ساوالان پورت :
تئوريك چرچيوه:
کولتورقيريمي (culturecide)
1. بيولوژي و فيزيکي قيريم: معين بير قروبون (ائتنيک، ميللي يا دا ديني وس.) اويه لري نين دوغوم نيسبتيني سالماق، ساغلامليغينا ضرر وئرمک، کؤله ليک ائتديرمک، ايشگنجه ائتمک و سئکس کؤله ليگي ائتديرمک.
2. ايقتيصادي قيريم: معين بير قروبون اويه لري نين مثلا اووچولوغا، باليقچيليغا، اكينچيليغه وس. دايانان ايقتيصادياتي نين تمللريني چؤکئرتمک.
3. ديل قيريمي: معين بير قروبون اويه لري نين ديليني ياساقلاماق و يوخ ائتمک.
4. ديني و معنوي قيريم: معين بير قروبون ديني پراکتيکاسيني ياساقلاماق و يوخ ائتمک.
5. توپلومسال قيريم: معين بير قروبون عوضولري نين تاريخي يادداشي نين داوامليليغيني یاساقلاماق و يوخ ائتمک و سؤز قونوسو عوضولر آراسيندا يوکسک نيسبتده اويوشتوروجو، الكل، معلوماتسيزليغي/جهالتي، شيددتي وس. تشويق ائده رک قروبون عنعنه لري نين آياقدا دورابيلميه جگي و چؤکه جگي موحيطي بسله مک (Chanry، 2000).
آذربايجان اوخوللاريندا ائييتيم آنا ديلده اولماماسي، تورکجه نين فونکسيياسيني يئني نسيل لرده محدودلاشديریب و عاييله ايچريسينده اوشاقلارلا فارسجا دانيشماغا ندن اولوبدور. بير چوخ آذربايجانلي آنا ديل لرينده اوخويوب يازماغي بيلمیر و بو قونودا ائيتيم سيز ساييلیر. ايران-دا اويقولانان آسيميلاسيون ندنييله، ايران تورکلري اؤز تاريخلريني دئييل، فارس ائتنيغي نين تاريخيني اوخويوب اؤيرنمکده ديرلر. بو تاريخه گؤره، ايران-دا حاکيم اولان تورکلر وحشي و اويقارسيز اولاراق تانيملانماقدادير. بو ايکي اولاي ، ايران-دا ديل قيريمي و توپلومسال قيريمينی گؤسترمکده دير.
آزينليق قروبون تمل اؤلچوتلري
بيرينجي اؤلچوت، فرقليليکدير. آزينليق، اهالي نين گئري قالانيندان ائتنيک، ديلسل، مدني يا دا ديني باخيمدان فرقلي اولماليدير.
ايکينجي اؤلچوت، سايي عونصورودور. آزينليق فرقلي اؤزه لليك لريني قورويا بيله جک و داوام ائتديره بيله جک يئترلي سايييا صاحیب اولمالي، آما اهالي نين گئري قالانيندان سايي باخيمدان آز اولماليدير.
اوچونجو اؤلچوت، باشات (حاكيم) اولماما شرطيدير. بو قروپلار، اهالي نين گئري قالان قيسيمينا قارشي حاكيم اولماماليديرلار.
دؤردونجو اؤلچوت، آزينليقلارين وطنداش اولماسيدير. بو وضعيتده يابانجي لار، گؤچمن ايشچيلر، اويروقسوزلار و موهاجيرلر کيمي سوسيولوژي باخيمدان آزينليق اولان قروپلار حوقوقي باخيمدان آزينليق قاپسامي خاريجينده قالارلار.
بئشينجي اؤلچوت، آزينليقلار اؤز بيلينجه (آزينليق بيلينجي) صاحیب اولماليديرلار. قروپ،اؤز فرقلي عنعنه لريني قوروماغا ايستکلي اولدوغونو گؤسترمه ليدير. عکس حالدا سؤز قونوسو قروبون، کؤنوللو آسميله اولماق ايسته ديگي آيدين اولار و آزينليق ساييلماز (Kurubaş، 2006: 29 - 33).
بو اؤلچوتلره گؤره، آذربايجان خالقي اؤزونه عاييد ديلي و ائتنيغي باخيميندان فرقلي اولدوغو اوچون، گئري قالان اهالييه حاكيم اولا بيلمه مه سي و اؤز بيلينجه صاحیب اولماسي ندنييله ايران-دا 29 ميليون اهالييه صاحیب اولماسينا باخماياراق سوسيولوژي باخيمدان آزينليق ساييلير.
آزينليق قروبون باشات (حاكيم) قروبا قارشي تئپگي قاليبلري
1. قبول ائتمه (acceptance): آزينليق قروب اويه لري، اؤز ضرر چکميشليکلرينه و تابيع قونوملارينا راضي اولارلار.
2. سالديرقانليق (aggression): آزينليق قروب اويه لري، اؤز ضرر چکميشليکلري و تابيع قونوملاري ندنييله باشات قروبا قارشي سالديرقان و دوشمنجه داورانيشلار گؤسترر.
3. قاچينما (avidance): آزينليق قروب اويه لري، اؤن يارگي و آيريمجيليق اولدوغونو دوشوندويو وضعيتلردن قاچينماغا چاليشار.
4. آسيميلاسيون assimilation)): آزينليق قروب اويه لري، توپلومسال و مدني اولاراق باشات قروبلا قاريشيب اريمه داورانيشي گؤسترر (Zanden، 1983: 311).
