ميلت ندير؟
تاکيتوس ايلک اولاراق ميلت(nation) کله‌مه‌سيني (nasci) کله‌مه‌سيننن آلاراق ،اسالت کله‌مه‌سينين يئرينه ايشلتدي. ميلت سونرالار چوخلو فرقلي سوييه‌لرده تعريف اولونوب. بعضاً فرانسادا ياشييان زنگينلري(abesiyyə) ميلت آدلانديريب، آوروپپادا سرحدلر ايچريسينده چوخلو ائتنيک اولمادان و ميلت معناسي سادجه طبقاتي باخيمدان ديرلنديرمه‌سي سبب اولور کي ائمانوئل سييئيئ، ميلتي بير ياسانين آلتيندا ياشييانلاري آدلانديرسين. بودا او زامانين تبئيزلي ياشاميندان قايناقلانير.آما ايلک اولاراق آوروپادا فئرئدريش مايينکئ کولتورل ميلتي آوروپاداکي دئولت-ميلت آنلامينين قارشيسيندا قويدو و ياواش ياواش ناسيوناليسم ميلت کله‌مه‌سينين ايچريسينده ائتگيسين گؤستردي. بو او دئمک دييل کي مايينکئ ميللييتچييدي بلکي تام عکسينه او ناسيوناليسمله موخاليفييدي و سادجه بو تعريفي آيدينلاتدي.سونرا کومونيسم دؤنمينده ميلت بحثي گلير و کومونيسملر همن کي مارکس دييير کي بيز ميلتلري آردان آپارماق ايستميريک بيز ايستيريک ميلتلره حاکيم اولان ايستيثمار آرادان گئده (ماركس، کارل؛ ائنگئلس، فريئدريجه: مانيفئست دئر
Kommunistischen Partei. بئرلين 1958، س. 29. ف.)مارکس بوردا ميللييتچيليغي هئچ سايير و سادجه اينتئر ناسيوناليسمي برابرليک سوييه‌ده آنلادير.اوندان سونارا ايستالين کي بعضي نظرلري تام اولاراق کومونيسم مانيفئستينه‌ده قارشيدير، ميلتي هئچه ساياراق، ناسيوناليسمي پيس بير شئي بيله‌رک دييير: ميلت بير ايشتيراکدير اينسانلاردان، ديل و ائتنيکين اوندا تاثيري يوخدور.( Stalin, Joseph Wissarionowitsch: Marxismus und nationale Frage. In: ders. Werke, Bd. 2, Berlin 1950, S. 268, 272..)امما گؤروروک بوردا مارکسلا عئيني دوشونجه‌ده دير. ناسييوناليسم يوخ اينتئرناسيوناليسم هه! مارکس هيلدبئرتده آلمانيادا آشيري درجه‌ده و فاشيسيتي شکيلده توم کيچيک ميلتلري ازيب و باشقا ميلتله بيرلشديرمک دوشونجه‌سيله کي (Erdenta) ايتالييان ناسيوناليسم دوشونجه‌سينين تام عکسيدير و ناسيوناليسيم نئگاتيو قونودا اورتايا گتيرير.اوندان سونارا موسوليني بو قونونو داها آرتيق گئنيشلنديرير. سونرادا ايسلامچيلار، ناسيوناليسم-اي-ايسلاميني تعريف ائديب و اوممت دييه‌رک کومونيسمين سؤزونو ديني اولاراق آنلاتديلار.
