"آرازنیوز" آغ ساراین وب سیته سینده گونئی آزربایجانلا باغلی پتیشینین مسبیبی فرزین بئی فرزادلا موصاحیبه ائدیب

آرازنیوز:فرزین بی خاهیش ائدیریک اوزونوزو اوخویوجولاریمیزا تانیدین و فعالیتلئرینیزدن دئیین


من اورمیا شهرینده دوغولموشام و 5 یاشیمدا اولاندا منیم عایلم آبشا کؤچ ائدیلیب. من ماگیستری (کارشناسی ارشد) اولوسلار آراسی ایلیشکیلر اوزره آمریکا اونیوئرسیتئتی‌ده و لیسانسیمی سیاسیت اوزره مک دانیل کالجیندن آلمیاشام من تخمینن 2009- جی ایلدن او زامانکی، اداپ دا اینسان حاقلاری اوزره فاخته خانیم زمانی ایله بیرگه چالیشیردیم آزربایجان میلی حرکتی ایله تانیش اولموشام و همچنین اوندان اونجه من واشینگتن-دا آزربایجان توپلوموندا آکتیویدیم و اورادا قاراباغ فوندونون ایجرایی ایشلرینده یونتیمه یاردیم ائدیردیم

 (NAAİ)حدودا بیر ایلدن آرتیقدیرکی فعالیته باشلامیشیق لاکین 2013جی ایلده چوخ فعال اولاجاییق. بیز آبشدا آمریکا- ایران آزربایجانی(گونئی آزربایجان) دیاسپوراسی شبکه سینی قورماغی اومید ائدیریک و گله جکده بیز ،اینجه صنعت،دیل،تاریخ،مدنیت و فعالیتلرینی اینکیشافینی بورادا تامین ائتمه سینی هدف آلمیشیق


 آرازنیوز: آغ ائوین سایتیندا گونئی آذربایجان ایله باغلی ایمضا کامپاینی فیکری نئجه اورتایا چیخدی


من آغ ائو سایتیندا یارادیلمیش‌ بعضی ماراق‌لی کامپانیالاری اوخویوردوم . اورادا خالق صایفاسیندا بعضی کامپانیالاری اوخویارکن بو صایفانین هر کس اوچون اچیق اولدوغونو گوردوم. من همن، پتیشن
قایدالاری - قانونلارینی و پروسودورلاری کفایت قدر آراشدیردیم ومسئله نی اویرندیم.دوشوندومکی بیز اوز مسئله میزی اغ ائوه داشیماق اوچون  بو بویوک بیر فورصتدیر.لاکین هر حالدا چالیشماغا دوشوندوم و تانیملامادان بو پتیشینی یاراتدیم .من بو مسئله نی در حال بو قدر فیس بوک، تویتیرو یوتیوب صایفالارینیدا گئنیش یایئلماسینی هیچ اینانمیردیم و بو حقیقتین اورک قیزدیران و سئویندیجیدیر بو گرچکدن منی بویوک بیر شئین حیسه سی کیمی اولدوغومو حیس ائتدیردی و ایندی اوزومو میللته داها یاخین حیس ائدیرم . منه بیر یئنی‌لنمیش اینام وئردی و من ایندی چالیشمالاریمی وار اولان مؤوجود ایمکانارلا اوز مسئله میزی تبلیغ ائتمه حصر ائده جییم.


آرازنیوز:  بوتون تشکیلات و میللی فعال‌لار بونا دئستک وئردی. بو حاقدا نه دوشونوسوز؟


من اول قئید ائتدیغیم کیمی بو، هر هانسی بیر شخص و یا بیر تشکیلات طرفین‌دن اولان تشببوس دئییل.
پتیشین، بیزیم بوتون خالقیمیزین و ایراندا آذربایجان‌لی‌لارین اساس اینسان حقوق‌لارینا دستک اولان بوتون اینسانلارا مخصوصدور. بو پتیشینده بیر چوخ گوروهون و مئدیالارین بیرلیکده چالیشمالارینی گوردوقدا موتلو اولدوم و بونا سئویندیم . من چوخ ایش گورمدیم ساده جه متنی یازدیم بو سیزلریدیز کی بوتون ایشی گوردوز.من پتیشینی یاراتدیقدان بیر نئچه گون سونرا اینترنت اوزرینه  یاییلدی و اصلینده بو بیرلیک اولدوقجا ائتکیلیجی بیر گورونتو سرگیله دی
موختلیف آلانلاردان موختلیف ایدئولوگیا‌لارا صاحیب اینسان‌لار بونو پایلاشیردی. اینسان‌لار بوتون بو بیر شئی اطرافیندا بیرلشمیشدیلر . بو، اولدوقجا تأثیرلی ایدی. بو بیزیم خالقیمیزدا گؤرمک اوچون گؤزله نیلن بیر بیرلیگیدی .


آرازنیوز: 25 مین ایمضا توپلاندی ... بو سیزی قانع ائله دی می؟ بون‌دان سونرا نه اولا‌جاق؟


من دوغروسو آچیق دانیشسام باشدا حتی 25.000 یاخین ایمضا توپلانماسینی حساب ائتمیردیم. من ایلک هفته اندیشه لییدیم، اما سونرا  پتیشین فیس بوکدا دوسلار طرفیندن پایلاشیلدیقدا فیکریم دیشیلدی . من، حقیقتن، ایمضالارین25.000-جی ایمضا چاتماق اوچون نئچه هفته اویاق قالدیم و اونو ایزلدیم. بو ظفریمیزیدن سونرا اونو قوتلادیم. من چوخ موتلو اولدوم.

بو، بیزیم بؤیوک بیر نایلیتیمیز اوچون موهوم آددیم‌دیر. من بورادا، بیز بوتون فرق‌لری کنارا بوراخیب و اینانجیمیز و حاقلاریمیز اوچون اوولکین‌دن داها چوخ بیر آریا گلدیغیمیزی  گورورم من ایندی هر زامانکیندان داها چوخ بیرلیگیمیزی دوشونمورم و بونو داها یاخشی الده ساخلاماغا دا اینانیرام حال-حاضردا بیز یالنیز پتیشینله باغلی آغ ائودن جاواب گؤزلمه میز لازیم‌دیر. اورادا بیر اکیپ واردیر هر اوغورلو پتیشینینی اونا باغلی شعبه‌نین مسئولارینا گؤندریرلر. میثال اوچون بیزیم پتیشین اینسان حاقلاری و خارجی سیاسیتلره له باغلی اولدو غو اوچون آغ ائوده بو مسئله لر اوزره مسئول شخصلره وئرجکلر . اما آلدیغیمیز جاواب نه اولورسا اولسون، من خالقیمیزدان بیز بیر موهوم الده ائتدیک لرینی، بیلمه لرینی ایستییرم. بیز بعضی موسبت خبرلر و یا حتی بیز ائشیتمک ایستمک ایستمه دیغیمیز خبرلر آلا بیلریق. هر ایکی حالدا بیز بیر واحید گوج الده ائتدیق و هیچ کیم بونو بیزدن آلا بیلمز