آذربايجان خالقي بو دؤرد تئپگيدن آسيميلاسيون و سالديرقانليق يئرينه ديره نيش گؤسترمک يؤنونو سئچمکده دير. باشات قروبلا قارشيلاشديغيندا آيريمجيليكلاري گؤرن و بشر حاقلارينا صاحیب اولماديغيني آنلايانلار، تابيع قونوملاريني قبول ائتمه ميش و موختليف يوللارلا موقاويمت گؤسترمه يه چابا صرف ائتميشلر. لاکين 80 ايلليک آسيميلاسيون سوره جيندن ائتگيله نن بير چوخ تورک ايسه اريمه داورانيشيني گؤسترمکده ديرلر.
آسيميلاسيون
آسيميلاسيون، ان آز ايکي آيري كولتورل سيستئمين تماسا کئچمه سي ايله باشلايان بير ائتكيله شيم سوره جينين يؤنونو، مئيليني ايفاده ائدر. بو ائتكيله شيم سونوجو، بير كولتورل سيستئمين باشقا بير (و يا بيردن چوخ) كولتورل سيستئم لري، گئده رک اؤزونه بنزتمه سي و كولتورل ائگئمنليغي آلتينا آلماسي سوره جي مئيدانا گلير.
آسيميلاسيون سوره جي
1. آزينليق قروبون حاقلاريني مودافيعه ائدن ليدئرلري قانوني و قانوني اولمايان يونتم لر له ائتگي سيز ائتمه يه،
2. آزينليق عوضولري نين ائتنيک و كولتورل كيمليك لرينه بيلينچلي اولاراق باغليليقلاريني و صداقتلريني گؤسترديکلري مودتجه، عومومي سيستئمين توپلومسال ايليشكي لر هيرارشي سينده يوکسه ليش و باشاري نيسبتلريني اويقولاديغي سيياستلرله انگلله مه يه،
3. آزينليق عوضولرينه اؤز ائتنيک و كولتورل كيمليك آلانلارينين بوتونسلليغي نين پارچالانميشليغي ايچينده وار اولان يئترسيز آراجلارلا وئريلي كولتورل آماجلارين گئرچكلشديريله بيلميه جگيني، بو آماجلارين تک باشات كولتورلرين تقديم ائتديگي ايشلوسل و موکممل آراجلارينين قوللانيمي ايله مومکون اولا بيله جگيني ايصرار ائتمه يه،
4. آزينليق قروبون اؤزل كولتورل ده يرلريني ايشله وسيز، کيمي وضعيتلرده خاراب ايشله وي ائده رک عوضولرينده قروبون مدني ده يرلرينه باغليليغين بوشونا و ده يرسيز اولدوغو دويغوسونو يايماغا،
5. اؤز-يابانجيلاشما باشدا اولماقلا آزينليق عوضولرينده، ائتنيک و كولتورل كيمليك لرينه باغليليق يئرينه، يابانجيلاشما آلقيسيني مئيدانا گتيره جک آنلام سيزليق، گوجسوزلوک، نورمسيزليق و ايزولاسيون کيمي يابانجيلاشما/آنومي قاوراييشلارينا قاپيلماغي تامين ائتمه يه دؤنوک قاپساملي پلان و پروقراملا يوروتولن بير توپلومسال موهنديسليک پروژه سيدير، دئييله بيلر.
مدرن دؤولت: آسيميلاسيونون قازاني
مدرن اولوس-دؤولت سرحدلري ايچريسينده باشات قروبون آسيميلاسيونجو ياناشماسي ندنييله اينسانلار باغيملي آزينليق قروپ قونومونا سالينديقلاري اوچون آنا ديللريني دانيشيب يازا بيلمير، ديني روتوئللر قاداغان ائديلير، توپلاما دوشرگه لرينه گؤندريلير، يوکسک ائييتيمه آلينمير، سورگون ائديلير، کؤله لشديريلير، چئکله نيب موحاکيمه اولونمادان ايللرجه حبس اولونوب هر جور ايشگنجه يه معروض قالير، ميلت وکيلي اولا بيلمير، ائگئمن قروپدان آشاغيدا بير يئرلرده قونوملانيب اونا گؤره يئرلشديريليب بؤيويور، اونا گؤره ايشله ييب پول قازانير، حتّی اونا گؤره اؤلور (Somersan، 2004: 33-34).
آسيميلاسيونون بويوتلاري
كولتورل آسيميلاسيون : ايده ال بير كولتورل آسيميلاسيون، باغيملي آزينليق قروبونون ده يرلري نين باشات قروبون ده يرلري ايله توپدان يئر دييشديرمه سيني طلب ائدر.
توپلومسال آسيميلاسيون: ايده ال بير توپلومسال آسيميلاسيون، آزينليق توپلومونون قورومسال ايليشكي لر سيستئمي نين تاماميله يوخ ائديلمه سيني و باشات توپلومون قورومسال ايليشكي لري آلانلارينا قاتيليمي ايچه رير.
ياپيسال آسيميلاسيون : آزينليق يا دا گؤچمن قروبون عوضولري نين باشات قروبون ايلک/تمل (Primary) قروب ايليشكي لرينه قاتيلماسينا ايشاره ائدر.
ائوليليک آسيميلاسيونو : گئنيش چاپدا قاريشيق ائوليليکلر (اؤزل آدي: amalgamation).
كيمليك آسيميلاسيونو :تاماميله باشات توپلوما عاييد اولما بيلينجي نين/حيسسي نين گليشمه سي.
