانان هزینه لر نه دیر؟
-بیزه قارشی اولان گروپ لار یا ایران حکومتی طرفیندن پولورالیزم آدینا بیزله یاناشی فعالیت گوستریب، اساسدا بیزی داغیدیب یا ساپدیرماق ایسته ین لره فضا آچیق اولاجاق دیر.
بو سورونلارا رغما بیزجه اوچونجو مئتود بو گونکو دوروموموز اوچون داها اویقون دور.
بیرلیک آنلامی حاقدا دانیشدیق اما «میللی بیرلیک» نه دیر؟ طبیعی بو سورویا سیز میللی بیرلیک دوشرگه سی اولاراق داها آیدین و سیستماتیک جاواب وئرمه لی سینیز. بیزده عادت اولوب هر سؤزجویون اوولینه بیر میللی سؤزجویو آرتیراق: میللی حرکت، میللی موباریز، میللی لیدئر، میللی وظیفه، و حتی میللی اینسان یا میللی خائن. بونلار بعضا آیدین و بعضا قارماشیق گؤرونورلر. بعضی لری اصطلاحا سهل ممتنع کیمی بیر قونولاردیلار. بیزجه میللی بیرلیک دن آماجیمیز:
1- میللی فعاللارین (بو سوزجویو تعریف لنمیش وارساییرساق) بیرلییی (اوسته گلن اوچ یؤنتمین بیرینه دایاناراق) اولابیلر.
2- میللتیمیزین بیرلییی ده قصد ائدیله بیلر.
طبیعی ایندیکی دورومدا بیرینجی یوروم داها اویقون گورونور اما بیزجه بونا سیز عزیز دوستلاریمیز داها اطرافلی جاواب وئره بیلرسینیز.
- ميللي حركت آتمسفرينده تعريفله‌ديگينيز میللی بيرليگين نه اؤنمی وار؟ آیریحا بوگونکو دورومدا میللی بیرلیگه نه گرک وار؟
بیزجه اوسته تعریف له دییمیز اوچونجو تانیم لا (تسامح)، بیرلییه احتیاجیمیز واردیر. بونون ندن لرینی ساده لشدیرمک اوچون بئله سیرالاییریق:
-بللی بیر قایدا و قورال لارا سایغی گؤسترمه دییمیزده محدود انئرژی لریمیز ترس یؤنلرده ایشله ییب و بیربیرینی خونثی ائدیر.
-اویون قایدالارینین اؤنملی حیصه سی اخلاقی مسئله لردیر. یعنی بللی بیر اخلاق ایلکه لری اساسیندا چالیشماییرساق، طبیعی هر کس میللی فعاللاری اخلاقسیزلیغا محکوم ائده جک دیر.
-بیز قوراللاری قبول ائتمه ییب و قایداسیز بیر اویونا گیریرسک، ایش بیرلیک و باریشماق اوچون هئچ بللی بیر معیاریمیز اولمایاجاق و هر گون داها یئنی بیر دوور باطله دوشوب هر گون آرتیق بیربیریمیزه قارشی و بیربیمیزدن اوزاق چالیشاجاییق.
-اینسان لاریمیز و شخص لریمیز اینسانی و اخلاقی اولمایاراق شانتاژ اولاجاق لار و هر گون میللی-موقدس موباریزدن شخصی آتیشمالارا دوغرو سوروکله نه بیلیریک.
- بو بیرلیگین ایره‌لی سورمه‌سینه نه یؤنتملر اؤنریرسینیز؟
بیزجه بیرلیک اوچون تکجه دانیشیق یا چاغری یئتمز؛ باخمایاراق کی عمومی ووجدانی اویاتمادا ائتگن لردن بیری اولا بیلر. میللی بیرلیک بیزیم کیمی میللت لر و حرکت لرده تساهل، دموکراتیک اخلاق و پولورالیزمه دوشونجه ده و عملده اینانیب عمل ائتمک له ممکون دور. میللی حرکت دئدییمیز بیر ایجتیماعی-سیاسی حرکت ذاتا میللتیمیزین بیر چوخ فرقلی جریان لارینی ایچرمک ده دیر. بو بیر پارتی دئییل هر کس بیربیرینه بنزمک یا تام سینیرلی و بللی معیارلارا سیغماق زوروندا اولسون. بیز 1) اوزوموزو 2)دوستلاریمیزی 3)رقیب لریمیزی 4)طرفسیزلری و 5) دوشمانلاریمیزی بیر منطیق ایچینده تعریف له مه لیییک. اؤنجه دئدییمیز کیمی بورادا «کسین» بللی اولان بیر سینیرلاردان سؤز گئتمه ییر اما بو او دئمک دئیل که «اصلا» سینیر یوخدور و هر نه بیر آنارشی ایچینده دیر. طبیعی اؤزلرینی بیزدن بیلمه ین لر و بیزله موباریزه یه گیرن لر «باشقالار»ی ایچینده دیرلر و بیر چوخ دوست، رقیب و طرفسیز شخص/گروپلار دا واردیر. تعریف لریمیز سیال و تام پراگماتیستی بیر آچیدان اولمالیدیر.
آیریجا بیرلیک اوچون بو کاپاسیته یه مالیک آدام لار لازیم دیر. دموکراتیک اخلاق (بوردا دموکراسی حوکومت سیستئمی یا مئتودو آنلامیندا دئییل، بلکه اخلاقی قوراللار و دوارانیش لاری قصد ائدیریک) بیر اردم ساییلیر و تمرین له ممکون اولور. هر کس دئموکراتیک اخلاق معیارلارینی اؤزونده یارادیب، بسله مه لیدیر. دئمکراتیک اخلاق معیارلاریندان 1)نئچه سسلی لییه سایغی 2)ائلشدیریب و ائلشدیریلمه یه دایاناقلی اولما 3)موطلق و ایدئولؤژیک قضاوت لر و داورانیش لاردان اوزاق دورما 4)دوشونجه و بیلیمه سایغی و 5) نیفرت دن دئییل مصلحت دن یولا چیخماق کیمی اردملری سایماق اولار. بونلار همان سؤزو گئدن اویون قایدالاری و قوراللاری دیرلار.
و سونوندا هر کس عملیاتی بیر ایشده دوستونو سئچمه حاقی واردیر. اؤرنک اوچون سیز بیرلیک دوشرگه سی اولاراق و بیز اؤیرنجی سیته سی اولاراق اؤز دوستلاریمیزی سیته ده ایش بیرلیک ایچین سئچه بیلیریک اما بو میللی حرکتده شبه مذهبی آییریملارا ندن اولمامالیدیر. یعنی بیرلیک چی لرله اؤیرنجی چی لر بونو بیلمه لیدیرلر کی امنیتی مسئله لردن دولایی و هم ده هدف-دوشونجه فرقلی لییی ندنی ایله هر کس بیر یئرده ایشله یه بیلمز اما هامیمیز اؤز تفسیریمیز اساسیندا میللتیمیز و میللی حرکتیمیز سعادتی یولوندا چالیشیریق.
- بیرلیگین یارانماسیندا اؤزل اولاراق میللی حرکت مئدیاسی او جومله‌دن سیزین وبسایتین یئری و گؤره‌وی نه‌دیر؟
بیز و سیز و باشقا مئدیالار نئچه یؤندن بو مسئله یه دستک وئره بیلریک. یئنه ساده لشدیرمک اوچون بونلاری سیرالییریق:
-بیرلیک حاقدا دانیشیق و ائلشتیری فضاسی یارادا بیلریک.
-دئدییمیز کیمی بیرلیک اوچون یوخاری بیر داورانیش باجاریغی و مهارتی لازیمدیر. بو داورانیش و مهارت تمریندن یارانیر و بونون اوچون بیزه فضا چوخ آزدیر. اؤنملی تمرین فضالاریندان بیری ائله بو مئدیالاردیر. یعنی هر مئدیادا چالیشان شخص لر بیربیرلری ایله و مئدیالار بیر بیرلرایله بو ایشی تمرین ائتمه لیدیرلر. اونوتمایاق بیزیم فعالاریمیزین بیر چوخو بئله بیر مئدیالار یا مجازی فضالاردا چالیشیرلار.
-بیرلیک یارادان اولایلاری و سمبلیک حرکت لری داها آرتیق تبلیغ ائده بیلریک.
سونوندا اؤیرنجی سیته اولاراق سیزدن بو اؤنملی مسئله حاقدا چالیشدیغینیز و بیزی ده دانیشیق اوچون سئچدیینیز اوچون تشککور ائدیب، سیزه باشاریلار دیله ییریک.
منبع :
http://birlik-ili.blogspot.com/2011/12/blog-post.html
- سیزجه میللی بیرلیک نه دئمک دیر؟ بیرلیگی نئجه تعریف ائدیرسینیز؟
ایلک باخیشدا، «بیرلیک» سؤزجویوندن بیر و واحید دورومدا اولما تانیمی آلینیر! آنجاق بورادا اساس سورولار لا دا قاریشلاشیریق:
1- بیرلیک دن قصدیمیز «عئینی» و تام بیربیرینه بنزر اولماق می؟
2- یوخسا فرقلیلیک اولورسا بئله، بیر سیرا هدف لر دوغرولتوسوندا «موتحید» اولمایی قصد ائدیریک؟
3- یوخسا عئینی اولماییب و تخمینا فرقلی هدف لریمیز اولوب، اما بیربیرمیزله بیر سیرا قورال لار، قایدالار و اخلاقی ایلکه لر اساسیندا کئچینمه و تولورانسلی (تسامح) اولمایی قصد ائدیریک؟
بو سورولارا جاواب وئریرکن بیرلیکدن فرقلی یوروملار دا اورتایا چیخیر! بیرینجی سوالا موثبت جاواب وئریرسک، بیر توپلوم/حرکت/گروپدا هر کسین عئینی اولماسی نی ایدآل ساییریق. بو دوغرو بیر فیکیرمی؟ یعنی دوغرودانمی اینسان لار بیر بیرینین فوتوکوپی سی اولمالی دیرلار؟ بو سوالا اویرنجی سیته سی اولاراق منفی جاواب وئرمه لییک. یعنی بیزیم قبول ائتدییمیز آماج لار و ایلکه لره گؤره ساغلام و دیری بیر توپلوم/حرکت بیرحده دک فرقلی دوشونجه لر و بعضا ده هدف لره مالیک اولمالی دیر. باشقا بیر دئییش له تکجه ایدئولوژیک و توتالیتر حکومت لر ده عئینی اولماق (طبیعی کیمله عئینی اولماق مستبد شخص یا پارتی نین اولچولری اساسیندا بللی اولور) ایدال ساییلیب و توپلومو خسته ائتمک له بیر قالیب اوزوندن عئینی فوتوکوپی لر چیخارمایا چابا گوستریلیر.
ایکینجی و اوچونجو سورولارین هر هانسی سینی موثبت جاوابلاییرساق طبیعی بیرینجی سورویا منفی جاواب وئرمیش اولوروق. موثبت جاوابلاما بو آنلاما گلیرکی بیز عئینی اولمایی قیراغا قویوب و فرقلی لیک لری مثبت فاکتور کیمی رسمیته تانییب و حتی بعضا توپلوما گرکلی سانیب قورومایا چالیشریق. اگر بو دوشونجه ده اولورساق و قصدیمیز موتحید اولماق دیر سا(ایکینجی سورویو موثبت جاوابلاییرساق)، یعنی اؤزوموزه بیر سیرا اساس هدف لر و آنا خط لر تعریف له ییب، آنجاق باشقا جزئی هدف لر و بو اساس هدف لره نئجه یئتیرمه توتوملاری و مئتودلاریندا سینیرلاییجی اولچوت لر قویماییریق. اؤرنک اوچون میللی چیخارلار دییه بیرسیرا ایداللاری هر کس قبول ائله ییب و هر کس یا گروپ اؤزونه عایید مئتودلارلا اونلارا چاتمایا چالیشیر. باشقا مسئله لرده فرقلی هدف لر تعریف لنسه بئله بو اساس هدف لره ضرر یئتیرمه سین گرک!
ایلک باخیشدا موتحید اولماق گؤزل و ایدال گؤرونور اما اویقولامادا و پراتیکده سورونلار یارانیر. یعنی صفحه اوزرینده و تئوریده قالیرساق موتحید اولما چوخ یاخشی دیر اما بونو حایاتا کئچیرمه ده پاردوکسیکال و تضادلی مسئله لر قارشیمیزا چیخیر:
-بو اساس هدف لری کیم تانیملاییب، بللی ائتمه لیدیر؟
-بیزیم ظاهیرده بللی و یازیلمیش هدف لریمیز اولسا بئله بو هدف لرین تفسیری شخص/گروپ لار آراسیندا فرقلی اولاجاق دیر.