آما عومومي ميلت آنلييشي منجه ندير؟
ميلت يا نارود بير گوروپدور و اؤز يوردلاريندا بير پارچادشر. ائتنيک، توپراق، کولتور و تاريخي باغلاري وار و بو علاقه لر اونلاري ايللرجه بيربيرينه باغليگيبدير.چوخ ايستميرم تئرمينولوگييه گيرم، آنجاق بو ايتتيفاق-اي-نظر وار کي آذربايجانليلار بير ميلتديرلر.آما بير عيده ده وار بونلا راضي دييللر.بو عيدهؤزلريني ميلت بيلمئيه‌رک فارسلار و اؤز آرالاريندا باغ آختاريرلار،ونلارين ان اؤنم وئرديغي شئيلر فارس ميللي منفعتيدير.پلاتون(افلاطون) ميللي منفعتي زيياليلار طرفيندن تانيملانماسيني ايستئيير. باشقا طرفدنده آريستوتئل(ارسطو) ميللي منفتلري فردين اسالتينه باغلير و دييير: موشاويره ائتمکله بو منفتلر بللي اولار. سونرا ميلتين سونولار. ايران آدلانان اؤلکه‌ده ايندييه قدر زيياليلار پلاتونيسم شکيلده جمئي منفتلري يئکونلاشديريبلار. ايندييه قدر بو دئييملر گاه فارس ميلتينه باغلاماق و گاه آيريلماق طرفينه گئديبدير.بير حالدا کي بعضي شخصلر اؤز دوشونجه‌لرينه گؤره ميللي منفتلري ايران آدلانان اؤلکه‌نين سرحدلرينده بؤيوک ميلته باغلانماقدا بيليرلر. اونلار مارکس وئبئرين وئرديغي نظره داياناراق ميلت اورتاق ايستکلر ايله دوزه‌لير انانجينداديرلار. بعضيلريده آذربايجان تورک ميلتيني باشقا بير ميلت تعريف ائديرلر و ائتونس و ميلتي مونتئسکيو کيمين کولتورل و ائتنيک باغلاري اولان بير گوروپون اولوشو آنلاتيرلار. مونتئسکيو توپراق و يورد مسلسيني داها يوکسک بيلير. ابونسر فارابيده ال-سيياست کيتابيندا ميلتي بير پارچا بيلير کي بير عقيده و کولتورله بيربيرينه باغلانيرلار. (əl-siyasat,s50) بو مثلاي آچماق چوخ سورر. بونا باخماياراق بيزيم چوخلو فعاللاريميز ميلت آنلاميني فارابي مودئلي کيمي آنليگيبلار. آما بيزي فعاللاريميز اونو مارکيستي بيله‌رک ميللييتچيليق مسئله سيني ايکينجي دره‌جگه قويورلار و گؤسترير بيزيم اؤز تانيتيم سورونوموز وار. هله‌ده (identity politices) ده سورونوموز وار و اؤز هووييتيميز بيلمه‌ديغيميزه گؤره ميلت تعريفينه يؤنلک بيلميريک. نيسه بئله فرقيلرده اولماليدير . بير اينساني باشقا دوشونجه‌سي اولاراق ديشلاماق يانليشدير و پولوراليسم اورتاميندا هر کس اؤز دوشونجه‌سين ديييب و باشقاسينين دوشونجه‌سينه هورمتسيزليک ائتمه‌دن ائليشتيره بيلر.بو ميلت تعريفلريندن ايکي دوشونجه آييرلانير. بئزيلري آذربايجان ميلتين تام اولاراق ميلت گؤرورلر کي چوخونلوق ايستيقلال و اؤزگورلوک طرفداريديرلار و بعضيلره‌ده (identity politices) سي يانليش بيليب و يا باشقا ائتنيکلرله ايشبيرليغي آپارماقلا يني باغلاري کسمه‌دن موباريزه آپارماقي اؤنريرلر اونلارين اعتيقادي وار فارس فاشيستينين ماکگئي دئديگي کيمين ائتنيک مئهوئرليغينين قارشيسيندا اونو ايصلاح ائتمک اولار ،سانکي ايکي گوروپ وار .بير قوروپ عئيني رئفورميسلر کيمي رئفورمو اؤنريرلر و باشقا طرفده‌ده اوپوزوسييون کيمي تملدن بير سيستئمين گئتمه‌سيني ايستييرلر. بو ايکي قوروپون دوشونجه‌سينده اوراق مسله ايران رئژيمينين داغيلماسيدير.