توتوم قبولو آسيميلاسيونو : قروبلار آراسي اؤن يارگي نين يوخ اولماسي.
داورانيش قبولو آسيميلاسيونو : قروبلار آراسي آيريمجيليغين يوخ اولماسي.
يوردداش آسيميلاسيونو : قروبلار آراسي ده ير و ايقتيدارا قارشي دورماسي نين يوخ اولماسي.
آذربايجانين جوغرافيسي
آذربايجانين جوغرافي سرحدلري، فرقلي دؤورلرده قورولموش دؤولتلر ترکيبينده دييشيکليکلره اوغراميشدير. بونون اوچون، فرقلي دونم لره عاييد تاريخي معلوماتلار، آذربايجان-ين سرحدلريني فرقلي اؤلچولرده گؤسترمکده و قونويلا ايلگيلي بيليم اينسانلاري نئزدينده گؤروش و يوروم فرقينه ندن اولماقدادير.
بو گونکي آذربايجان جومهوريتي، تاريخي آذربايجان تورپاقلاري نين خاريجينده توتان و او بؤلگه نين آديني آران اولاراق آنان عنايت الله رضا، چنگيز پهلوان وس. کيمي چاغداش بعضي فارس تاريخچيلر خاريجينده؛ ايسلام تاريخچيلريندن يعقوبي، بلعمي، معسودي، ايستخري، تبريزلي خالف اوغلو حوسئيين، رئييس نيا، دهخدا و زكي وليدي توگان کيمي تاريخچيلر، قوزئي ده دربد-دن باشلاياراق باکي، گنجه، شيروان، قاراباغ، نخجيوان، تبريز، سالماس، اردبيل، زنجان، همدان، قزوين وس. کيمي شهر و بؤلگه لري قاپسايان جوغرافيياني، آذربايجان سرحدلري اولاراق ايفاده ائتميشلر (هئيت، 1994: 94 - 100).
چار روسيياسي و قاجار تورک خانداني آراسيندا چيخان دؤيوشلر سونوجو 1813 و 1828ده ايمضالانان گوليستان و تورکمن چاي آندلاشمالاري ندنييله آراز چايي نين قوزئي قيسيمي ايران تورپاقلاريندان قوپاريليب روسييايا ايلحاق ائديلديکدن سونرا آذربايجان تورپاقلاري ايکي آيري اوتوريته مرکزينه باغلي ايداره اولونموشدور. آذربايجانين سووئت روس رهبرليگينده اولان قيسيمي سووئتلرين چؤکوشوندن سونرا 1991دن اعتيبارن باغيمسيز دؤولت اولاراق وارليغيني داوام ائتديرمکده دير.
گونئي آذربايجان-ين دئموقرافيک ياپيسي
م. ر. هئيت (2005: 8) دونيا بانکي اؤلکه پروفيللري 1994 راپوروندا يايينلانميش رقملره گؤره؛ 66،1 ميليونلوق (بو آندا 70 ميليون) ايران اهاليسي نين %42'سيني تورکلر اولوشتورماقدادير. بو نيسبت ايسه، 70 ميليونلوق بو گونکي ايران اهاليسي نين تخمينن 29،4 ميليونونو تورکلر مئيدانا گتيرديگيني گؤسترمکده دير.
قوزئي آذربايجان ميللي كيمليك قازانما تاريخينه قيسا بير باخيش
روسييا، ايستيلاسينين 15. ايلينده خانليق سيستئمي نين اورتادان قالديرماغا قرار وئردي، بو دييشمه لر قافقازلي آذربايجانليلارين ايچ باغليليغي نين سيخلاشماسينا، يئرلي قروپلاشمالارين سونا چاتماسينا و قوزئي آذربايجان ايقتيصادي بيرليگيني تامين ائتمه سينه ندن اولموشدور. موسلمان موللالارين گوجونو و ايداره سيني ائييتيمدن و اؤزل آلان لاردان کسميشدير. بو ايش آذربايجانليلاري ايسلام دونياسي نين قورولوشوندان قوپارتميش و سئكولار ائييتيمله تانيش اولمالاريني ساغلاميشدير. بئله ليکله 1840لاردا آذربايجانلي اوزمان قروبلاري اورتايا چيخميشدير. اونلار آوروپا ائييتيم سيستئمييله يئتيشميشلر و " آذربايجان آيدين فيکير صينيفي " ني مئيدانا گتيرميشلر.
1870لرده نفت صنایعسي نين اينکيشافي، بير چوخ يابانجي ايشچي نين باکييا کؤچمه سينه ندن اولموشدور. موسلمان اولمايان و روسيياليلارلا قارشيلاشان آذربايجانليلار توپلومسال و ايقتيصادي آيريمجيليقلار حاقيندا بيلگي له نيب، آذربايجان اساسيندا قورولان كيمليگي گوجلنديرميشدير.
ايران آذربايجان-يندا ايش تاپماق مقصدييله قوزئيه کؤچن ايشچيلر، ايکي آذربايجان آراسيندا ايليشكي لريني گوجلنديريب، مشروطيت و سوسياليزم دوشونجه لرييله تانيش اولموشلار.
1905ده روسييا اينقيلابيندان سونرا، چوخو تورک ديلينده ژورناللار ياييملامايا باشلاميشدير. 1906دا موسلمان اؤيرتمنلر کونفرانسيندا ايلك اوخوللرين ميلليلشمه قونوسو اؤنملي يئر آلميشدير. 1913ده ايشچيلر گرئوينده اؤنملي ايستکلردن بيري تورک ديلينده اوخوللرين آچيلماسي اولموشدور. آذربايجانلي كيمليغين گليشمه سي سونوجوندا 28 ماي 1918ده آذربايجان دئموکراتيک جمهوريتي قورولموشدور و 1920ده سووئتلرين هوجوم ائتمه سينه قدر وارليغيني داوام ائتديرميشدير.
