هر "آزه‌ربايجانلي آيدين"، "آزه‌ربايجان آيديني" دئييلدير
و يا
گيزلي پان ايرانيستله‌ري تانيمانين كسديرمه يولو: كٶنوللو فارسجا يازماق
مئهران باهارلي
كٶنوللو و يالنيز فارسجا يازيب يارادان آيدينلار، ان آزي اده‌بي آچيدان فارسلاشميش اولان توركله‌ردير.
ايراندا توركجه ياراتما، تورك ميلله‌تيني ياراتما و ياشاتما دئمه‌كدير
ايسته‌يه‌ره‌ك توركجه ياراتمايان، تورك آيديني ساييلابيله‌ر مي؟
ساوالان پورت : فارس ديلينين تورك خالقي و مده‌نييه‌تينين يوخ ائديلمه‌سي و ايران دئوله‌تينين سٶمورگه‌چي (ايستئعماري) و راسيست سيياسه‌تله‌رينده مركه‌زي يئري واردير. ايران دئوله‌تينين فارسجاني ايرانليلارين تك يازي، گٶركول (اده‌بي)، بيليمسه‌ل (عئلمي)، ايله‌تيشيم و اورنات (جانيشين) ديل حالينا گتيرمه‌يه چاليشماسي دا بيلينه‌ن باشقا بير گرچه‌كدير. بو سيياسه‌تله‌ر و تورك آيدين و سئچگينله‌رينين سون يوز ايلده ايچينده بولوندوقلاري آيمازليق (غفله‌ت) و آلديرمازليق (لاقئيدليك) سونوجوندا، گونوموز ايرانيندا تورك ديلي نه تك اكينج (كولتور)، بيليم (عئلم)، توپلوم (ايجتيماع)، مئدييا (اورتال)، يٶنه‌تگي (سيياسه‌ت)، توزه (حوقوق) و ايقتيصاد ديلي اولما اٶزه‌لليييني ايتيرميشدير، بلكه بودون (خالق) آراسيندا دا تركجه (سورعه‌تله) يوزلاشما (فاسيد اولما)، اونوتولما و يوخ اولمايا اوز توتموشدور. ييرمينجي يوز ايلده ايراندا تورك ديلينين يوخ اولمايا اوز توتماسي ايله، بو اٶلكه‌ده تورك ديللي قوروپلارين اولوسلاشما (ميلله‌تله‌شمه) سوره‌جي ده دوراقساميش، داها سونرا بوتونويله دورموش و ان سوندا تورك ديللي قوروپلار يوخ اولما سوره‌جينه گيرميشديرله‌ر.
بيزيم بوگون ايچيميزده بولوندوغوموز قوشوللار، الجه‌زاييرده (الجزائرده) ييرمينجي يوز ايلده فيرانسيز حاكيمييه‌تي آلتيندا ايكه‌ن عره‌بجه يازيب و ياراداراق سٶمورگه ياشاميندان قورتولما ساواشيمي (موباريزه‌سي) وئره‌ن عره‌ب خالقي و آيدينلارينين قوشوللارينا بنزه‌يير. بيزيم دوروم حتتا اونلاردان داها چوخ، دونيا اوزه رينه سپه‌له‌نميش جوووت (يهودي) خالقينين اون دوققوزونجو يوز ايلده عيبريجه اطرافيندا ميلله‌تله‌شمه‌سينه بنزه‌رليك گٶسته‌رير. جوووت (يهود) آيدينلاري اون دوققوزونجو و ييرمينجي يوز ايلله‌رده، تاريخده‌ن و يئر اوزونده‌ن سيلينمه‌مه‌له‌رينين تك يولونون بوته‌م (دين) اساسلي اولوشموش موسه‌وي-كليمي قوومو آنلاييشيني بيراخاراق عيبري ديلي تمه‌لينده مودئرن بير ميلله‌ت ياراتمالاري اولدوغونو فرق ائتميشديرله‌ر. اونلار بو قونونو انينه- بويونا و درينله‌مه‌سينه تارتيشمايا آچميش و چيخارديقلاري سونوجلارين گره‌كله‌ريني ده قيسا سوره‌ده يئرينه گتيره‌ره‌ك، صيفيرده‌ن يئني بير ديل، يئني بير ميلله‌ت و يئني بير دئوله‌ت ياراتماني باشارابيلميشديرله‌ر. بوگون ايران توركونون ده ميلله‌تله‌شمه؛ و فارس سٶمورگه‌چيلييي، يوخ ائديلمه و سيليمله‌نمه‌يه (حذف ائديلمه‌يه) قارشي صاحيب اولدوغو ان اٶنه‌ملي ياراق (سيلاح)، توركجه يازيب ياراتماسيدير. ايشته بونون اوچوندور كي ايراندا توركجه يازما و ياراتمايا آشيري پان ايرانيستله‌ر آچيقجا قارشي چيخير و ليبئرال پان ايرانيستله‌ر ده سسسيزجه ديره‌نيرله‌ر، چونكو ايران و گونئي آزه‌ربايجاندا توركجه يازيب ياراتما، بورادا تورك ميلله‌تيني ياراتما و ياشاتما دئمه‌كدير.