-بعضی دارباخیشلی لار و توتالیتر یؤنتم لی لر موتحید اولمایی بهانه ائدرک، اصلینده عئینی اولمایا(هرکسی اؤزلرینه بنزتمه یه) چالیشاجاق لار.
-بعضی شخص لر و گروپلارین بوتون آنا هدف لری و خط لری بیزله بیر اولماسا بئله بیر چوخ میقداری بیزله عئینی و بیرسیراسی عئینی دئییل. اوندا بو گرپلاری نئجه تعریف له ییب و موناسیبت یمیز بو گروپلارا گؤره نئجه اولمالی دیر؟
-اوزون سؤزون قیساسی بودور کی بیزیم هدف لریمیز و ایدال لاریمیزی کیم، نئجه و هارالارا قدر جیزمالی و تام طبیعی اولارق بولار کسین اولمادیغی تقدیرده (گئرچک دونیادا) نه ائتمه لییک؟
بو سورولارا جاواب آختارماقدا دوشونورولر باشلانیشدا ایره لی سوردوغوموز اوچونجو سوالا مثبت جاواب وئریر لر. یعنی اونلارا گؤره بیز اینسانلارین دونیادان فرقلی تجروبه لریمیز و حتی بعضا بیر تجروبه دن فرقلی آلقیلار و یوروملاریمیز واردیر. باشقا طرفدن «بیز» و «باشقالار»ین دوشونجه و عمل جغرافیامیز تام آیدین دئییل. دونیا «بیز» و «باشقالار»یندان اولوشماییر، بلکه بو آرادا بیر ایشیق رنگ لری طیفی کیمی چئشیدلی گروپلار اولابیلر. حتی بوگون بیر اولساق بئله زامانلا ده ییشیمه معروض قالیریق. بیز اینسانیق و اینسانلارین یاخشی پیسی واردیر. بعضا بیزلرین پیسی، شخصی منفعت لرینه گؤره موتحید اولمایی بهانه ائدرک خوشلامادیغی بعضی فیکیرداشلاری شانتاژلاییب «باشقالار»ی لیسته سینه کئچیریب، «بیز»یم جغرافیامیزدان دیشلامایا چالیشیر. بئله لیک له داها اینعیطافلی سینیرلار و تساموح لو دوشونجه و داورانیش لار گرکلی گؤرونور. یعنی موتحید اولما ایمکانی اولمایان بیر دوروملاردا هر کس بیر سیرا انعطافلی و گئنل اویون قایدالاری و اخلاقی ایلکه لر اساسیندا، باشقالارینی باسقی آلتینا آلمادان فعالیت گؤسترمه لیدیر. بونلا یانی سیرا بیز پولورالیزم و نئچه سس لی لیک اساسیندا سونوندا عمومی بیر منطیق فضاسینین یارانماسینا اینانیریق. سؤزو گئدن هر اوچ یؤنتمین بیر سیرا گتیری و ایتیری لری واردیر اما ان وئریملی مئتود بیزجه اوچونجو مئتوددور. بو او دئمک دئییل که تساموح لو و نئچه سسلی فضا تام مثبت و ایشکال سیز دیر، آنجاق بیزجه حله لیک ان اخلاقی و منفعت لی مئتود بودور. بو مئتودون ان اساس سنیرلاریندان بونلاری سیرالاماق اولار:
- نئچه سسلی فضادا چالیشماق اوچون کیفیتلی شخص لر و گروپ لار لازیم دیر.
- اویون و اویون قایدلارینی بیلیب پوزمایان شخص لر تکجه دانیشماق و اوخوماق لا دئییل عملده و نئچه سسلی اورتامدا یئتیریلیرلر و ایرانین ایندیکی فضاسیندا نه قدر بونا مئیدان وئریلیر؟
- قایدالار بیر سیرا ذهنی دیرلر اوزوندن تعریف له نیر و بو ده یرلر بیرحدده دک نیسبی دیرلر.
-رسمی بیر دئولتمیز اولمادیغی اوچون قایدالاری پوزوب و نئچه سسلی لیک آدینا باشقالارینی لکه له ییب و حتی باسقی یاپانلارا نه ائده بیلریک؟ یعنی اویون قایدالاری دیشی اخلاقسیزجا داورانان لارا اویقولانان هزینه لر نه دیر؟
-بیزه قارشی اولان گروپ لار یا ایران حکومتی طرفیندن پولورالیزم آدینا بیزله یاناشی فعالیت گوستریب، اساسدا بیزی داغیدیب یا ساپدیرماق ایسته ین لره فضا آچیق اولاجاق دیر.