برندا شيفر-ين ايديعاسينا گؤره بو ايسلام دونياسيندا ايلک تورک جمهوريت ايدي. اك اولاراق ايلک قادينلارا اوي حاقي وئرن موسلمان اؤلکه، دئموکراتيک آذربايجان جمهوريتي اولموشدور. بو دؤنمده تورک ديلي رسمي ديل اولوب باکي اونيوئرسيته سي آچيلميشدير. بو حاديثه لر يالنيز قوزئي آذربايجان دئييل، گونئي آذربايجاني دا ائتگي له ميشدير.
اؤزت اولاراق، ايکي آذربايجانين آيريلماسينا باخماياراق،
- تيجاري و عاييله ليک ايليشكي لري داوام ائتمکده دير.
- قوزئي ايله ايليشكي ده اولان گونئيلي تورکلر، ايران-دا آذربايجانلي كيمليكيني مودافيعه ائتمه يه باشلاميشلار.
- قوزئيده يارانان آيدين فيكير طبقه يئني دوشونجه لري (سوسياليزم، ناسيوناليزم و سئکولاريزم کيمي) ايران-ا داشيميشدير.
- قوزئيده ياييملانان درگيلر، اؤزلليكله ملانصرالدين درگيسي، گونئيليلر له امکداشليق ايچينده ياييملانميش و چوخو ايران قزئتلرينه ده نومونه اولموشدور.
- گونئيدن قوزئي آذربايجان-ا ايشچيليک مقصدييله کؤچنلر، اورادا راديکال دوشونجه لرله تانيش اولموش، اعتيراض يوللاريني اؤيرنميشلر.
- چوخو قوزئيلي آيدين فيکيرلر ايران-ين مشروطيت اينقيلابينا (1906) يارديمجي اولموشلار.
بو مادده لر قوزئي آذربايجان-دا تورک كيمليكي نين گليشمه سييله بيرليکده گونئي آذربايجان-دا دا تورک كيمليغيني ائتگيله ميشدير (شيفر، 2002: 64 - 65).
سووئتلر ايستيلاسيندا ياشايان آذربايجان، روسييا-نين سيياستلرينه گؤره، ايران-داکي آذربايجانليلاردان فرقلي بير آسيميلاسيون سوره جيني ياشاميشدير. سووئتلر اؤزلريني دونيايا بير آزادليق سئون سيستئم اولاراق يانسيتماق اوچون، آزينليق ائتنيکلرين ديللري نين و ادبياتلاري نين گليشمه سيني و ياييملانماسيني انگلله مه ميشدير، لاکين بو يازيلارين مضمونو يوغون سانسورلا قارشيلاشميشدير.
آذربايجان اليفباسي 1924ده لاتين اليفباسينا کئچميش و بو کئچيش تورک كيمليكينه اؤنملي قاتقي ساغلاميشدير. استالين دؤورونده كولتورل باغيمسيزليقلار و سياسي آزادليقلار اورتادان قالديريلميشدير.
ايکينجي دونيا دؤيوشونده، قوزئي آذربايجان اؤز كيمليكيني باش كيمليك اولاراق، ائولرده داوام ائتديرميشدير.
1960 و 70لرده آذربايجان كيمليكينه و كولتورينه اييليم، چوخو آذربايجانلي يازارلارين اثرلرينده گؤرولمکده دير. بو دؤورده مجبور قالديقلاري اوچون، آذربايجان-ا سئوگيلريني کومونيزمين مدحييله بيرليکده سؤيله ييرلر.
1986دا گلاسنوست ايصلاحاتلاري نين سونوجوندا، آذربايجان كيمليكيني ساوونماق داها دا آسانلاشميشدير. قاراباغ حاديثه لري و روسييا-نين ارمنيلري دستکله مسي، آذربايجان و روسييا آراسيندا اولان ايليشكي ني کوپارتميش و خالق پارتييانين باشليغييلا باغيمسيزليك ايستکلري يوکسلميشدير.
1992ده ائلچي بي آذربايجان جمهور باشچيسي سئچيلميشدير و تورکچولوک، موسلمانليق، مدرن لشمه شوعارييلا گونئي آذربايجانليلارين دورومونو دا ديقته آلميشدير.
ائلچي بي بوتون آذربايجانليلارين بيرلشمه سيني و گليشمه سيني ساوونوردو. بو ندنله اونون بير چوخ دوشونجه سي، گونئيده ياشايان تورکلر طرفيندن منيمسنميشدير.
1993ده ائلچي بي داربه ايله قارشيلاشيب و باکي-ني ترک ائتمک مجبوريتينده قالميشدير. حيدر علي اف يئني دؤولتي اله آلديقدان سونرا دؤولت كيمليكيني، ائتنيک كيمليكين يئرينه يئرلشديرمه يه چاليشميشدير. گنل تارتيشمالارا سانسور قويموش و خالق پارتيياسي نين رسمي ديل تورک اولاراق آدلانديريلاجاغي قراريني دييشديريب و سووئتلر زامانينداکي کيمي، آذربايجان ديلي اولاراق آدلانديرميشدير (شيفر، 2002: 48 - 214).