گيزلي پان ايرانيستله‌ري تانيمانين كسديرمه يولو: كٶنوللو فارسجا يازماق
توركجه يازيب ياراتمانين گره‌كدييينده‌ن دانيشاندا، آماج تورك آيدينلاري، قله‌م صاحيبله‌ري، بيليم آداملاري، يازار و قوشارلارين اٶز انتئلئكت ياپيتلاري، گٶركول (اده‌بي) و بيليمسه‌ل (عئلمي) اثه‌رله‌ري، آراشديرمالاري و قاليجي اولان بديعي ياراديجيليقلاريني يوخ اولمايا اوز توتموش كندي ميللي ديلله‌ري اولان توركجه‌ده ياراتمالاري گره‌كديييدير. بو ايسته‌ك، آشيريليق يا دا فارسلارا ياغيليق (دوشمه‌نليك) دويقولارينين اورتايا چيخارديغي دويقوسال بير تپگي دئييلدير، فارسجادان نيفره‌تله ده ايلگيسي يوخدور. بو، ميلله‌تله‌شمه سوره‌جينده ايله‌رله‌يه‌ن ائتنيك قوروپلارين، سٶمورو آلتيندا ياشايان ميلله‌تله‌رين و ده ديلله‌ري يوخ اولمايا اوز توتموش اينسان توپلولوقلارينين هاميسينين ار-گئج اونا وارديغي و اوندان گئچدييي بير اولقونلاشما آشاماسينين (مرحه‌له‌سينين) اورتايا چيخارديغي ايسته‌كدير.
بيز آرتيق قطران، خاقاني، اٶوحيدي و نيظامي حتتا پروين، شهرييار، ساعيدي و براهه‌ني`ني يارادان قوشوللار و اورتاملاردا ياشاماديغيميزي باشا دوشمه‌ليييك. گونوموزده كٶنوللو و تكجه فارسجا يازان و يارادان تورك يازار و قوشارلاري، فارس يازار و قوشاري اولاراق ده‌يه‌رله‌نديرمه‌ليييك. چونكو ايچينده اولدوغوموز قوشوللار، يازار و قوشارلارين كيمليييني قوللانديقلاري ديله گٶره تانيملايير. باشقا بير دئييشله، كٶنوللو و يالنيز فارسجا يازيب يارادان آيدينلار، ان آزي اده‌بي آچيدان فارسلاشميش اولان توركله‌ردير. اٶته ياندان سيياسي اولاراق تورك قله‌م صاحيبله‌رينين هله ده اٶز انتئلئكتوئل ياراديجيليق و اثه‌رله‌ريني كٶنوللو اولاراق و تكجه فارسجا يازيب ياراتماسي، اونلارين -بيله‌ره‌ك يا دا بيلمه‌يه‌ره‌ك- پان ايرانيست سيياسي گٶروشله‌ره باغليليقلاري، اٶزله‌ريني پان ايرانيسم ائتگيسينده‌ن قورتاراماديقلاري آنلامينا گلير.