بو سورونلارا رغما بیزجه اوچونجو مئتود بو گونکو دوروموموز اوچون داها اویقون دور.
بیرلیک آنلامی حاقدا دانیشدیق اما «میللی بیرلیک» نه دیر؟ طبیعی بو سورویا سیز میللی بیرلیک دوشرگه سی اولاراق داها آیدین و سیستماتیک جاواب وئرمه لی سینیز. بیزده عادت اولوب هر سؤزجویون اوولینه بیر میللی سؤزجویو آرتیراق: میللی حرکت، میللی موباریز، میللی لیدئر، میللی وظیفه، و حتی میللی اینسان یا میللی خائن. بونلار بعضا آیدین و بعضا قارماشیق گؤرونورلر. بعضی لری اصطلاحا سهل ممتنع کیمی بیر قونولاردیلار. بیزجه میللی بیرلیک دن آماجیمیز:
1- میللی فعاللارین (بو سوزجویو تعریف لنمیش وارساییرساق) بیرلییی (اوسته گلن اوچ یؤنتمین بیرینه دایاناراق) اولابیلر.
2- میللتیمیزین بیرلییی ده قصد ائدیله بیلر.
طبیعی ایندیکی دورومدا بیرینجی یوروم داها اویقون گورونور اما بیزجه بونا سیز عزیز دوستلاریمیز داها اطرافلی جاواب وئره بیلرسینیز.
- ميللي حركت آتمسفرينده تعريفله‌ديگينيز میللی بيرليگين نه اؤنمی وار؟ آیریحا بوگونکو دورومدا میللی بیرلیگه نه گرک وار؟
بیزجه اوسته تعریف له دییمیز اوچونجو تانیم لا (تسامح)، بیرلییه احتیاجیمیز واردیر. بونون ندن لرینی ساده لشدیرمک اوچون بئله سیرالاییریق:
-بللی بیر قایدا و قورال لارا سایغی گؤسترمه دییمیزده محدود انئرژی لریمیز ترس یؤنلرده ایشله ییب و بیربیرینی خونثی ائدیر.
-اویون قایدالارینین اؤنملی حیصه سی اخلاقی مسئله لردیر. یعنی بللی بیر اخلاق ایلکه لری اساسیندا چالیشماییرساق، طبیعی هر کس میللی فعاللاری اخلاقسیزلیغا محکوم ائده جک دیر.
-بیز قوراللاری قبول ائتمه ییب و قایداسیز بیر اویونا گیریرسک، ایش بیرلیک و باریشماق اوچون هئچ بللی بیر معیاریمیز اولمایاجاق و هر گون داها یئنی بیر دوور باطله دوشوب هر گون آرتیق بیربیریمیزه قارشی و بیربیمیزدن اوزاق چالیشاجاییق.
-اینسان لاریمیز و شخص لریمیز اینسانی و اخلاقی اولمایاراق شانتاژ اولاجاق لار و هر گون میللی-موقدس موباریزدن شخصی آتیشمالارا دوغرو سوروکله نه بیلیریک.
- بو بیرلیگین ایره‌لی سورمه‌سینه نه یؤنتملر اؤنریرسینیز؟
بیزجه بیرلیک اوچون تکجه دانیشیق یا چاغری یئتمز؛ باخمایاراق کی عمومی ووجدانی اویاتمادا ائتگن لردن بیری اولا بیلر. میللی بیرلیک بیزیم کیمی میللت لر و حرکت لرده تساهل، دموکراتیک اخلاق و پولورالیزمه دوشونجه ده و عملده اینانیب عمل ائتمک له ممکون دور. میللی حرکت دئدییمیز بیر ایجتیماعی-سیاسی حرکت ذاتا میللتیمیزین بیر چوخ فرقلی جریان لارینی ایچرمک ده دیر. بو بیر پارتی دئییل هر کس بیربیرینه بنزمک یا تام سینیرلی و بللی معیارلارا سیغماق زوروندا اولسون. بیز 1) اوزوموزو 2)دوستلاریمیزی 3)رقیب لریمیزی 4)طرفسیزلری و 5) دوشمانلاریمیزی بیر منطیق ایچینده تعریف له مه لیییک. اؤنجه دئدییمیز کیمی بورادا «کسین» بللی اولان بیر سینیرلاردان سؤز گئتمه ییر اما بو او دئمک دئیل که «اصلا» سینیر یوخدور و هر نه بیر آنارشی ایچینده دیر. طبیعی اؤزلرینی بیزدن بیلمه ین لر و بیزله موباریزه یه گیرن لر «باشقالار»ی ایچینده دیرلر و بیر چوخ دوست، رقیب و طرفسیز شخص/گروپلار دا واردیر. تعریف لریمیز سیال و تام پراگماتیستی بیر آچیدان اولمالیدیر.
