واشینقتون‌دا
سفرده اولان تورکییه‌نین باش ناظری رجب طییب اردوغان مایین ۱۶-دا آبش پرئزیدئنتی باراک اوباما
ایله گؤروشوب. اولجه اووال اوفیس‌ده کامئرالار قارشی‌سین‌دا تکبتک گؤروشه‌ن لیدئرلر
داها سونرا نماینده هئیتلری ایله بیرلیک‌ده موذاکیره اوتاغینا کئچیبلر. هئیتلر آراسی موذاکیره‌دن سونرا
اوباما و اردوغان آغ ائوین هئیأتین‌ده مطبوعات کونفران‌سی کئچیریبلر. مطبوعات کونفرانی‌سینین
سونونا دوغرو گوج‌لو یاغیش باشلاییب و لیدئرلر چیخیشلارینی چتیر آلتین‌دا تاماملامالی
اولوبلار.
مطبوعات
کونفران‌سین‌دا لیدئرلرین سسلندیردیی فیکیرلردن بعضیلرینی تورکییه مطبوعاتینا ایستینادلا
تقدیم ائدیریک.
باراک
اوباما:
- دیرلی دوستوم اردوغانی آغ
ائوده قارشیلاماق‌دان قورور دویورام. تورکییه‌نین منه گؤستردیی الاهیدده قوناقپرورلیگی
خاطیرلاییرام. دؤرد ایل اول اردوغانین شهرین‌ده گزمیشدیم.
- بو گون بیر چوخ مؤوزونو موذاکیره
ائتدیک. افقانیستان، گ-۲۰ و چوخ اهمیت‌لی بیر باشقا مقام - بؤلگه‌ده نووه سیلاهلینین
یاییلما تهلوکه‌سی حاق‌دا دانیشدیق.
- ایسرایل ایله علاقه‌لرین نورماللاشماسینا
وئردییمیز دستیی بیلدیردیک.
- اینوئستی‌سییا و تیجارت مؤوضوسونا
دقت آییردیق. تورکییه‌نین آبش-آ ایخراجاتی ۴ دفعه آرت‌دی. یوکسک سوییه‌ده
بیر کومیته یارادیب تیجارت و اینوئستی‌سییا لاییحه‌لرینی، اینوواسییانی دستکلیجییک.
- قارشی‌لیق‌لی تهلوکه‌سیزلیک
مسئله‌لرینه دستک وئرمیی قراری آلدیق. ریحان‌لی‌داکی قورخونج هوجوملاری قیناییرام،
باشساغ‌لیغی‌می چات‌دیریرام. آبش اولاراق یانینیزداییق، تئررورا قارشی موباریزه‌نیزی
دستکلییریک. هم تورکییه خالقینی، هم ده سیزی جسارتینیز اوچون تبریک ائدیره‌م. پکک تئررورونو
سونا چات‌دیرماق اوچون آددیم آتدینیز. اینسان حاقلارینی مدافعه ائتمیینیزی ده دستکلییریک.
سورییا
بحرانی
- سورییا مؤوضوسون‌دا تورکییه
خالقی اینانیلماز قوناقپرورلیک گؤستردی. آغیر یوک اولدوغونون فرقین‌ده‌یه‌م. آبش بو
یوکون داشینماسینا کؤمک ائتمه‌یه داوام ائد‌جک. قیدا، سیغینما و ساغلام‌لیق مؤوضولارین‌دا
کؤمک‌چی اولاجاغیق. اس‌ده تضییقلری آرتیراجاغیق، موخالیفته دستک وئرجییک. اسدین اولمادیغی
دئموکراتیک بیر سورییا اوچون باش ناظر ده اؤن صف‌ده اولاجاق. اسدین گئتمه‌سی مسئله‌سین‌ده
همفیکیریک. اسدین تیرانلیغین‌دان خلاص اولان موستقیل سورییا اوچون چالیشاجاغیق. چونکی
بو، بوتون خالقلارین منافئیینه اویغون‌دور.
رجب
تایییب اردوغان:
- ائو صاحبینه خصوصی میننتدارلیغی‌می
ایفاده ائتمک ایستییرم. بوستون‌داکی تئررورلا باغلی باشساغ‌لیغی‌می چات‌دیریرام. تئررورلا
موباریزه ائد‌ن بیر اؤلکه اولاراق آبش خالقینی آنلادیغیمیزی ایفاده ائتمک ایستییرم.
تئررورلا اورتاق موباریزه‌میزی داوام ائتدیرمک‌ده قرارلیییق.
- یاخین شرق‌دن بالکانلارا،
آرالیق دنیزین‌دن قافقازلارادک تئررورلا موباریزه‌دن توتموش ائنئرژییه قدر بیر چوخ
ساحه‌ده گوج‌لو امکداش‌لیق ایچیندییک. تورکییه-آبش امکداش‌لیغی ایله یاناشی، اورتاق
گون‌ده‌مه، رئگیونال و قلوبال مسئله‌لره عایید مؤوضولارا توخوندوق.
- ایکیترف‌لی اقتصادی و تیجارت
علاقه‌لرینی داها یوکسک سوییه‌یه قال‌دیرماق نیتیندییک. تیجارت دؤورییه‌سینی ۱۰ ایل ایچین‌ده ۸ میلیارد دوللاردان ۲۰ میلیارد دوللارا قالدیردیق.
یئنی آنشلاشمالارلا، آزاد تیجارت رازیلاشمالارییلا بونو گوجله‌ن‌دیرمه‌میز لازیم‌دیر.
"دوشونجه‌لریمیز اوست-اوسته
دوشور"
- سورییا ۱ نