لاییحه‌ده کونقرئسین بئله بیر مؤوقئیی ایفاده اولونور کی، حاضردا آذربایجانلا ایران آراسیندا بؤلونموش آذربایجان خالقینین اؤز موقددراتینی تعیین ائتمک و سلطان اؤلکه کیمی مؤوجود اولماق حاقی وار. قطعنامه‌نین متنینی تقدیم ائدیریک:
آذربایجان خالقی قدیم دؤورلردن بری مغرور و فرق‌لی میللی، مدنی و دینی خصوصیتینی ساخلاییب؛
ایراندا اساساً ائتنیک آذربایجان‌لی‌لارین یاشادیغی ویلایت‌لری تئهران حکومتی شرقی و غربی آذربایجان آدلاندیریر، بئله‌لیکله ده آذربایجان‌لی‌لارین وطنی‌نین ایکی یه بؤلونمه‌سینی تسدیقلمیش اولور؛
آذربایجان تورپاغی ۱۸۲۸-جی ایلده روسیا و ایرانین ایمزالادیغی تورکمن چای موقاویله‌سی ایله، آذربایجان‌لی‌لارین راضی‌لیغی اولما‌دان ایکی یه بؤلونوب؛
۱۹۹۱-جی ایلده سووئت اتفاقی داغیلان‌دان سونرا آذربایجان رئسپوبلیکاسینین موستقیل‌لیک قازانماسی ایله آذربایجان‌لی‌لار قیسمن آزادلیق الده و بیرلشمیش ایشتات‌لارین سیاستی ایران‌داکی آذربایجان‌لی‌لارین نومونه‌سینده اولدوغو کیمی تجاووزله و اینسان حاق‌لاری پوزونتولاری ایله موباریزه آپارماق اولدوغو اوچون –نماینده‌لر پالاتاسی (سئنا ایله بیرلیکده) قرارا آلیر کی، کونقرئسین عمومی رایی بئله‌دیر:
حاضردا آذربایجانلا ایران آراسیندا بؤلونموش آذربایجان خالقینین اؤز موقددراتینی تعیین ائتمک حقوقو وار. اونلارا دیگر میللت‌لر آراسیندا اؤز ایستاتوسونو سئچمک، خاریجی تضییق اولما‌دان صلح و امن-آمان‌لیق ایچینده یاشاماق ایمکانی وئریلمه‌لی‌دیر.
بیزیم چوخدانکی آرزوموزدور کی…
فازیل مصطفی
آزربایجان-ایران پارلامئنتلرآراسی علاقه‌لر اوزره ایشچی قروپونون عضوو، دئپوتات فازیل مصطفی دئییر کی، بوردا «آیری نیت‌لر» اولسا دا، آزربایجانین میللی ایدئال‌لاری ایله باغلی اولدوغون‌دان مثبت قارشیلاییر:
چونکی بیزیم چوخدانکی آرزوموزدور کی، آزربایجانین بیرلشمه‌سی مسئله‌سی دونیا آرئناسیندا موزاکیره اولونسون، دقته گتیریلسین و ان آزی جدی بیر پروبلئم کیمی قبول اولونسون. اگر بو گون آ ب ش-این نماینده‌لر پالاتاسیندا بو ایستیقامتده ان آزی صحبت‌لر بئله آپاریلیرسا، بونا آنجاق موسبت یاناشماق لازیم‌دیر. حساب ائدیرم کی، آذربایجان دا اؤز طرفین‌دن تشببوس‌لرینی آرتیرما‌لی‌دیر کی، اول-آخیر بوتون بؤلونموش خالق‌لار کیمی آذربایجان خالقی دا بوتؤو دؤولت و بوتؤو میللت آنلاییشینا صاحب اولما‌لی‌دیر.
دئپوتاتین فیکرینجه، آذربایجان طرفی بونو گوندمده توتا بیلسه، بو، گئرچکلشمه‌سی مومکون اولمایان مسئله دئییل.
آذربایجان خالقین‌دان سوایستیفاده ائتمک ایستییرلر
پولیتولوق زردوشت علیزاده ایسه فرق‌لی دوشونور، اونون فیکرینجه، بؤیوک دؤولت‌لر آذربایجان خالقین‌دان سوایستیفاده ائتمک ایستییر:
زردوشت علیزاده
روسیا ایرانلا دوشمن‌چی‌لیک ائدیر، ایرانا زیان وورماق ایستییر، اؤزو کناردا دوروب سید احمد علی ایله ایلان توتماق ایستییر. آذربایجان خالقین‌دان ایستیفاده ائتمک ایستییر. اونا گؤره ده چوخ زیان‌لی
واحید آذربایجان ایدئیاسینی اورتایا آتیب. بو، ایشله‌سه-ایشله‌سه، بؤیوک قیرغین‌لارا سبب اولا‌جاق، اما آذربایجان خالقینا ذرره قدر ده خئییر گتیرمه‌یه‌جک. آمئریکان ایمپئریاسی شرق اؤلکه‌لری ایله علاقه‌دار «آییر-بویور» سیاستی حیاتا کئچیریرلر.
بو قطعنامه لاییحه‌سی یالنیز سیاسی ایراده‌نین نوماییشی‌دیر و قانونی قوه‌سی یوخ‌دور، هله تصدیق اولونما‌لی‌دیر.
کونقرئسمن “دانا روهراباکر” بو یاخین‌لاردا باکیدا دا اولوب.
بو خبرین لاتینجاسین اوخوماق ایچین بورایا تیکلایین
اویرنجی سسی
هیچ نظری موجود نیست:
ارسال یک نظر