ساوالان پورت : هر میلت اؤز تاریخینده شانلی و باشی اوجا یاشاماق اوچون موباریزه آپاریر. بو موباریزه‌لر نتیجه‌سینده میلتین میلی غورورو اولوشور. میللی غوروردان یوخسون میلتلر یاشایابیلمزلر. یا محو اولوب گئدرلر یا دا باشقا میلتلرین ایچینده اریییب یوخ اولارلار. آزربایجان تورک میلتی ده اؤز تاریخینده میللی غورورونو قوروماق اوچون هر زامان موباریزه و دیر‌نیش ایچینده اولموشدور. ائله اونا گؤره ده بوگون آزربایجان تورک میلتی باشی اوجا یاشایابیلمکده‌دیر. باشی اوجا یاشاماسینین سببی میللی وارلیغینا گؤستردیگی عشق و موباریزه دویغوسودور.
آزربایجانین یاخین تاریخده گؤستردیگی موباریزه لردن بیریسی ده ائله 20 یانوار اولایی دیر. یانوار 1990-ین 19-اونو 20-سینه باغلایان گئجه آزربایجاندا باش توتموش آزادلیق حرکاتینی باسدیرماق اوچون قیزیل اوردو باکی شهرینه یورودولوب یوزلرجه آزربایجان تورکو فجیع شکیلده شهید ائلمیش، یوزلرجه‌سی یارالامیش و مینلرجه‌سی ده توتوقلامیشدیر. چؤکوشه محکوم اولان سوویتلر بیرلیگی سون ظولمونو یئنه آزربایجان تورکلرینه ائیله‌ییبدیر.
سوویتلر بیرلیگی پارچالاناراق تورک جومهورییتلری اورتایا چیخمامیشدیر. هر بیر تورک جومهورییتی و باشدا قوزئی آزربایجان اؤز آزادلیغینی الده ائتمک اوچون موباریزه و دیر‌نیش آپارمیش و بو یولدا دا اؤولادالارینی قوربان وئرمیشدیر. هله ده 20 یانوار جینایتینی یاشادانلار ساغدیرلار. هله ده او قاتیللر هئچ بیر بین الخالق محکمه‌ده محکوم اولونماییبلار. یالنیز 20 یانوار بیزیم اوچون آجی اولسا دا بیزه اونور و غورور وئریر. چونکو او شهیدلرین قانی یئرده قالمادی و آزربایجان جومهورییتی یئنیدن اؤز ایستیقلالینی الده ائد‌رک اوچ رنگلی بایراغی اسمه‌گه باشلادی.
آزربایجان میللی دیر‌نیش تشکیلاتی بوگونون اؤنمینی و آجیسینی بوتون آزربایجان تورکلری ایله پایلاشاراق 20 یانوار اولاییندان گونئی آزربایجان تورکلرینین ده درس چیخارماسینی اومود ائدیر. گونئی آزربایجان تورکلری ده بؤلگه‌ده و ایران دا اولان اولایلار قارشیسیندا دیقتلی اولمالی و هر دوروما اؤزلرینی حاضیرلامالیدیرلار.
آزربایجان میللی دیر‌نیش تشکیلاتی
گونئی آزربایجان
20/01/2012
آزربایجانین یاخین تاریخده گؤستردیگی موباریزه لردن بیریسی ده ائله 20 یانوار اولایی دیر. یانوار 1990-ین 19-اونو 20-سینه باغلایان گئجه آزربایجاندا باش توتموش آزادلیق حرکاتینی باسدیرماق اوچون قیزیل اوردو باکی شهرینه یورودولوب یوزلرجه آزربایجان تورکو فجیع شکیلده شهید ائلمیش، یوزلرجه‌سی یارالامیش و مینلرجه‌سی ده توتوقلامیشدیر. چؤکوشه محکوم اولان سوویتلر بیرلیگی سون ظولمونو یئنه آزربایجان تورکلرینه ائیله‌ییبدیر.
سوویتلر بیرلیگی پارچالاناراق تورک جومهورییتلری اورتایا چیخمامیشدیر. هر بیر تورک جومهورییتی و باشدا قوزئی آزربایجان اؤز آزادلیغینی الده ائتمک اوچون موباریزه و دیر‌نیش آپارمیش و بو یولدا دا اؤولادالارینی قوربان وئرمیشدیر. هله ده 20 یانوار جینایتینی یاشادانلار ساغدیرلار. هله ده او قاتیللر هئچ بیر بین الخالق محکمه‌ده محکوم اولونماییبلار. یالنیز 20 یانوار بیزیم اوچون آجی اولسا دا بیزه اونور و غورور وئریر. چونکو او شهیدلرین قانی یئرده قالمادی و آزربایجان جومهورییتی یئنیدن اؤز ایستیقلالینی الده ائد‌رک اوچ رنگلی بایراغی اسمه‌گه باشلادی.
آزربایجان میللی دیر‌نیش تشکیلاتی بوگونون اؤنمینی و آجیسینی بوتون آزربایجان تورکلری ایله پایلاشاراق 20 یانوار اولاییندان گونئی آزربایجان تورکلرینین ده درس چیخارماسینی اومود ائدیر. گونئی آزربایجان تورکلری ده بؤلگه‌ده و ایران دا اولان اولایلار قارشیسیندا دیقتلی اولمالی و هر دوروما اؤزلرینی حاضیرلامالیدیرلار.
آزربایجان میللی دیر‌نیش تشکیلاتی
گونئی آزربایجان
20/01/2012
هیچ نظری موجود نیست:
ارسال یک نظر