ساوالان پورت : صمد بئهرنگي 1939-جو ايل اييون آيينين 24-ده تبريز شهريند، فهله عاييله سينده آنادان اولموشدور. ايبتيداي تحصيليني بورادا "تربيت" مکتبينده آلميشدير. سونرا تبريز پئداقوژي تئخنيکوموندا تحصيليني داوام ائتديرميشدير.
طلبه‌ليک ايللرينده "خنده" (گولوش) آدلي هفته‌ليک ديوار قزئتي بوراخميشدير. ايلک ادبي تنقيدي و ساتيريک قلم تجروبه‌لريني بو دؤورده يازميشدير.
امک فعاليتينه آذرشهر (توفارقان) ماحالينين ماماغان، گؤگان ايبتيداي مکتبينده موعليم کيمي باشلاميشدير. تبريز اونيوئرسيتئتي فيلولوگييا فاکولته‌سينين اينگيليس ديلي شؤعبه سينده تحصيل آلميشدير (1956-1961). آذربايجان ناغيللاريني توپلاميش، فارس ديلينه ترجومه ائديب همکاري بئهروز دئهقاني ايله بيرليکده نشر ائتديرميشدير. عئيني زاماندا فارس ديليندن دوغما ديله چئويرديگي ترجومه‌لري دؤوري مطبوعاتدا چيخميشدير.
ايلک هئکايه‌لري "عادت" ،"بينام" 1959-جو ايلده درج اولونموشدور. بوندان سونرا "اولدوز و قارغالار" ،"چوغوندورساتان اوغلان" ،"بالاجا قارا باليق" و س. هئکايه و ناغيللاريني يازميشدير (1967-1969).
ايتالييانين بولونيا شهرينده کئچيريلن اوشاق کيتابلاري موسابيقه‌سينده قيزيل مئدالا لاييق گؤرولموشدور. بيرينجي يئري توتدوغونا گؤره کيتابلاري ايتاليان، فرانسيز، اينگيليس، تورک ديللرينده نشر ائديلميشدير. آذربايجان خالق ادبياتيني توپلاميش، تدقيق و تبليغ ائتميشدير.
همکارلاري اونو "آذربايجان کندليلرينين جانلي ديلي" ،"ميللي مدنيتين اوياق ويجداني" ،"خالقا اوز توتان" ،"سييار موعليم" آدلانديرميشلار. ادبي ايرسي زنگيندير.
باکيدا "محبت ناغيلي" (1987) آدي ايله سئچيلميش اثرلري کوتلوي تيراژلا بوراخيلميشدير.
1968-جي ايل آوقوستون 30-دا ايراندا خومارلي ياشاييش منطقه سي ياخينليغيندا آراز چاييندا موعمالي شراييطده بوغولموشدور. ايران شاهي طرفيندن اؤلدورولدويو گومان ائديلير.
قایناق : ویکی پدیا
هیچ نظری موجود نیست:
ارسال یک نظر