ساوالان پورت : -سه‌نه، -سانا، سه‌نيزه، -سانيزا سون‌اكي ايسته‌ك و بويروق اكيدير. اسكي و اورتا توركجه‌ده بو كيپين قيناما آنلامي دا وار اولموشدور. بوراداكي –سه‌ن، -سان ايسته‌ك-قوشول كيپي (ايكينجي تكيل كيشي) و –ه –ا اداتي قيناما اونله‌ميدير.
-سانا اكي سس اويومو قورالينا باغلي اولاراق ايكي –سانا و –سه‌نه بيچيمليدير: قالسانا!، گؤرسه‌نه!، آلسانا!، گلسه‌نه!، قالسانيزا!، گؤرسه‌نيزه! آلسانيزا!، گلسه‌نيزه!.
بو اك توركجه‌ميزده وار اولان –گيلان، -گيله‌ن اكي ايله بنزه‌ر ايشله‌وه صاحيبيدير: آلگينان!، گئتگيله‌ن! آرالارينداكي فرق، "آلگينان" يالنيز وورقولو امير اولدوغو حالدا؛ "آلسانا" وورقولو امره اك اولاراق، نه‌ده‌ن ايندييه ده‌ك آلمادي دييه بير چئشيت قيناما دا ايچه‌رمه‌كده‌دير. (-گيلان اكي قاراخانلي دؤنه‌مينده‌ن اورتايا چيخميش و بوگون توركجه ديشيندا، اويقورجا و اؤزبه‌كجه كيمي دوغو توركول ديلله‌رينده ده قورونموشدور. بو اكين ايلكين بيچيمي –گيل اولموشدور: آلگيل!، وئرگيل!. –گيلان سون‌اكينده –ه –ا سسله‌نمه و اسكي توركجه‌ده‌ن بري وار اولان قيناما اونله‌مي، سونداكي "ن" ايسه بركيشديرمه-وورقولاما حرفيدير).
-سانا، -سه‌نه سون‌اك اولدوغوندان دولايي هر زامان كليمه‌يه بيتيشيك يازيلماليدير و كليمه‌ده‌ن آيري يازيلماسي يانليشدير: گئتسه‌نه! (گئت! سنه دئييلدير)، چالسانا! (چال! سانا، چال! سنه دئييلدير)
-سانا اكي هم توركييه توركجه‌سي هم ده توركمه‌نجه‌ده (بويروق كيپي اولاراق) گونوموزه ده‌ك قورونموشدور.
-سانا، -سنه توركجه‌نين اسكي متينله‌رينده سيخ ايشله‌ديلميشدير. بو اك فولكلور و بير سيرا چاغداش لهجه‌له‌ريميزده ده گونوموزه ده‌ك قورونا گلميشدير:
بؤيله اوغول اولماقدان، اولماماق يئيدير؛ اؤلدورسه‌نه!، دئديله‌ر.
بؤيله اوغول نه‌يه گره‌ك؟ اؤلدورسه‌نه! دئديله‌ر.
(دده قورقوت كيتابي، ديرسه خان اوغلو بوزاج بويو)
كوسا كوسا، گلسه‌نه!
گليپ سالام وئرسه‌نه!
چؤمچه‌ني دولدورسانا!
كوساني يولا سالسانا!