تئوريك چرچيوه:
کولتورقيريمي (culturecide)
1. بيولوژي و فيزيکي قيريم: معين بير قروبون (ائتنيک، ميللي يا دا ديني وس.) اويه لري نين دوغوم نيسبتيني سالماق، ساغلامليغينا ضرر وئرمک، کؤله ليک ائتديرمک، ايشگنجه ائتمک و سئکس کؤله ليگي ائتديرمک.
2. ايقتيصادي قيريم: معين بير قروبون اويه لري نين مثلا اووچولوغا، باليقچيليغا، اكينچيليغه وس. دايانان ايقتيصادياتي نين تمللريني چؤکئرتمک.
3. ديل قيريمي: معين بير قروبون اويه لري نين ديليني ياساقلاماق و يوخ ائتمک.
4. ديني و معنوي قيريم: معين بير قروبون ديني پراکتيکاسيني ياساقلاماق و يوخ ائتمک.
5. توپلومسال قيريم: معين بير قروبون عوضولري نين تاريخي يادداشي نين داوامليليغيني یاساقلاماق و يوخ ائتمک و سؤز قونوسو عوضولر آراسيندا يوکسک نيسبتده اويوشتوروجو، الكل، معلوماتسيزليغي/جهالتي، شيددتي وس. تشويق ائده رک قروبون عنعنه لري نين آياقدا دورابيلميه جگي و چؤکه جگي موحيطي بسله مک (Chanry، 2000).
آذربايجان اوخوللاريندا ائييتيم آنا ديلده اولماماسي، تورکجه نين فونکسيياسيني يئني نسيل لرده محدودلاشديریب و عاييله ايچريسينده اوشاقلارلا فارسجا دانيشماغا ندن اولوبدور. بير چوخ آذربايجانلي آنا ديل لرينده اوخويوب يازماغي بيلمیر و بو قونودا ائيتيم سيز ساييلیر. ايران-دا اويقولانان آسيميلاسيون ندنييله، ايران تورکلري اؤز تاريخلريني دئييل، فارس ائتنيغي نين تاريخيني اوخويوب اؤيرنمکده ديرلر. بو تاريخه گؤره، ايران-دا حاکيم اولان تورکلر وحشي و اويقارسيز اولاراق تانيملانماقدادير. بو ايکي اولاي ، ايران-دا ديل قيريمي و توپلومسال قيريمينی گؤسترمکده دير.
آزينليق قروبون تمل اؤلچوتلري
بيرينجي اؤلچوت، فرقليليکدير. آزينليق، اهالي نين گئري قالانيندان ائتنيک، ديلسل، مدني يا دا ديني باخيمدان فرقلي اولماليدير.
ايکينجي اؤلچوت، سايي عونصورودور. آزينليق فرقلي اؤزه لليك لريني قورويا بيله جک و داوام ائتديره بيله جک يئترلي سايييا صاحیب اولمالي، آما اهالي نين گئري قالانيندان سايي باخيمدان آز اولماليدير.
اوچونجو اؤلچوت، باشات (حاكيم) اولماما شرطيدير. بو قروپلار، اهالي نين گئري قالان قيسيمينا قارشي حاكيم اولماماليديرلار.
دؤردونجو اؤلچوت، آزينليقلارين وطنداش اولماسيدير. بو وضعيتده يابانجي لار، گؤچمن ايشچيلر، اويروقسوزلار و موهاجيرلر کيمي سوسيولوژي باخيمدان آزينليق اولان قروپلار حوقوقي باخيمدان آزينليق قاپسامي خاريجينده قالارلار.
بئشينجي اؤلچوت، آزينليقلار اؤز بيلينجه (آزينليق بيلينجي) صاحیب اولماليديرلار. قروپ،اؤز فرقلي عنعنه لريني قوروماغا ايستکلي اولدوغونو گؤسترمه ليدير. عکس حالدا سؤز قونوسو قروبون، کؤنوللو آسميله اولماق ايسته ديگي آيدين اولار و آزينليق ساييلماز (Kurubaş، 2006: 29 - 33).
بو اؤلچوتلره گؤره، آذربايجان خالقي اؤزونه عاييد ديلي و ائتنيغي باخيميندان فرقلي اولدوغو اوچون، گئري قالان اهالييه حاكيم اولا بيلمه مه سي و اؤز بيلينجه صاحیب اولماسي ندنييله ايران-دا 29 ميليون اهالييه صاحیب اولماسينا باخماياراق سوسيولوژي باخيمدان آزينليق ساييلير.
آزينليق قروبون باشات (حاكيم) قروبا قارشي تئپگي قاليبلري
1. قبول ائتمه (acceptance): آزينليق قروب اويه لري، اؤز ضرر چکميشليکلرينه و تابيع قونوملارينا راضي اولارلار.
2. سالديرقانليق (aggression): آزينليق قروب اويه لري، اؤز ضرر چکميشليکلري و تابيع قونوملاري ندنييله باشات قروبا قارشي سالديرقان و دوشمنجه داورانيشلار گؤسترر.
3. قاچينما (avidance): آزينليق قروب اويه لري، اؤن يارگي و آيريمجيليق اولدوغونو دوشوندويو وضعيتلردن قاچينماغا چاليشار.
4. آسيميلاسيون assimilation)): آزينليق قروب اويه لري، توپلومسال و مدني اولاراق باشات قروبلا قاريشيب اريمه داورانيشي گؤسترر (Zanden، 1983: 311).
