آنليرام و بونو ياشاميشام کي جوجه اولماغلا ،جوجه گؤرونمک نه قدر فرقلي و نقدر زوردولار!بير ننه‌نين ياپبا باسارکن،ياپبالار اوجاليرکن اوگؤزل کند قوخوسويلا باغيريردي کي من جوجه دئييلم!موشلوهلو رجب داييدا کي آرخاسيجا او قدر دئميشلر مؤتاددير،اسرار چکير کي ،مسجيدده نامازيني قيريخ قيريخ قيلاراق،هؤنکور هؤنکور ديييردي من جوجه دئييلم،يا داها دوغروسو من بوندان بويانا جوجه دئييلم!آنلايين!
چوخلو اينسانلار منه ديييرلر کي نييه بو قدر کنددن،دوغادان،ياپبادان،داواردان،قويوندان يازيرسان!
نييه پس ،تئکنولوژيدن و يوکسک درجه‌ده‌کلمه‌لردن و آکادئميک فورومدان قوللانيشلارين داهاجا آزدير!جاواب وئرمه‌ديم ،سوسدوم و باغيراماديم کي من ده جوجه دئييلم،حال بو کي او کندده‌کي مالين سوتونو ساغان ايبجر ننه ،مندن داها ياخشي جوجه اولمامازليغي آنلير ،و داها اؤنمليسي اونو سرگيله‌مه‌سيني مينلرجه آکادئميسييندن گوجلو باغيريرکي من جوجه دئييلم!يومورتاني سينديرديق،آچديق گؤزلريميزی بير آچيق دونيايا!قارانليغدان ايشيغا!کوروغلو اولماغدا بئله‌دير.ايشيغا چيخماق ،اما نه ايشيق کي عادت ائتسن ٬قارانليغي سئومه‌يه باشلارسان!
بيز جوجه ایسم مکتبيندن دا قورتولموشوق ،بؤيوموشوق آما نتهر! بوي آتميشيق آما نه هوندور!يوقونلاميشيق آما نه قارين!بيزيم مينلرجه،نئجه نئجه بؤيوکلريميز،داهيلريميز وار کي جوجه‌ليکدن قورتولمييبلار،هله سورو اولاراق باشقا بير تويوغون داليندا سولنه‌رک گئتمگي تويوقلاشماق آنلاميندا بيليرلر!!هله بو دوشونجه‌دن کي جوجگيیک و بير باشقاسينين آرخاسيندا گئتمه‌لييک قورتولماقی ،حتّي تمرين ائتمه ميشيق.حال بو کي تويوق اولماغين زيهينسل تعريفيني او دئديیيم اوسته کي آداملار بيلر.بو ماهنيني اوخورکن،همشه اوشاغليغيميز ياديميزا دوشور ،حال بو کي بونون آنلامي تام ترسي و بؤيولمگي اورتايا قويماغدير.سيخينتيلاردان،موريد و مورادليغدان،باغلي دوشونجه‌لردن قورتولماقین سيمگه‌سيدير.
ای جوجه‌لر گؤزله‌ييرم تئز گلينيز…گؤي چمنده دينجه‌لينيز!
نه گؤزل بير سؤز،نه بؤيوک مانيفئستو،اينتيظار ،اوجالماق،و دينجلماق!من بونلاري کنددن آنلاميشام.او زامان کي قاليشلا و اطرافيندا آنا قوجاقي کيمي چنبر ووران نايلون تومان باغيني گؤرن کيتابلارلا،آلماليغلاري سوره‌رک مکتبه گئديرديک،جوجه اولاراق بؤيومگي بيلميشم!او زامان کي بير جوجه کيمي،بولبوللرين اوچوش هاواسينا ،کوللوکده بالاجا قانادلاري چيرپميشام و اوچامماميشام،جوجه اولماغي هيس ائتميشم!او زامان کي گيزليجه نم توتموش بؤيوک عميمين کيتابلاريني،خان ننه مين سانديغيندا چالميشام و ياواشجا توله‌نين قارانليغ بيجاغيندا،بولبولم يازدا چمنسيزله‌ميشمي،سيلمیشم ،قارالاميشام و يازميشام جوجيم ائلده وطنسيزله‌ميشم!!!...اوندا آنلاميشام کي هله هله جوجيم!بير آنا دييه‌رک تويوغون آرخاسيندا گئده‌رک کي بللي دئييل هانسي خوروزون قريزه قوربانليغي اولوب،سورونموشم ،و سورونمک کي قاناديم اولاراق اوچامماميشام!اوردا آنلاديم کي من هله جوجيم!
