ساوالان پورت :
ايرانين آذربايجانا قارشي وئريلن اعتيراض نوتاسيني تحليل ائتديگيميز زامان
آيدين اولور کي، ايران دوشدويو وضعيتدن چيخماق اوچون بئله آدديملار آتير.
بو
سؤزلري گون.آز-آ آمئريکادان گونئي آذربايجان سوسيال و مدنيت آراشديرمالار
مرکزينين صدري، پوليتولوق داوود توران ايرانين آذربايجانا اعتيراض نوتاسيني
شرح ائدرکن بيلديريب.
"بو،
بيرينجه دفعه دئييل کي، ايراندان بئله موناسيبت گؤروروک. هر دفعه يرانين
آذربايجاندا ديپلوماتييادان کنار عمللري ايفشا اولوناندان سونرا رئژيم بئله
آدديملار آتير.
آذربايجان
حاکيميتي بين الخالق حوقوق و اؤز کونستيتوسيياسي چرچيوه‌سينده ايرانين بو
عمللرينه جاواب وئرير. آما منه گؤره بو مسله‌يه ان چوخ تاثير گؤسترن فاکتور
آذربايجان پارلامئنتينده شيمال و جنوب مسلسينين گوندمه گلمه‌سيدير. ايران
بونا گؤره چوخ ناراحات اولوب. آذربايجانا وئريلن نوتانين اساس ماهيتينده بو
فاکتور دورا بيلر" ،- دئيه پوليتولوق قئيد ائديب.
پوليتولوق،
خوصوصيل، ايران نووه عاليملرينين اؤلدورولمه‌سيندن بير نئچه آي کئچديکدن
سونرا خاريجي ايشلر نازيرليگينين نوتاسيندان تعجوبلنديگيني بيلديريب.
"ايران
سيياستچيلري بير شئيي بيلمه‌ليديرلر کي، آذربايجان حاکيميتي ايرانا قارشي
هانسيسا حرکتلري باشقا واسيطه‌لرله ائده بيلرلر. ايراني غضبلنديرن ديگر
باشقا مسله کئچن گونلرده ايسرايل موعليملرينه قارشي اولا بيله‌جک قصدين
اوستونون آچيلماسي و بو حاديثه نين اساس تشکيلاتچيلارينين ايران خوصوصي
خيدمت اورقانلاري ايله علاقه لنديريلمه‌سيدير.
چونکي،
بو بير جيدي ايتتيهامدير. ايران بو ايديعالار قارشيسيندا اؤزونو هاقلي
چيخارتماق اوچون نووه عاليملرينين اؤلدورن جاسوسلارين آذربايجانا گلمه‌سي و
س. علاقه لنديريرک اعتيراض نوتاسي وئرمه‌سي اصلينده ايران آپارديغي
آنتيازربايجان تبليغاتيني سيغورتالاماغا چاليشير" ،- دئيه د.توران
وورغولاييب.
ائلنور ائلتورک
قایناق : تبریز سسی
هیچ نظری موجود نیست:
ارسال یک نظر