من بير آدديم ايله‌ري آتيب، كٶنوللو و تكجه فارسجا ياراتما و بونا قوشوت (موازي) اولاراق كٶنوللو توركجه ياراتمامانين، توركله‌ر آراسيندا گيزلي پان ايرانيستله‌ري تانيما و آييرت ائتمه‌نين ان كسين و ان ساغلام ايپ اوجلاريندان بيري اولدوغونو ساولاييرام (ايدديعا ائديره‌م). بو قورال، اٶزه‌لليكله دئموكراتيك باتي (غرب) اٶلكه‌له‌رينده هر چئشيت قيسيتلامادان اوزاقدا ياشايان، گٶركول (اده‌بي) و يازيلي توركجه‌ني اٶيره‌نمه‌ك اوچون سونسوز اولاناقلارا (ايمكانلارا) يييه اولان، آنجاق بونا قارشين (رغمه‌ن) هله ده فارسجا يازيب يارادان تورك قله‌م صاحيبله‌ري اوچون گئچه‌رليدير.
"كٶنوللو فارسجا اثر ياراتماق"لا "مجبوره‌ن فارسجا تبليغ ائتمه‌ك" آراسينداكي اوچوروم
اورتادوغودا كوردجه‌نين گٶسته‌ردييي گليشمه و سيچرامايا قوشوت اولاراق، سون دٶنه‌مله‌رده كورد خالقي و اٶزه‌لليكله عراق و توركييه‌لي كورد آيدينلاري آراسيندا بديعي، بيليمسه‌ل و انتئلئكتوئل يازيلاريني كوردجه‌نين ديشيندا توركجه، فارسجا و عره‌بجه يازيب يارادان كوردله‌ره قارشي قيناما (ائعتيراض) و پيروتئست سسله‌ري يوكسه‌لمه‌كده‌دير. بو دوروم، ميلله‌تله‌شمه و ميلله‌ت ياراتما سوره‌جينين گره‌يي اولاراق، كورد آيدينلارينين كورد ديلينين قونومونو گٶزده‌ن گئچيرمه‌يه باشلامالارينين دوغال سونوجودور. من بو ائعتيراض و پيروتئستله‌ري اولدوقجا يئرينده و دوغرو بولورام و بيزيم ده عئيني ميلله‌تله‌شمه و ميلله‌ت ياراتما سوره‌ج و آشامالاريندان گئچديييميز اوچون، ايراندا انتئلئكتوئل (اده‌بي، آراشديرما، بيليمسه‌ل،.....) ياراديجيليقلاريني كٶنوللو اولاراق و يالنيز فارسجا يارادان توركله‌ره ائعتيراض سسيميزي يوكسه‌لتمه‌ميز گره‌كدييينه اينانيرام. بونون ديشلاييجي اولوسچولوقلا هيچ بير ايليشگيسي يوخدور، فارس-فارسيستان آيندينلاري، فارس ديلينه صاحيب چيخمالي، تورك-آزه‌ربايجان آيدينلاري تورك ديلينه. اولايين اؤزه‌تي بوندان عيباره‌تدير.
آنجاق و بونا قارشين (رغمه‌ن)، من داخيل كيمسه باشدا فارسجا اولماق اوزه‌ره چئشيتلي ديلله‌رده خالقيميزين سسينين و ايسته‌كله‌رينين دونيايا ياييلماسي و اولاشديريلماسينا قارشي دئييلدير. كيمسه خالقلارين دوستلوغونو بركيشديرمه‌ك آماجييلا يا دا صيرف انتئلئكتوئل ايلگي و ماراغي دويومساتماق (تطمين ائتمه‌ك) اوچون بو ديلله‌رده‌ن يارارلانمايا دا قارشي دئييلدير. (گرچي فارس-فارسيستان حاكيمييه‌تي آلتيندا بولونان گونئي آزه‌ربايجانلي تورك آيدينين انتئلئكتوئل ماراقلا فارسجا يازماسينين، اونون عئيني ماراقلا اٶرنه‌يين ايسپانيولجا يازماسيندان چوخ فرقلي آنلام و سونوجلاري واردير). سٶزسوز ايته‌كله‌ندييينده (مجبور اولدوغوندا)، يايماجا (تبليغات) آراجي، يا دا انتئلئكتوئل دئنه‌ييم اولاراق هر زامان فارسجا و يا هر هانسي باشقا يابانجي بير ديلده‌ن يارارلانماق مومكون و گره‌كليدير، بو بوتونويله آيري بير قونودور. اساسه‌ن سٶزوموز`ده و ديشيندا چيخان يازيلارين دا اٶنه‌ملي بٶلومو–عئيني نده‌نله‌ر و گره‌كسينيمده‌ن (ائحتيياجدان) دولايي- فارسجادير.