آرزوم بودور بوي آتاسيز…………… آنانيزا تئز چاتاسيز!
آنامادا چاتامماديم!هر سيرانين آخيريندا اولدوم و کول ديبينين ساوسارلارينين،ايلک آنلاشيلان قوربانليغي!چؤرک ناريني،آلمينييوم قابي اولان،قند ناريني آلانلاريني،پينه‌لي اللرينه ،کؤهنه قيريق شيلانقي وئره‌رک ساتيلميشام ديلي بيلمز اوشاغلارا!رنگ ووروبلار منی،بيري ياشيل،بيري قيرميز،بيري قهوه رنگي،اما منيم رنگيم بو دييل کي!بؤيويور کن ياواش ياواش بو گئچيجي رنگلرده کيمليگيمه کار سالمادي!دوغولدوق دوشدوک بير تويوغون دالينا.بيز ساري ،و آغ ،يا قارا !آما بيزده هر زامان ساريليق وار،بيزده بو سيمگه،بو برابرليک وارييدي آما هاميميز باشقا تويوغلارين آرخاسيجا گئديرديک!بيريسي خوروس ،بيريسي تويوق،بونلاري هئچ بيلمه‌ديک و جوجه آدينا هر زامان قارا قوشون اولدوق بير هوه‌سين استراتژیسینه!
آما ايندي بؤيوموشوک قانادلاريميز يوغونلاشيبدير!اونلار کي زامانه‌نين قوناغ سوفراسينا ،اساس قوناق اولدولار،اونلار کي باشلاريني ديرنجلري اوچون گؤزو ياشلي قيز بالالارينين قاباغيندا کسيلديلر،اونلار کي آدلاريني در دووارا يازديلار و کئف ائتديلر و بيلمه‌ديلر جوجه‌دن سونرا کابابدا يازيليب،اونلار کي پيشيکلر و سووسارلارا قوربان گئمه‌ديلر کنارا،بيزلر قالميشيق و باغيرير قانادلاريميز اوچمايا.داملارا،دووارلارا چيخماليييق،تمرين ائتمليييک،دئنمليييک،بيزلرده اوچا بيلريک،بيزلر همان اورتاق ساري رنگلي جوجه‌لريک.او گون گله‌جک و مينلرجه ساري جوجه کي فرياد ائديرلر بيز جوجه دييلیک،و بابالارينين يولونو،و يولو کي نئچه تويوق و خوروز داملاردان يئره دوشوبدولر تا بيزه درس وئره‌لر ٬بيزده اوچا بيلريک!بيزلر بو زاتي خسيسه‌ميزه قارشي گله‌جگيک.اوچاجاييق،اؤله‌رک ،يارالاناراق،بو اومودو ديري ساخليياجاييق٬ کي بيز داها جوجه دييليک،بيزلر اوچان قوشلاريق،بيزلر چمن حسرتيند،حاقسيز دوشن تويوق و خوروس بيزيک،بولبوله قارشي يوخ،و يانليش اکيلن چمنه عصيان ائديريک!ايندي اوچماق زاماني گلميش…جوه جوه دييه‌رک اوچوروق و اؤزلوگوموزدن چيخماليييق و بو بير سورو ساري،خاللي،قارا تويوق جوجه‌سينين ايشيدير،بيزلر ساري جوجه‌لر کي فرياد ائتميشيک بيز ..جوجه دييليک!!!
(بوردا رنگيلرين هيچ آنلامي يوخ و سادجه جوجه‌لري تعريف ائتمک اوچون ايستيفاده اولونوبدور)
هیچ نظری موجود نیست:
ارسال یک نظر