-سه‌نه، -سانا ايسته‌ك-بويروق اكله‌ري، يايقين اولماسا دا قيسيتلي بيچيمده گونئي آزه‌ربايجان´ين قاراداغ بؤلگه‌سينده ايندي ده ايشله‌ديلير: "اشي، بوشلاسانا!"، "گلسه‌نه اورا گئده‌ك!". بعضه‌ن ده سونونا "م" حرفي آرتيريلاراق سؤيله‌نير: "گلسه‌نه‌م اورا گئده‌ك!"، ويا "گلسه‌نه‌م بو ايشي گؤره‌ك!" (قايناق: سعيد بايكال)
بونا قارشين، -سانا –سه‌نه اكي يازيلي ديلده گئنه‌لده ايشله‌ديلمه‌مه‌كده‌دير. اؤزه‌لليكله آزه‌ربايجان رئسپوبليكاسيندا بو توركجه اكيميز "توركييه‌ليدير" دامقاسي يييه‌ره‌ك (١) بوتونويله ديشلانميشدير. اويسا "آلسانا" دا، "آلگينان" كيمي توركجه‌دير و دولاييسي ايله بيزيمدير. توركجه –ايسته‌ك –بويروق-سسله‌نمه اكي اولان –سانا –سه‌نه، -سانيزا، -سه‌نيزه (و ده –گيلان، -گيله‌ن) اكينين توركجه‌ميزده يئينده‌ن ايشله‌كله‌شديريلمه‌سي و اؤزه‌لليكله يازي ديلينده يايقينلاشديريلماسي يارارلي و گره‌كليدير
(١)- بير سيرا سيياسي آكتيويستده بئله يانليش بير اينانج اولوشموشدور: آزه‌ربايجان رئسپوبليكاسينين توغرالي (رسمي) و اؤلچون (ايستاندارد) ديلي اولان آزه‌ربايجانجا و يا آزه‌ربايجان ديلي، بيزيم ده اؤلچون ديليميزدير و يا اولماليدير. حتتا آزه‌ربايجان رئسپوبليكاسينين آزه‌ربايجان ديليني، دوغرو و اؤلچون توركجه سانانلار واردير. بو اينانجلارين ايكيسي ده يانليشدير. نه آزه‌ربايجان رئسپوبليكاسينين اؤلچون ديلي بيزيم ده اؤلچون ديليميزدير، نه ده بو ديل دوغرو و اؤلچون توركجه‌دير. بوگون آزه‌ربايجان رئسپوبليكاسينين توغرالي و اؤلچون ديلي اولان آزه‌ربايجان ديلي، سوويئتله‌ر دؤنه‌مينده و لهجه‌چيليك-بؤلگه‌چيليك تمه‌لينده اولوشدورولموشدور. بو ديلي اولوشدورما آماجلاريندان بيري ده، يئني آزه‌ربايجانلي ميلله‌تيني ياراتما سيياسه‌تي گره‌يي- اولابيلديكجه توركييه توركجه‌سينده‌ن آيريليق ياراتماق ايدي. بو كولونييال آنلاييشين سونوجوندا آزه‌ربايجان ديلينده بيلينجلي اولاراق توركجه‌نين بير چوخ ايلكه و قورالي گؤز آردي ائديلميش، ديلده‌ن ديشلانميش، و يا كئيفي اولاراق ده‌ييشديريلميشدير. بير چوخ دورومدا دا توركجه ديل بيلگيسينه يوزده يوز ترس اولان يانليش قوراللار منيمسه‌نميشدير. بو سايريليقلي آنلاييشدا توركجه‌نين قول بوداغيني كسيپ عئيبه‌جه‌ر، سيسقا و يوخسوللاشديرماق، اونو بيزيمكيله‌شديره‌ر.
بو اك توركجه‌ميزده وار اولان –گيلان، -گيله‌ن اكي ايله بنزه‌ر ايشله‌وه صاحيبيدير: آلگينان!، گئتگيله‌ن! آرالارينداكي فرق، "آلگينان" يالنيز وورقولو امير اولدوغو حالدا؛ "آلسانا" وورقولو امره اك اولاراق، نه‌ده‌ن ايندييه ده‌ك آلمادي دييه بير چئشيت قيناما دا ايچه‌رمه‌كده‌دير. (-گيلان اكي قاراخانلي دؤنه‌مينده‌ن اورتايا چيخميش و بوگون توركجه ديشيندا، اويقورجا و اؤزبه‌كجه كيمي دوغو توركول ديلله‌رينده ده قورونموشدور. بو اكين ايلكين بيچيمي –گيل اولموشدور: آلگيل!، وئرگيل!. –گيلان سون‌اكينده –ه –ا سسله‌نمه و اسكي توركجه‌ده‌ن بري وار اولان قيناما اونله‌مي، سونداكي "ن" ايسه بركيشديرمه-وورقولاما حرفيدير).
-سانا، -سه‌نه سون‌اك اولدوغوندان دولايي هر زامان كليمه‌يه بيتيشيك يازيلماليدير و كليمه‌ده‌ن آيري يازيلماسي يانليشدير: گئتسه‌نه! (گئت! سنه دئييلدير)، چالسانا! (چال! سانا، چال! سنه دئييلدير)
-سانا اكي هم توركييه توركجه‌سي هم ده توركمه‌نجه‌ده (بويروق كيپي اولاراق) گونوموزه ده‌ك قورونموشدور.
