ساوالان پورت : قيرغيزيستان پرئزيدئنتي: «بيزي تئز-تئز ديز چؤکدورمه‌يه چاليشيرلار، آما بيز هئچ واخت اونلارين کؤله‌سي اولماديق و اولماياجاغيق»
«ديز اوسته ياشاماقدانسا، آياق اوسته مرد اؤلمک ياخشيدير»
باکيدا صفرده اولان قيرغيزيستان پرئزيدئنتي آلمازبئک آتامبايئو آذربايجان ميللي مجليسينه (م.م) گليب. م.م اسپيکئري (سؤزچوسو)اوقتاي اسدوولا گؤروشن قيرغيزيستان پرئزيدئنتي داها سونرا آذربايجان پارلامئنتينين ايجلاس زالينا داخيل اولوب.
«ديز اوسته ياشاماقدانسا، آياق اوسته مرد اؤلمک ياخشيدير»
باکيدا صفرده اولان قيرغيزيستان پرئزيدئنتي آلمازبئک آتامبايئو آذربايجان ميللي مجليسينه (م.م) گليب. م.م اسپيکئري (سؤزچوسو)اوقتاي اسدوولا گؤروشن قيرغيزيستان پرئزيدئنتي داها سونرا آذربايجان پارلامئنتينين ايجلاس زالينا داخيل اولوب.
دئپوتاتلار آلمازبئک آتامبايئوي آلقيشلارلا قارشيلاييبلار.
قيرغيزيستان پرئزيدئنتي مم دئپوتاتلاري قارشيسيندا چيخيش ائدير. آنادولو تورکجه‌سينده دانيشان آلمازبئک آتامبايئو «بيز تورکوک، بيزيم آتالاريميز، بابالارينيز دا تورکدور»، – دئيه بيلديريب. آلمازبئک آتامبايئو دئييب کي، قيرغيزيستان و آذربايجانين يولو چوخ کئشمکئشلي و ازيتلي اولوب: «آما خالقيميز تاريخ و عادتلريميزي بو گونه قدر ياشاديبلار. بيز آتالاريميزين روحونا اويغون، اونلارين يولو ايله گئتميشيک. بيزيم آتالاريميز، بابالاريميز چوخ جسور، آزادليغي سئون اينسانلار اولوب. اونلار عصرلر بويو تورک روحونو قوروياراق تاريخي عادتلري بو گونه قدر ياشاديبلار. بيز آتا-بابالاريميزين دئديکلرينه عمل ائتمه‌ليگيک».
قيرغيزيستان پرئزيدئنتي مم دئپوتاتلاري قارشيسيندا چيخيش ائدير. آنادولو تورکجه‌سينده دانيشان آلمازبئک آتامبايئو «بيز تورکوک، بيزيم آتالاريميز، بابالارينيز دا تورکدور»، – دئيه بيلديريب. آلمازبئک آتامبايئو دئييب کي، قيرغيزيستان و آذربايجانين يولو چوخ کئشمکئشلي و ازيتلي اولوب: «آما خالقيميز تاريخ و عادتلريميزي بو گونه قدر ياشاديبلار. بيز آتالاريميزين روحونا اويغون، اونلارين يولو ايله گئتميشيک. بيزيم آتالاريميز، بابالاريميز چوخ جسور، آزادليغي سئون اينسانلار اولوب. اونلار عصرلر بويو تورک روحونو قوروياراق تاريخي عادتلري بو گونه قدر ياشاديبلار. بيز آتا-بابالاريميزين دئديکلرينه عمل ائتمه‌ليگيک».
او، حئيدر الييئوين «دده قورقود» و «ماناس» داستانلاري باره‌ده سؤيله‌ديگي فيکيرلردن سيتات گتيريب.
آلمازبئک آتامبايئو سووئت دؤورونده قيرغيزيستانا 10 مين آذربايجانلينين کؤچورولدويونو بيلديريب: «بو گون قيرغيزيستاندا ياشايان آذربايجانليلار آراسيندا 3 پروفئسسور، 3 ائلملر دوکتورو، 20 ائلملر ناميزه‌دي وار. آذربايجانليلار قيرغيزيستاندا دئمک اولار کي، بوتون ساحه لرده چاليشاراق اؤز تؤهفه‌لريني وئريرلر».
قارداش دؤولتين باشچيسي اؤز چيخيشيندا قيرغيزيستانين قارشيلاشديغي پروبلئملردن ده سؤز آچيب: «قيرغيزيستان 20 ايل اؤنجه موستقيلليگيني ائلان ائتسه د، بيز فاکتيکي اولاراق بوتون گوجلو دؤولتلردن هم تئخنيکي، هم ده فيزيکي جهتدن آسيليييق. بو، چوخ تأسوفلنديريجيدير».
آلمازبئک آتامبايئو ميثال کيمي هر ايل چتينليکله ديگر اؤلکه‌لردن ياناجاق ايدخال ائتديکلريني گؤستريب: «بيزي تئز-تئز ديز چؤکدورمه‌يه چاليشيرلار. آما بيز هئچ واخت اونلارين کؤله‌سي اولماديق، اولماياجاغيق. ديز اوسته ياشاماقدانسا، آياق اوسته مرد اؤلمک ياخشيدير.
قيرغيزيستان و آذربايجانين موستقيلليگي اوغروندا اؤلموش آتالاريميزين،
بابالاريميزين خاطيره‌سي، آللاه بيزه کؤمک اولسون. قارداش آذربايجان
خالقينا خوشبختليک و ريفاه آرزو ائديرم». قيرغيزيستان پرئزيدئنتينين چيخيشي
م.م دئپوتاتلاري طرفيندن آلقيشلارلا قارشيلانيب. م.م اسپيکئري(سؤزچوسو) اوقتاي اسدوو
اونا صميمي چيخيشينا گؤره تشککور ائديب.
قایناق : خالق جبهه سی
هیچ نظری موجود نیست:
ارسال یک نظر