ايسته‌يه‌ره‌ك توركجه ياراتمايان، تورك آيديني ساييلابيله‌ر مي؟
تورك آيدينلارين توركجه ياراتما گره‌كدييي قونوسونون حه‌ياتي اٶنه‌م و تاريخي آنلاميني باشا دوشمه‌يه‌نله‌ر؛ ديلين تكجه ايله‌تيشيم آراجي اولدوغونو سانان كيمسه‌له‌ردير. بئله شخصله‌ر چاغيميزين گره‌كله‌ري، ديليميزين هانسي سوره‌جده‌ن گئچدييي، ايچينده بولوندوغو تاريخي قوشوللار و گره‌كسينيمله‌رينين (ائحتيياجلارينين) نه اولدوغو و بونلارين هاميسينين دا خالقيميزين اولوسلاشما (ميلله‌تله‌شمه)، اويقارلاشما و ائلده‌مله‌شمه (لاييكله‌شمه) سوره‌جي و اينسان حاقلاري داعواميزداكي مركه‌زي و بليرله‌ييجي يئر و اويناميني (رولونو) باشادوشمه‌يه‌ن كيمسه‌له‌ردير.
بيزيم بوگون ايچيميزده بولوندوغوموز قوشوللار، الجه‌زاييرده (الجزائرده) ييرمينجي يوز ايلده فيرانسيز حاكيمييه‌تي آلتيندا ايكه‌ن عره‌بجه يازيب و ياراداراق سٶمورگه ياشاميندان قورتولما ساواشيمي (موباريزه‌سي) وئره‌ن عره‌ب خالقي و آيدينلارينين قوشوللارينا بنزه‌يير. بيزيم دوروم حتتا اونلاردان داها چوخ، دونيا اوزه رينه سپه‌له‌نميش جوووت (يهودي) خالقينين اون دوققوزونجو يوز ايلده عيبريجه اطرافيندا ميلله‌تله‌شمه‌سينه بنزه‌رليك گٶسته‌رير. جوووت (يهود) آيدينلاري اون دوققوزونجو و ييرمينجي يوز ايلله‌رده، تاريخده‌ن و يئر اوزونده‌ن سيلينمه‌مه‌له‌رينين تك يولونون بوته‌م (دين) اساسلي اولوشموش موسه‌وي-كليمي قوومو آنلاييشيني بيراخاراق عيبري ديلي تمه‌لينده مودئرن بير ميلله‌ت ياراتمالاري اولدوغونو فرق ائتميشديرله‌ر. اونلار بو قونونو انينه- بويونا و درينله‌مه‌سينه تارتيشمايا آچميش و چيخارديقلاري سونوجلارين گره‌كله‌ريني ده قيسا سوره‌ده يئرينه گتيره‌ره‌ك، صيفيرده‌ن يئني بير ديل، يئني بير ميلله‌ت و يئني بير دئوله‌ت ياراتماني باشارابيلميشديرله‌ر. بوگون ايران توركونون ده ميلله‌تله‌شمه؛ و فارس سٶمورگه‌چيلييي، يوخ ائديلمه و سيليمله‌نمه‌يه (حذف ائديلمه‌يه) قارشي صاحيب اولدوغو ان اٶنه‌ملي ياراق (سيلاح)، توركجه يازيب ياراتماسيدير. ايشته بونون اوچوندور كي ايراندا توركجه يازما و ياراتمايا آشيري پان ايرانيستله‌ر آچيقجا قارشي چيخير و ليبئرال پان ايرانيستله‌ر ده سسسيزجه ديره‌نيرله‌ر، چونكو ايران و گونئي آزه‌ربايجاندا توركجه يازيب ياراتما، بورادا تورك ميلله‌تيني ياراتما و ياشاتما دئمه‌كدير.
