سئوگیلی آزربایجان تورک میللتی،
۲۰۱۳جو ایلین ۲۱ فئورالی (3 اسفند)، دونیالیق آنادیلی گونونو بیر دفعه داها بوروق دویغولارلا و ایچیمیزی آجیدان بیر حسرتله قارشیلاماقداییق. آنادیلیمیز، عزیز تورکجه‌میزین حسرتی ایله! یازیقلار اولسون کی میللتیمیزین عزیز دیلی اولان آزربایجان تورکجه‌سی سکسن ایلد‌ن چوخدور ایرقچی و توتالیتئر بیر سیستمین اسیری اولوبدور و میللی تاریخیمیزین هئچ بیر دؤنه‌مینده اولمادیغی قدر میللی کیملیگمیزین تملی اولان دیلیمیز باسغی، آشاغیلانما و دیشلانمایا معروض قالیبدیر. بیر حالداکی آزربایجان تورکجه‌سینین معظم تاریخی، گؤرکملی یارادیجی‌لیغی و اینسانلیق تاریخینده‌کی اؤنجول رولو هئچ بیر گرچک و اینصافلی اینسانا گیزلین دئگیل‌دیر.
۲۰۱۳جو ایلین ۲۱ فئورالی (3 اسفند)، دونیالیق آنادیلی گونونو بیر دفعه داها بوروق دویغولارلا و ایچیمیزی آجیدان بیر حسرتله قارشیلاماقداییق. آنادیلیمیز، عزیز تورکجه‌میزین حسرتی ایله! یازیقلار اولسون کی میللتیمیزین عزیز دیلی اولان آزربایجان تورکجه‌سی سکسن ایلد‌ن چوخدور ایرقچی و توتالیتئر بیر سیستمین اسیری اولوبدور و میللی تاریخیمیزین هئچ بیر دؤنه‌مینده اولمادیغی قدر میللی کیملیگمیزین تملی اولان دیلیمیز باسغی، آشاغیلانما و دیشلانمایا معروض قالیبدیر. بیر حالداکی آزربایجان تورکجه‌سینین معظم تاریخی، گؤرکملی یارادیجی‌لیغی و اینسانلیق تاریخینده‌کی اؤنجول رولو هئچ بیر گرچک و اینصافلی اینسانا گیزلین دئگیل‌دیر.
اؤزگورلوکلر و اینسان حاقلاری چاغی اولان ۲۱جی یوزایل‌ده ۳۰ میلیون‌دان چوخ نوفوسو اولان گونئی آزربایجان تورکلرینین ان تمل اینسانی حاقی اولان آنادیلینه قویولان یاساق تک کلمه ایله بیر اوتانجدیر. آنلاماق مومکون دئگیل‌دیر کی میللتیمیزه بو حاقسیزلیغی و ظالیم‌لیگی روا قیلان ایرانین گئریچی و شوونیست حاکیمیتی و داها دا بتری سؤزده دئموکرات و اؤزگورلوکچو اولان ایران موخالیفتی نئجه اوتانمادان و قیزارمادان دونیا اجتماعیاتینین گؤزونه باخا بیلیرلر!
سئوگیلی سویداشلاریمیز،
بونو اصلا اونوتمامالیییق کی آنادیلیمیزه قویولان قاداغا ساده‌جه بیر دیل یاساغی دئگیل‌دیر. خالقیمیزین دوشمنلری آنادیلیمیزی الیمیزدن آلماقلا اؤنجه میللی کیملیک و شوعوروموزو و داها سونرا دا بو واسطه ایله میللی اقتصادیات، میللی سیاست و میللی اولان هر شئییمیزی الیمیزدن آلیب باشی اوجا آزربایجان تورک میللتینی تاریخ صحنه‌سیند‌ن سیلمک ایسته ییرلر.
یالنیز آزربایجان تورک میللتی اسکی و چاغداش تاریخینده هر زامان اولدوغو کیمی بوگون ده باشدا آنادیلی اولماقلا میللی وارلیقلارینین کئشیکچی‌سیدیر و نه یین باهاسینا اولورسا اولسون اؤز میللی وارلیغینی ساوونماقدادیر. بوگون آرتیق آزربایجان میللی حرکتی میللتیمیزین میللی ایراده و گوجو کیمی ایستر اؤلکه داخیلینده ایستر اولوسلارآراسی ساحه‌لرده اؤزونو ثبوتا چاتدیریبدیر و باغیمسیز بیر سیاسی گوج اولاراق میداندادیر کی میللی حرکتیمیزین ان تمل طلبلریندن بیریسی دیلیمیزدیر. آرتیق هرکس بونو بیلمه‌لی‌دیر کی گونئی آزربایجان تورکلوگو میللی آزادلیغی اوغروندا گئری دؤنولمز بیر یولدا بوتون جسارت و اقتداری ایله ایر‌لیله‌مک‌ده‌دیر و بو یولدا باشلیجا هدفلریندن بیریسی آزربایجان تورکجه‌سینی دوستاق‌لیقدان قورتاقماقدیر.
بیز آزربایجان میللی دیرنیش تشکیلاتی اولاراق بیر داها بیلدیریک کی میللتیمیزین ان تمل و ان دوغال حاقی اولان آنادیلینین اؤزگورلوگو تشکیلاتیمیزین ایلکه و قیرمیزی خطلریندن اولوب بو هدفه چاتینجایا قدر موجادیله‌میز دوام ائد‌جکدیر.
آزربایجان میللی دیرنیش تشکیلاتی
گونئی آزربایجان
02.12.1391
هیچ نظری موجود نیست:
ارسال یک نظر