-سانا، -سنه توركجه‌نين اسكي متينله‌رينده سيخ ايشله‌ديلميشدير. بو اك فولكلور و بير سيرا چاغداش لهجه‌له‌ريميزده ده گونوموزه ده‌ك قورونا گلميشدير:
بؤيله اوغول اولماقدان، اولماماق يئيدير؛ اؤلدورسه‌نه!، دئديله‌ر.
بؤيله اوغول نه‌يه گره‌ك؟ اؤلدورسه‌نه! دئديله‌ر.
(دده قورقوت كيتابي، ديرسه خان اوغلو بوزاج بويو)
كوسا كوسا، گلسه‌نه!
گليپ سالام وئرسه‌نه!
چؤمچه‌ني دولدورسانا!
كوساني يولا سالسانا!
-سه‌نه، -سانا ايسته‌ك-بويروق اكله‌ري، يايقين اولماسا دا قيسيتلي بيچيمده گونئي آزه‌ربايجان´ين قاراداغ بؤلگه‌سينده ايندي ده ايشله‌ديلير: "اشي، بوشلاسانا!"، "گلسه‌نه اورا گئده‌ك!". بعضه‌ن ده سونونا "م" حرفي آرتيريلاراق سؤيله‌نير: "گلسه‌نه‌م اورا گئده‌ك!"، ويا "گلسه‌نه‌م بو ايشي گؤره‌ك!" (قايناق: سعيد بايكال)
بونا قارشين، -سانا –سه‌نه اكي يازيلي ديلده گئنه‌لده ايشله‌ديلمه‌مه‌كده‌دير. اؤزه‌لليكله آزه‌ربايجان رئسپوبليكاسيندا بو توركجه اكيميز "توركييه‌ليدير" دامقاسي يييه‌ره‌ك (١) بوتونويله ديشلانميشدير. اويسا "آلسانا" دا، "آلگينان" كيمي توركجه‌دير و دولاييسي ايله بيزيمدير. توركجه –ايسته‌ك –بويروق-سسله‌نمه اكي اولان –سانا –سه‌نه، -سانيزا، -سه‌نيزه (و ده –گيلان، -گيله‌ن) اكينين توركجه‌ميزده يئينده‌ن ايشله‌كله‌شديريلمه‌سي و اؤزه‌لليكله يازي ديلينده يايقينلاشديريلماسي يارارلي و گره‌كليدير
(١)- بير سيرا سيياسي آكتيويستده بئله يانليش بير اينانج اولوشموشدور: آزه‌ربايجان رئسپوبليكاسينين توغرالي (رسمي) و اؤلچون (ايستاندارد) ديلي اولان آزه‌ربايجانجا و يا آزه‌ربايجان ديلي، بيزيم ده اؤلچون ديليميزدير و يا اولماليدير. حتتا آزه‌ربايجان رئسپوبليكاسينين آزه‌ربايجان ديليني، دوغرو و اؤلچون توركجه سانانلار واردير. بو اينانجلارين ايكيسي ده يانليشدير. نه آزه‌ربايجان رئسپوبليكاسينين اؤلچون ديلي بيزيم ده اؤلچون ديليميزدير، نه ده بو ديل دوغرو و اؤلچون توركجه‌دير. بوگون آزه‌ربايجان رئسپوبليكاسينين توغرالي و اؤلچون ديلي اولان آزه‌ربايجان ديلي، سوويئتله‌ر دؤنه‌مينده و لهجه‌چيليك-بؤلگه‌چيليك تمه‌لينده اولوشدورولموشدور. بو ديلي اولوشدورما آماجلاريندان بيري ده، يئني آزه‌ربايجانلي ميلله‌تيني ياراتما سيياسه‌تي گره‌يي- اولابيلديكجه توركييه توركجه‌سينده‌ن آيريليق ياراتماق ايدي. بو كولونييال آنلاييشين سونوجوندا آزه‌ربايجان ديلينده بيلينجلي اولاراق توركجه‌نين بير چوخ ايلكه و قورالي گؤز آردي ائديلميش، ديلده‌ن ديشلانميش، و يا كئيفي اولاراق ده‌ييشديريلميشدير. بير چوخ دورومدا دا توركجه ديل بيلگيسينه يوزده يوز ترس اولان يانليش قوراللار منيمسه‌نميشدير. بو سايريليقلي آنلاييشدا توركجه‌نين قول بوداغيني كسيپ عئيبه‌جه‌ر، سيسقا و يوخسوللاشديرماق، اونو بيزيمكيله‌شديره‌ر.
هیچ نظری موجود نیست:
ارسال یک نظر