گيزلي پان ايرانيستله‌ري تانيمانين كسديرمه يولو: كٶنوللو فارسجا يازماق
توركجه يازيب ياراتمانين گره‌كدييينده‌ن دانيشاندا، آماج تورك آيدينلاري، قله‌م صاحيبله‌ري، بيليم آداملاري، يازار و قوشارلارين اٶز انتئلئكت ياپيتلاري، گٶركول (اده‌بي) و بيليمسه‌ل (عئلمي) اثه‌رله‌ري، آراشديرمالاري و قاليجي اولان بديعي ياراديجيليقلاريني يوخ اولمايا اوز توتموش كندي ميللي ديلله‌ري اولان توركجه‌ده ياراتمالاري گره‌كديييدير. بو ايسته‌ك، آشيريليق يا دا فارسلارا ياغيليق (دوشمه‌نليك) دويقولارينين اورتايا چيخارديغي دويقوسال بير تپگي دئييلدير، فارسجادان نيفره‌تله ده ايلگيسي يوخدور. بو، ميلله‌تله‌شمه سوره‌جينده ايله‌رله‌يه‌ن ائتنيك قوروپلارين، سٶمورو آلتيندا ياشايان ميلله‌تله‌رين و ده ديلله‌ري يوخ اولمايا اوز توتموش اينسان توپلولوقلارينين هاميسينين ار-گئج اونا وارديغي و اوندان گئچدييي بير اولقونلاشما آشاماسينين (مرحه‌له‌سينين) اورتايا چيخارديغي ايسته‌كدير.
بيز آرتيق قطران، خاقاني، اٶوحيدي و نيظامي حتتا پروين، شهرييار، ساعيدي و براهه‌ني`ني يارادان قوشوللار و اورتاملاردا ياشاماديغيميزي باشا دوشمه‌ليييك. گونوموزده كٶنوللو و تكجه فارسجا يازان و يارادان تورك يازار و قوشارلاري، فارس يازار و قوشاري اولاراق ده‌يه‌رله‌نديرمه‌ليييك. چونكو ايچينده اولدوغوموز قوشوللار، يازار و قوشارلارين كيمليييني قوللانديقلاري ديله گٶره تانيملايير. باشقا بير دئييشله، كٶنوللو و يالنيز فارسجا يازيب يارادان آيدينلار، ان آزي اده‌بي آچيدان فارسلاشميش اولان توركله‌ردير. اٶته ياندان سيياسي اولاراق تورك قله‌م صاحيبله‌رينين هله ده اٶز انتئلئكتوئل ياراديجيليق و اثه‌رله‌ريني كٶنوللو اولاراق و تكجه فارسجا يازيب ياراتماسي، اونلارين -بيله‌ره‌ك يا دا بيلمه‌يه‌ره‌ك- پان ايرانيست سيياسي گٶروشله‌ره باغليليقلاري، اٶزله‌ريني پان ايرانيسم ائتگيسينده‌ن قورتاراماديقلاري آنلامينا گلير.
من بير آدديم ايله‌ري آتيب، كٶنوللو و تكجه فارسجا ياراتما و بونا قوشوت (موازي) اولاراق كٶنوللو توركجه ياراتمامانين، توركله‌ر آراسيندا گيزلي پان ايرانيستله‌ري تانيما و آييرت ائتمه‌نين ان كسين و ان ساغلام ايپ اوجلاريندان بيري اولدوغونو ساولاييرام (ايدديعا ائديره‌م). بو قورال، اٶزه‌لليكله دئموكراتيك باتي (غرب) اٶلكه‌له‌رينده هر چئشيت قيسيتلامادان اوزاقدا ياشايان، گٶركول (اده‌بي) و يازيلي توركجه‌ني اٶيره‌نمه‌ك اوچون سونسوز اولاناقلارا (ايمكانلارا) يييه اولان، آنجاق بونا قارشين (رغمه‌ن) هله ده فارسجا يازيب يارادان تورك قله‌م صاحيبله‌ري اوچون گئچه‌رليدير.
