ساوالان پورت::دونیانین “ب ب سی” ،”گاردین” کیمی نوفوزلو مئدیا قوروملارینین گونئی آذربایجانلا قوزئی آذربایجانین بیرلشمه‌سیندن بحث ائدن ماتئریاللاردان سونرا ایسپانییانین “ائل پایس” قزئتی ده عئینی مضمونلو مقاله یاییملاییب.اؤیرنجی سسی نین آزربایجان قزئته لریندن آلدیغی بیلگی لره گؤره پیلار بونئتون قلمه آلدیغی مقاله‌ده دئییلیر کی، آذربایجان واشینقتونلا تئهران آراسیندا یاشانان گرگینلیگین اسیرینه چئوریلیب. رسمی باکی چتین سئچیم قارشیسیندادیر. آذربایجانداکی بعضی دایره‌لر آبش-ین ایرانلا باغلی استراتئگییاسینین اؤلکه‌نین میللی ماراقلارینا جاواب وئریب-وئرمه‌دیگینی دوشونورلر. مؤلیف یازیر کی، اهالیسینین موسلمانلار چوخلوق تشکیل ائتمه‌سینه باخمایاراق ایران آذربایجان اراضیلرینی ایشغال ائتمیش ائرمنیستانین موتتفیقی و اساس دستکچیلریندن بیریدیر. رسمی باکی همچنین ایراندا یاشایان ۲۰-۳۰ میلیون آراسی آذربایجانلیلارین تئهران رئژیمینین آیری-سئچکیلیگی ایله اوزلشدیگینی ایدیعا ائدیر. “ائل پایس”ه آچیقلاما وئرن پولیتولوق ائلدار نامازوو جنوبلا شیمالین بیرلشمه احتیمالینا توخونوب. پولیتولوق بیلدیریب کی، گونئی آذربایجانلا قوزئی آذربایجانین بیرلشمه‌سی ۱۰ ایلدن سونرا مومکون اولا بیلر:”حاضیردا آبش ایرانین سرحدلرینین دییشدیریلمه‌سینین علئیه اینه چیخسا دا، بیر مودت سونرا جنوبی آذربایجان کارتیندان تئهران رئژیمینه قارشی ایستیفاده ائده‌جک”. مقاله‌نین مؤلیفی آمئریکالی کونقرئسمئن دانا روروباچئرین دؤولت کاتیبی هیللاری کلینتونا اونوانلادیغی مکتوبدا آبش-ای جنوبداکی هراکاتا دستک وئرمه‌یه چاغیرماسینا توخونوب.
هیچ نظری موجود نیست:
ارسال یک نظر