آیریجا بیرلیک اوچون بو کاپاسیته یه مالیک آدام لار لازیم دیر. دموکراتیک اخلاق (بوردا دموکراسی حوکومت سیستئمی یا مئتودو آنلامیندا دئییل، بلکه اخلاقی قوراللار و دوارانیش لاری قصد ائدیریک) بیر اردم ساییلیر و تمرین له ممکون اولور. هر کس دئموکراتیک اخلاق معیارلارینی اؤزونده یارادیب، بسله مه لیدیر. دئمکراتیک اخلاق معیارلاریندان 1)نئچه سسلی لییه سایغی 2)ائلشدیریب و ائلشدیریلمه یه دایاناقلی اولما 3)موطلق و ایدئولؤژیک قضاوت لر و داورانیش لاردان اوزاق دورما 4)دوشونجه و بیلیمه سایغی و 5) نیفرت دن دئییل مصلحت دن یولا چیخماق کیمی اردملری سایماق اولار. بونلار همان سؤزو گئدن اویون قایدالاری و قوراللاری دیرلار.
و سونوندا هر کس عملیاتی بیر ایشده دوستونو سئچمه حاقی واردیر. اؤرنک اوچون سیز بیرلیک دوشرگه سی اولاراق و بیز اؤیرنجی سیته سی اولاراق اؤز دوستلاریمیزی سیته ده ایش بیرلیک ایچین سئچه بیلیریک اما بو میللی حرکتده شبه مذهبی آییریملارا ندن اولمامالیدیر. یعنی بیرلیک چی لرله اؤیرنجی چی لر بونو بیلمه لیدیرلر کی امنیتی مسئله لردن دولایی و هم ده هدف-دوشونجه فرقلی لییی ندنی ایله هر کس بیر یئرده ایشله یه بیلمز اما هامیمیز اؤز تفسیریمیز اساسیندا میللتیمیز و میللی حرکتیمیز سعادتی یولوندا چالیشیریق.
- بیرلیگین یارانماسیندا اؤزل اولاراق میللی حرکت مئدیاسی او جومله‌دن سیزین وبسایتین یئری و گؤره‌وی نه‌دیر؟
بیز و سیز و باشقا مئدیالار نئچه یؤندن بو مسئله یه دستک وئره بیلریک. یئنه ساده لشدیرمک اوچون بونلاری سیرالییریق:
-بیرلیک حاقدا دانیشیق و ائلشتیری فضاسی یارادا بیلریک.
-دئدییمیز کیمی بیرلیک اوچون یوخاری بیر داورانیش باجاریغی و مهارتی لازیمدیر. بو داورانیش و مهارت تمریندن یارانیر و بونون اوچون بیزه فضا چوخ آزدیر. اؤنملی تمرین فضالاریندان بیری ائله بو مئدیالاردیر. یعنی هر مئدیادا چالیشان شخص لر بیربیرلری ایله و مئدیالار بیر بیرلرایله بو ایشی تمرین ائتمه لیدیرلر. اونوتمایاق بیزیم فعالاریمیزین بیر چوخو بئله بیر مئدیالار یا مجازی فضالاردا چالیشیرلار.
-بیرلیک یارادان اولایلاری و سمبلیک حرکت لری داها آرتیق تبلیغ ائده بیلریک.
سونوندا اؤیرنجی سیته اولاراق سیزدن بو اؤنملی مسئله حاقدا چالیشدیغینیز و بیزی ده دانیشیق اوچون سئچدیینیز اوچون تشککور ائدیب، سیزه باشاریلار دیله ییریک.
منبع :
http://birlik-ili.blogspot.com/2011/12/blog-post.html
هیچ نظری موجود نیست:
ارسال یک نظر