"كٶنوللو فارسجا اثر ياراتماق"لا "مجبوره‌ن فارسجا تبليغ ائتمه‌ك" آراسينداكي اوچوروم
اورتادوغودا كوردجه‌نين گٶسته‌ردييي گليشمه و سيچرامايا قوشوت اولاراق، سون دٶنه‌مله‌رده كورد خالقي و اٶزه‌لليكله عراق و توركييه‌لي كورد آيدينلاري آراسيندا بديعي، بيليمسه‌ل و انتئلئكتوئل يازيلاريني كوردجه‌نين ديشيندا توركجه، فارسجا و عره‌بجه يازيب يارادان كوردله‌ره قارشي قيناما (ائعتيراض) و پيروتئست سسله‌ري يوكسه‌لمه‌كده‌دير. بو دوروم، ميلله‌تله‌شمه و ميلله‌ت ياراتما سوره‌جينين گره‌يي اولاراق، كورد آيدينلارينين كورد ديلينين قونومونو گٶزده‌ن گئچيرمه‌يه باشلامالارينين دوغال سونوجودور. من بو ائعتيراض و پيروتئستله‌ري اولدوقجا يئرينده و دوغرو بولورام و بيزيم ده عئيني ميلله‌تله‌شمه و ميلله‌ت ياراتما سوره‌ج و آشامالاريندان گئچديييميز اوچون، ايراندا انتئلئكتوئل (اده‌بي، آراشديرما، بيليمسه‌ل،.....) ياراديجيليقلاريني كٶنوللو اولاراق و يالنيز فارسجا يارادان توركله‌ره ائعتيراض سسيميزي يوكسه‌لتمه‌ميز گره‌كدييينه اينانيرام. بونون ديشلاييجي اولوسچولوقلا هيچ بير ايليشگيسي يوخدور، فارس-فارسيستان آيندينلاري، فارس ديلينه صاحيب چيخمالي، تورك-آزه‌ربايجان آيدينلاري تورك ديلينه. اولايين اؤزه‌تي بوندان عيباره‌تدير.
آنجاق و بونا قارشين (رغمه‌ن)، من داخيل كيمسه باشدا فارسجا اولماق اوزه‌ره چئشيتلي ديلله‌رده خالقيميزين سسينين و ايسته‌كله‌رينين دونيايا ياييلماسي و اولاشديريلماسينا قارشي دئييلدير. كيمسه خالقلارين دوستلوغونو بركيشديرمه‌ك آماجييلا يا دا صيرف انتئلئكتوئل ايلگي و ماراغي دويومساتماق (تطمين ائتمه‌ك) اوچون بو ديلله‌رده‌ن يارارلانمايا دا قارشي دئييلدير. (گرچي فارس-فارسيستان حاكيمييه‌تي آلتيندا بولونان گونئي آزه‌ربايجانلي تورك آيدينين انتئلئكتوئل ماراقلا فارسجا يازماسينين، اونون عئيني ماراقلا اٶرنه‌يين ايسپانيولجا يازماسيندان چوخ فرقلي آنلام و سونوجلاري واردير). سٶزسوز ايته‌كله‌ندييينده (مجبور اولدوغوندا)، يايماجا (تبليغات) آراجي، يا دا انتئلئكتوئل دئنه‌ييم اولاراق هر زامان فارسجا و يا هر هانسي باشقا يابانجي بير ديلده‌ن يارارلانماق مومكون و گره‌كليدير، بو بوتونويله آيري بير قونودور. اساسه‌ن سٶزوموز`ده و ديشيندا چيخان يازيلارين دا اٶنه‌ملي بٶلومو–عئيني نده‌نله‌ر و گره‌كسينيمده‌ن (ائحتيياجدان) دولايي- فارسجادير.
ايسته‌يه‌ره‌ك توركجه ياراتمايان، تورك آيديني ساييلابيله‌ر مي؟
تورك آيدينلارين توركجه ياراتما گره‌كدييي قونوسونون حه‌ياتي اٶنه‌م و تاريخي آنلاميني باشا دوشمه‌يه‌نله‌ر؛ ديلين تكجه ايله‌تيشيم آراجي اولدوغونو سانان كيمسه‌له‌ردير. بئله شخصله‌ر چاغيميزين گره‌كله‌ري، ديليميزين هانسي سوره‌جده‌ن گئچدييي، ايچينده بولوندوغو تاريخي قوشوللار و گره‌كسينيمله‌رينين (ائحتيياجلارينين) نه اولدوغو و بونلارين هاميسينين دا خالقيميزين اولوسلاشما (ميلله‌تله‌شمه)، اويقارلاشما و ائلده‌مله‌شمه (لاييكله‌شمه) سوره‌جي و اينسان حاقلاري داعواميزداكي مركه‌زي و بليرله‌ييجي يئر و اويناميني (رولونو) باشادوشمه‌يه‌ن كيمسه‌له‌ردير.
هیچ نظری موجود نیست:
ارسال یک نظر