آذربايجان خالقي بو دؤرد تئپگيدن آسيميلاسيون و سالديرقانليق يئرينه ديره نيش گؤسترمک يؤنونو سئچمکده دير. باشات قروبلا قارشيلاشديغيندا آيريمجيليكلاري گؤرن و بشر حاقلارينا صاحیب اولماديغيني آنلايانلار، تابيع قونوملاريني قبول ائتمه ميش و موختليف يوللارلا موقاويمت گؤسترمه يه چابا صرف ائتميشلر. لاکين 80 ايلليک آسيميلاسيون سوره جيندن ائتگيله نن بير چوخ تورک ايسه اريمه داورانيشيني گؤسترمکده ديرلر.
آسيميلاسيون
آسيميلاسيون، ان آز ايکي آيري كولتورل سيستئمين تماسا کئچمه سي ايله باشلايان بير ائتكيله شيم سوره جينين يؤنونو، مئيليني ايفاده ائدر. بو ائتكيله شيم سونوجو، بير كولتورل سيستئمين باشقا بير (و يا بيردن چوخ) كولتورل سيستئم لري، گئده رک اؤزونه بنزتمه سي و كولتورل ائگئمنليغي آلتينا آلماسي سوره جي مئيدانا گلير.
آسيميلاسيون سوره جي
1. آزينليق قروبون حاقلاريني مودافيعه ائدن ليدئرلري قانوني و قانوني اولمايان يونتم لر له ائتگي سيز ائتمه يه،
2. آزينليق عوضولري نين ائتنيک و كولتورل كيمليك لرينه بيلينچلي اولاراق باغليليقلاريني و صداقتلريني گؤسترديکلري مودتجه، عومومي سيستئمين توپلومسال ايليشكي لر هيرارشي سينده يوکسه ليش و باشاري نيسبتلريني اويقولاديغي سيياستلرله انگلله مه يه،
3. آزينليق عوضولرينه اؤز ائتنيک و كولتورل كيمليك آلانلارينين بوتونسلليغي نين پارچالانميشليغي ايچينده وار اولان يئترسيز آراجلارلا وئريلي كولتورل آماجلارين گئرچكلشديريله بيلميه جگيني، بو آماجلارين تک باشات كولتورلرين تقديم ائتديگي ايشلوسل و موکممل آراجلارينين قوللانيمي ايله مومکون اولا بيله جگيني ايصرار ائتمه يه،
4. آزينليق قروبون اؤزل كولتورل ده يرلريني ايشله وسيز، کيمي وضعيتلرده خاراب ايشله وي ائده رک عوضولرينده قروبون مدني ده يرلرينه باغليليغين بوشونا و ده يرسيز اولدوغو دويغوسونو يايماغا،
5. اؤز-يابانجيلاشما باشدا اولماقلا آزينليق عوضولرينده، ائتنيک و كولتورل كيمليك لرينه باغليليق يئرينه، يابانجيلاشما آلقيسيني مئيدانا گتيره جک آنلام سيزليق، گوجسوزلوک، نورمسيزليق و ايزولاسيون کيمي يابانجيلاشما/آنومي قاوراييشلارينا قاپيلماغي تامين ائتمه يه دؤنوک قاپساملي پلان و پروقراملا يوروتولن بير توپلومسال موهنديسليک پروژه سيدير، دئييله بيلر.
مدرن دؤولت: آسيميلاسيونون قازاني
مدرن اولوس-دؤولت سرحدلري ايچريسينده باشات قروبون آسيميلاسيونجو ياناشماسي ندنييله اينسانلار باغيملي آزينليق قروپ قونومونا سالينديقلاري اوچون آنا ديللريني دانيشيب يازا بيلمير، ديني روتوئللر قاداغان ائديلير، توپلاما دوشرگه لرينه گؤندريلير، يوکسک ائييتيمه آلينمير، سورگون ائديلير، کؤله لشديريلير، چئکله نيب موحاکيمه اولونمادان ايللرجه حبس اولونوب هر جور ايشگنجه يه معروض قالير، ميلت وکيلي اولا بيلمير، ائگئمن قروپدان آشاغيدا بير يئرلرده قونوملانيب اونا گؤره يئرلشديريليب بؤيويور، اونا گؤره ايشله ييب پول قازانير، حتّی اونا گؤره اؤلور (Somersan، 2004: 33-34).
آسيميلاسيونون بويوتلاري
كولتورل آسيميلاسيون : ايده ال بير كولتورل آسيميلاسيون، باغيملي آزينليق قروبونون ده يرلري نين باشات قروبون ده يرلري ايله توپدان يئر دييشديرمه سيني طلب ائدر.
توپلومسال آسيميلاسيون: ايده ال بير توپلومسال آسيميلاسيون، آزينليق توپلومونون قورومسال ايليشكي لر سيستئمي نين تاماميله يوخ ائديلمه سيني و باشات توپلومون قورومسال ايليشكي لري آلانلارينا قاتيليمي ايچه رير.
ياپيسال آسيميلاسيون : آزينليق يا دا گؤچمن قروبون عوضولري نين باشات قروبون ايلک/تمل (Primary) قروب ايليشكي لرينه قاتيلماسينا ايشاره ائدر.
ائوليليک آسيميلاسيونو : گئنيش چاپدا قاريشيق ائوليليکلر (اؤزل آدي: amalgamation).
كيمليك آسيميلاسيونو :تاماميله باشات توپلوما عاييد اولما بيلينجي نين/حيسسي نين گليشمه سي.
توتوم قبولو آسيميلاسيونو : قروبلار آراسي اؤن يارگي نين يوخ اولماسي.