ميللي حرکت ندير؟
ميللي حرکتين مانيفئستين ميلت تعيين ائدر و بير پارتييا يا گوروپ ماکي ياوئل و ديکتاتور شکيلده هر کسه داياتا بيلمز. هر کس آزاددير هر جوره فيکيرلشدين بيز بينک يا بينمييک. کله‌مله اويناماق سادجه و سادجه اوتوروب اؤز ايچيميزده تارتيشماق هئچ بير شئيي هل ائتمز ،چونکو هله بيز بير گنل مانيفئسته و ايستکه يئتيشمه‌ميشيز و هر کس گليب اؤز ايسته‌ديغي کيمين بو آغاجي يونتور و گئدير.ميللي حرکتده اونلار کي آذربايجاني بير ميلت بيليرلر اونلارا داها راحات آيدينلاتماق اولار آما اونلار کي هله ميللي حرکتي باشقا ميلتلرين حرکتلرينه باغلي بيليرلر داها زور آنلاتماق اولار. ندني ايسه اونلار بو حرکتي باشقا ميلتلردن گلن رئفلئکتلرله علاقه دار بيليرلر و آذربايجان خالقيني سوپئرناتيون (اوست کيمليک )خالقشلارشن سوبناتيون (آلت کيمليگي) اولاراق بيليبيرلير و اؤزوندن بير قودرتي اولميياراق گؤزو يوخاريدادير کي رئفلئجتيون گلسين.بوگون بيزيم ديشاريدا ياشايان آيدينلاريميزين چوخولوغو ميللي موجادله‌نين ايچينده اولماييبلار و سادجه ياخيننان بعضي دويغوسال گنج فعاللاري گؤروبلر. تانيملاديقلاري خالق بير آتوم بومباسي کيمي رئکلام ائديلير و گرچک ديشي اولاراق ميللئتين پاتلامايا حاضير اولدوغونو گؤستريلر . اينديکي ميلت او قدر بو ساچما ساپان ايدئولوگيلرين آراسيندا قاليب کي اَير بئله داوام ائتسه گئتديکجه اؤلومه سوروکلنه‌جکدير.ميلت آياقلانديغي زامان تشکيلاتلار بيرينينه سالديرماق فيکرينده اولوبلار و ميللي داواني چنيمسيميک يئريني گوج داواسي و ايش چکيشمه‌لره مشقول اولوبلار.و حرکتي راديکاليسم و آنارشيسمه دوغرو گؤتورمه‌يه شاليشاراق بو دوشونجه‌يه قاتيلمايانلاري ساتقينليغا و خيانته و فارس رئژيمينين قوللوقچولوسو آدلانديريرلار. اوپرتونيستي اورتام ياراديب اؤز ديکتاتورلوقلاريني ميللي حرکته تهميل ائده‌لر. بو منتيقله بيزيم کيمين فيکيرلشنده هممشه بيزيم دوستوموز دييل و فيکيرلشميينده هممشا دوشمنيميز دييل.بلکه بير ميلتچي آشيري ايسلامچي يا آشيري ايرانچي اولا بيله گرک اونو ايصلاح اعلاماقا چاليشاق اَير دوغرو دوزگون مانيفئستيميز اولسا ! نه يازيق کي اودا يوخدور هر کس ايسته‌ديغي کيمي داورانير و دوستو قووور دوشمني آالير.
بيربيريميز ازمک و داشلاماق سادجه فارس رئژيمينين ايسته‌ديگيدير .بيربيريميزين سسيني کسمک هئچ کسه خئيري يوخدور.يالنيز ايران فاشيست رئژيمين،کلمه‌لرله اويناماق ميلتچيليک دئييل . بير چئرچيوه‌ده کي يازي، مئديا، مافييا کيمين بيزيم دوشمنلريميزي سئوينديرير،ايستيقلال و اؤزگورلوگو تک الچيليکلنگلله‌مک اولماز. هر کس ايستيقلالچي اولابيلر يا دا فئدئرالچي بونلار بيزي آيريلماماليدير.سونوندا بير اؤيکو ايله يازيما سون وئريريم:
ايراندا مکتبلرده 10 سانداليا قويارلار و 11 اوشاقا دييرله کي بو سانداليالارين چئوره‌سينده دولاناجاقسيز سونرا هر کس بيريسينده اوتوراجاق اوتوراممييان اويوندان چيخاجاق ائشييه و گئتديکجه سانداليالاري آزالديرلار تا 1 نفر سونوندا قازانان قالسين و اوتوراممييان يانير
آما ژاپونايا 10 سانداليا قويوب 11 اوشاقا ديييرلر کي هامميز گرک بونلارين اوستونده يئرلشه‌سيز اَير يئرلشمه‌سه ز هاممينيز اودوزوبسوز اوندا هامميسي چاليشير کي دوستلاريدا اوتورسونلار سانداليادا و بئله‌دي کي اينکيشاف ائديب و بيربيرينين اليننن ياپيشيرلار ،اياقيندان يوخ هر کس،هر ايکيلريده!!
منبع : تبریز سسی
هیچ نظری موجود نیست:
ارسال یک نظر