آلميسان
آلماق مصده‌ري ايكينجي
شخص تكيل چكيمينين آزه‌ربايجان و ايراندا ياشايان تورك خالقينين قونوشما
لهجه‌له‌رينده، دؤرد فرقلي آنلام داشييان "آلميسان" بيچيمي واردير. بو دؤرد
فرقلي آنلاملار بئله‌دير:
١-آلميرسين-آلميران
(اينديكي زامان-مضارع اخباري، اولومسوز)، ٢-آلميرسان (اينديكي زامانين
شرطي، اولومسوز)، ٣-آلميشسين (اؤيره‌نيله‌ن گئچميش زامان- ماضي نقلي)،
٤-آلميشسان (اؤيره‌نيله‌ن گئچميش زامانين شرطي)
"آلميسان" بيچيمينين توركييه اؤلچون ديلينده دؤرد آيري قارشيليق و آنلامي واردير:
١-آلمييورسون (نمي گيري)، ٢-آلمييورسان (اگر نمي گيري)، ٣-آلميشسين (گرفته اي)، ٤-آلميشسان (اگر گرفته اي)
"آلميسان" كلمه‌سي سورو
تونلاماسي ايله سؤيله‌نيرسه ("آلميسان؟")، يوخاريداكي دؤرد آنلاما اك
اولاراق، سورو كيپلي يئني دؤرد آنلام داها اورتايا چيخار:
٥-آلميرسين؟، ٦-آلميرسان؟، ٧-آلميشسين؟ ٨-آلميشسان؟
آلميسان" بيچيمينين توركييه اؤلچون ديلينده دؤرد قارشيليغي واردير:
١-آلمييورسون مو؟ (نمي گيري؟)، ٢-آلمييورسان مي؟ (اگر نمي گيري؟)، ٣-آلميشسين مي؟ (گرفته اي؟)، ٤-آلميشسان مي؟ (اگر گرفته اي؟)
اؤلچون ديلده ده دوروم بوندان اييي دئييلدير. آلميسان`نين آزه‌ربايجان اؤلچون ديلينده ايسه ايكي قارشيليغي واردير:
١-آلميرسان (اينديكي
زامان و اينديكي زامانين شرطي آنلاملاريندا. نمي گيري، اگر نمي گيري)،
٢-آليبسان (ايبلي گئچيميش و ايبلي گئچميشين شرطي آنلاملاريندا، گرفته اي و
اگر گرفته اي)
بير كلمه ايله سككيز
فرقلي آنلامي آماجلاماق و آنلاتماق، سؤزون گرچه‌ك آنلامدا ديلين
يوخسوللاشماسي، توركجه‌نين يوخ ائديلمه‌سي و قيييما اوغراتيلماسيدير. بو
اؤرنه‌ك تك باشينا، ديليميزين بيزده نه آجيناجاقلي دورومدا اولدوغو
قانيتلاماغا يئته‌ر ده، آرتار.
بو دورومون
دوزه‌لتيلمه‌سي اوچون "آلميسان" و "آلميسان؟" كيمي پوزوق بيچيمله‌رين
يئرينه آشاغيدا گؤسته‌ريله‌ن دؤرده‌ر آيري بيچيمين ايشله‌ديلمه‌سي گره‌كير:
آلاسان و آليسان
بنزه‌ر سورونلو دوروم،
"آلاسان" و "آليسان" كيمي قونوشما بيچيمله‌رينده ده واردير. بونلار دا
يانليش و توركجه‌ني پوزان بيچيمله‌ردير. "آليسان"، هم اينديكي زامان و هم
اينديكي زامان شرط كيپي آنلاميندا، "آلاسان" دا هم گئنيش زامان و هم گئنيش
زامان شرط كيپي آنلاميندادير.
بو دورومو دوزه‌لتمه‌ك
اوچون، اؤلچون ديلده "آليسان" يئرينه "آليران"-"آليرسين" (اينديكي زامان)
ايله "آليرسان" (اينديكي زامانين شرطي)؛ "آلاسان" يئرينه ده
"آلاران"-"آلارسين" (گئنيش زامان) ايله "آلارسان" (گئنيش زامانين شرطي)
ايشله‌تمه‌ك گره‌كير:
هیچ نظری موجود نیست:
ارسال یک نظر