داورانيش قبولو آسيميلاسيونو : قروبلار آراسي آيريمجيليغين يوخ اولماسي.
يوردداش آسيميلاسيونو : قروبلار آراسي ده ير و ايقتيدارا قارشي دورماسي نين يوخ اولماسي.
آذربايجانين جوغرافيسي
آذربايجانين جوغرافي سرحدلري، فرقلي دؤورلرده قورولموش دؤولتلر ترکيبينده دييشيکليکلره اوغراميشدير. بونون اوچون، فرقلي دونم لره عاييد تاريخي معلوماتلار، آذربايجان-ين سرحدلريني فرقلي اؤلچولرده گؤسترمکده و قونويلا ايلگيلي بيليم اينسانلاري نئزدينده گؤروش و يوروم فرقينه ندن اولماقدادير.
بو گونکي آذربايجان جومهوريتي، تاريخي آذربايجان تورپاقلاري نين خاريجينده توتان و او بؤلگه نين آديني آران اولاراق آنان عنايت الله رضا، چنگيز پهلوان وس. کيمي چاغداش بعضي فارس تاريخچيلر خاريجينده؛ ايسلام تاريخچيلريندن يعقوبي، بلعمي، معسودي، ايستخري، تبريزلي خالف اوغلو حوسئيين، رئييس نيا، دهخدا و زكي وليدي توگان کيمي تاريخچيلر، قوزئي ده دربد-دن باشلاياراق باکي، گنجه، شيروان، قاراباغ، نخجيوان، تبريز، سالماس، اردبيل، زنجان، همدان، قزوين وس. کيمي شهر و بؤلگه لري قاپسايان جوغرافيياني، آذربايجان سرحدلري اولاراق ايفاده ائتميشلر (هئيت، 1994: 94 - 100).
چار روسيياسي و قاجار تورک خانداني آراسيندا چيخان دؤيوشلر سونوجو 1813 و 1828ده ايمضالانان گوليستان و تورکمن چاي آندلاشمالاري ندنييله آراز چايي نين قوزئي قيسيمي ايران تورپاقلاريندان قوپاريليب روسييايا ايلحاق ائديلديکدن سونرا آذربايجان تورپاقلاري ايکي آيري اوتوريته مرکزينه باغلي ايداره اولونموشدور. آذربايجانين سووئت روس رهبرليگينده اولان قيسيمي سووئتلرين چؤکوشوندن سونرا 1991دن اعتيبارن باغيمسيز دؤولت اولاراق وارليغيني داوام ائتديرمکده دير.
گونئي آذربايجان-ين دئموقرافيک ياپيسي
م. ر. هئيت (2005: 8) دونيا بانکي اؤلکه پروفيللري 1994 راپوروندا يايينلانميش رقملره گؤره؛ 66،1 ميليونلوق (بو آندا 70 ميليون) ايران اهاليسي نين %42'سيني تورکلر اولوشتورماقدادير. بو نيسبت ايسه، 70 ميليونلوق بو گونکي ايران اهاليسي نين تخمينن 29،4 ميليونونو تورکلر مئيدانا گتيرديگيني گؤسترمکده دير.
قوزئي آذربايجان ميللي كيمليك قازانما تاريخينه قيسا بير باخيش
روسييا، ايستيلاسينين 15. ايلينده خانليق سيستئمي نين اورتادان قالديرماغا قرار وئردي، بو دييشمه لر قافقازلي آذربايجانليلارين ايچ باغليليغي نين سيخلاشماسينا، يئرلي قروپلاشمالارين سونا چاتماسينا و قوزئي آذربايجان ايقتيصادي بيرليگيني تامين ائتمه سينه ندن اولموشدور. موسلمان موللالارين گوجونو و ايداره سيني ائييتيمدن و اؤزل آلان لاردان کسميشدير. بو ايش آذربايجانليلاري ايسلام دونياسي نين قورولوشوندان قوپارتميش و سئكولار ائييتيمله تانيش اولمالاريني ساغلاميشدير. بئله ليکله 1840لاردا آذربايجانلي اوزمان قروبلاري اورتايا چيخميشدير. اونلار آوروپا ائييتيم سيستئمييله يئتيشميشلر و " آذربايجان آيدين فيکير صينيفي " ني مئيدانا گتيرميشلر.
1870لرده نفت صنایعسي نين اينکيشافي، بير چوخ يابانجي ايشچي نين باکييا کؤچمه سينه ندن اولموشدور. موسلمان اولمايان و روسيياليلارلا قارشيلاشان آذربايجانليلار توپلومسال و ايقتيصادي آيريمجيليقلار حاقيندا بيلگي له نيب، آذربايجان اساسيندا قورولان كيمليگي گوجلنديرميشدير.
ايران آذربايجان-يندا ايش تاپماق مقصدييله قوزئيه کؤچن ايشچيلر، ايکي آذربايجان آراسيندا ايليشكي لريني گوجلنديريب، مشروطيت و سوسياليزم دوشونجه لرييله تانيش اولموشلار.
1905ده روسييا اينقيلابيندان سونرا، چوخو تورک ديلينده ژورناللار ياييملامايا باشلاميشدير. 1906دا موسلمان اؤيرتمنلر کونفرانسيندا ايلك اوخوللرين ميلليلشمه قونوسو اؤنملي يئر آلميشدير. 1913ده ايشچيلر گرئوينده اؤنملي ايستکلردن بيري تورک ديلينده اوخوللرين آچيلماسي اولموشدور. آذربايجانلي كيمليغين گليشمه سي سونوجوندا 28 ماي 1918ده آذربايجان دئموکراتيک جمهوريتي قورولموشدور و 1920ده سووئتلرين هوجوم ائتمه سينه قدر وارليغيني داوام ائتديرميشدير.
