ساوالان پورت : ساوی (خبر) چاتدی بیله مه کی سالار و وحید بئی لر توتوقلانیبلار آما نه دنی بللی دئییل. آما من بیلیره م سیزین سوچونوز نه دیر.
سیزلی و بیزلی و بوتون سویداشلاریمیزین بیر بویوک سوچو وار کی سبب اولور توتوقلانیب و سورقولاناق و اودا وطن سئوگیسیدیر، آنا توپراق سئوگیسیدیر.
بو شئعری ایلک دفعه سنده ن ائشیددیم و چوخ خوشوما گئددی.
دیلیم دیلیم دوغرا قیزیل آلمانی - وئر هر گلن اوندان یئسین بیر دیلیم
اوچ کلمه دیر وارلیقیمی بیلدیره ن - بیر منلیگیم، بیر وطنیم، بیر دیلیم
سیزین دونیا آنا دیلی گونو توتوقلانماز بونو گوستریر کی سیزی سوچلاییبلار کی نییه آنا دیلیزی سئویرسیز؟ سن نییه هارای لاییرسان کی من تورکم؟ و بئله ده جاوابلاییرلار کی یوخ سن تورک دئییلسن، سن آزری سن آزری. داریخمایین و هئچ اوزولمه یین، بو آغیر چاغلار کئچیب گئده جک و اونلاردا باشا دوشه جک کی بیز و اونلار اوزه ده تورک اولوب و تورک یاشامالیدیلار. اونلاری آیدینلادماقا گوره محنته دوشوب و کورلوق چکمک گرکیر.
سیز اوردا اولارکن اوشاقلار و اوزللیک له عائیله نیز اوزولوب و پوزولوبلار آما اونلارا بیر بویوک اوره ک توختاسی وار اودا بودور کی بیلیرلر و بیلیریک کی"حاق سئل کیمی دریایه آخیب یول تاپاجاقدیر - داش آتماقیلا کیمسه اونو دونده ره بیلمز
دونیادا قارانلیقلار اگر بیرلشه باهم - بیر خیرداجا شمعین ایشیقین سوندوره بیلمز "
دونیادا قارانلیقلار اگر بیرلشه باهم - بیر خیرداجا شمعین ایشیقین سوندوره بیلمز "
هیچ نظری موجود نیست:
ارسال یک نظر