ايران اطلاعاتی طرفيندن ايداره اولونان سحر تی وی کانالي آخوند بجاني ايله موصاحيبه آپارميشدير.
کئچن مقاله‌ميزده اونون حاقيندا گئنيش يازديغيميز اوچون ايندي تکرار اولماسين دئيه، اونون حاقيندا اوزون-اوزادي معلومات وئرمک ايستميريک. اينانيريق کي، بيزي آرديجيل ايزله‌ين اوخوجولارا اونون کيمليگي گون کيمي آيديندير. يالنيز بونو علاوه ائتمک ايسته‌ييريک کي، اوغورلوق اوستونده بير ايل ايران موللا رئژيمي طرفيندن حبسه محکوم اولونموشدور. او، صؤحبتي زاماني دئيير کي: " ايسلامدا مورته‌دين حؤکمو بلليدير. رافيق تاغي بير عدد ساييلميردي. اگر قراردي موسلمانلار بيرين تئررور ائده‌لر، اوندا گرک، او آدام کي، هيجابسيزليغا قرار وئريب، اونو تئررور ائده‌لر." بو "ميللي موللا" بو سؤزو دئمکله کيمه و هانسي هدفه گولله آتديغيني سيزين عؤهده نيزه بوراخيريق. بو فيکره آذربايجان رئسپوبليکاسيندا فعاليت گؤسترن ايسلام پارتيياسين صدر عوضي ائلچين مانافوو دا قوشولموشدور. بيز چوخ خيرداليغا کئچمک ايستميريک. چونکي اؤز ميلتيميزين، خوصوصن گنجلرين عاغلينا اينانيريق. سيزدن خواهيش ائديريک، بو فيلمه ديقتله باخين و گؤرون ايران موللا فارس رئژيمي نئجه حياسيزجاسينا موستقيل آذربايجاندا اؤز ال آلتيلاري ايله، او جومله‌دن ايسلام پارتيياسينين واسيطه‌سي ايله تئررورلار سسئناريسي حاضيرلاياراق دؤولتچيليگيميزي آرادان آپاريب، موستقيل آذربايجاني "شيمالي ايران" کيمي قلمه وئريب، عيرقچي فارس رئژيمينين نظارتي آلتيندا اولان عيالته چئويرمک ايسته‌يير.
کيمينسه ياديندان چيخميش اولدوغونو گومان ائديب، تکرارن خاطيرلاتماق ايسته‌ييريک کي، موستقيل آذربايجان رئسپوبليکاسيندا فعاليت گؤسترن آذربايجان ايسلام پارتيياسينين حال-حاضيردا حبسده اولان صدري مؤوسوم سمدوو 2008-جي ايل دئکابرين 5- ده "هفته ايچي" قزئتينه موصاحيبه‌سينده دئيير: "آديميزين ايرانلا بيرگه چکيلمه‌سي ايله فخر ائديريک". بو ساتقين "ميللي" موللاميز خاريجي قوووه‌لرين الي ايله آذربايجانين بوتؤولوگون، موستقيلليگينه خلل گتيرير، آذربايجاني ايرانا قاتماق ايسته‌ينلرله بير جبهه ده دؤيوشور.
موللانين ميلتي اولماز کي! مولالنين منافع يي اولار و اونون شخصي منافعي اينه کيم خيدمت ائدرسه، اونونلا بيرلشر. باخين، خاريجي و داخيلي موللالار نئجه همفيکيرديلر.
هیچ نظری موجود نیست:
ارسال یک نظر