برندا شيفر-ين ايديعاسينا گؤره بو ايسلام دونياسيندا ايلک تورک جمهوريت ايدي. اك اولاراق ايلک قادينلارا اوي حاقي وئرن موسلمان اؤلکه، دئموکراتيک آذربايجان جمهوريتي اولموشدور. بو دؤنمده تورک ديلي رسمي ديل اولوب باکي اونيوئرسيته سي آچيلميشدير. بو حاديثه لر يالنيز قوزئي آذربايجان دئييل، گونئي آذربايجاني دا ائتگي له ميشدير.
اؤزت اولاراق، ايکي آذربايجانين آيريلماسينا باخماياراق،
- تيجاري و عاييله ليک ايليشكي لري داوام ائتمکده دير.
- قوزئي ايله ايليشكي ده اولان گونئيلي تورکلر، ايران-دا آذربايجانلي كيمليكيني مودافيعه ائتمه يه باشلاميشلار.
- قوزئيده يارانان آيدين فيكير طبقه يئني دوشونجه لري (سوسياليزم، ناسيوناليزم و سئکولاريزم کيمي) ايران-ا داشيميشدير.
- قوزئيده ياييملانان درگيلر، اؤزلليكله ملانصرالدين درگيسي، گونئيليلر له امکداشليق ايچينده ياييملانميش و چوخو ايران قزئتلرينه ده نومونه اولموشدور.
- گونئيدن قوزئي آذربايجان-ا ايشچيليک مقصدييله کؤچنلر، اورادا راديکال دوشونجه لرله تانيش اولموش، اعتيراض يوللاريني اؤيرنميشلر.
- چوخو قوزئيلي آيدين فيکيرلر ايران-ين مشروطيت اينقيلابينا (1906) يارديمجي اولموشلار.
بو مادده لر قوزئي آذربايجان-دا تورک كيمليكي نين گليشمه سييله بيرليکده گونئي آذربايجان-دا دا تورک كيمليغيني ائتگيله ميشدير (شيفر، 2002: 64 - 65).
سووئتلر ايستيلاسيندا ياشايان آذربايجان، روسييا-نين سيياستلرينه گؤره، ايران-داکي آذربايجانليلاردان فرقلي بير آسيميلاسيون سوره جيني ياشاميشدير. سووئتلر اؤزلريني دونيايا بير آزادليق سئون سيستئم اولاراق يانسيتماق اوچون، آزينليق ائتنيکلرين ديللري نين و ادبياتلاري نين گليشمه سيني و ياييملانماسيني انگلله مه ميشدير، لاکين بو يازيلارين مضمونو يوغون سانسورلا قارشيلاشميشدير.
آذربايجان اليفباسي 1924ده لاتين اليفباسينا کئچميش و بو کئچيش تورک كيمليكينه اؤنملي قاتقي ساغلاميشدير. استالين دؤورونده كولتورل باغيمسيزليقلار و سياسي آزادليقلار اورتادان قالديريلميشدير.
ايکينجي دونيا دؤيوشونده، قوزئي آذربايجان اؤز كيمليكيني باش كيمليك اولاراق، ائولرده داوام ائتديرميشدير.
1960 و 70لرده آذربايجان كيمليكينه و كولتورينه اييليم، چوخو آذربايجانلي يازارلارين اثرلرينده گؤرولمکده دير. بو دؤورده مجبور قالديقلاري اوچون، آذربايجان-ا سئوگيلريني کومونيزمين مدحييله بيرليکده سؤيله ييرلر.
1986دا گلاسنوست ايصلاحاتلاري نين سونوجوندا، آذربايجان كيمليكيني ساوونماق داها دا آسانلاشميشدير. قاراباغ حاديثه لري و روسييا-نين ارمنيلري دستکله مسي، آذربايجان و روسييا آراسيندا اولان ايليشكي ني کوپارتميش و خالق پارتييانين باشليغييلا باغيمسيزليك ايستکلري يوکسلميشدير.
1992ده ائلچي بي آذربايجان جمهور باشچيسي سئچيلميشدير و تورکچولوک، موسلمانليق، مدرن لشمه شوعارييلا گونئي آذربايجانليلارين دورومونو دا ديقته آلميشدير.
ائلچي بي بوتون آذربايجانليلارين بيرلشمه سيني و گليشمه سيني ساوونوردو. بو ندنله اونون بير چوخ دوشونجه سي، گونئيده ياشايان تورکلر طرفيندن منيمسنميشدير.
1993ده ائلچي بي داربه ايله قارشيلاشيب و باکي-ني ترک ائتمک مجبوريتينده قالميشدير. حيدر علي اف يئني دؤولتي اله آلديقدان سونرا دؤولت كيمليكيني، ائتنيک كيمليكين يئرينه يئرلشديرمه يه چاليشميشدير. گنل تارتيشمالارا سانسور قويموش و خالق پارتيياسي نين رسمي ديل تورک اولاراق آدلانديريلاجاغي قراريني دييشديريب و سووئتلر زامانينداکي کيمي، آذربايجان ديلي اولاراق آدلانديرميشدير (شيفر، 2002: 48 - 214).
هیچ نظری موجود نیست:
ارسال یک نظر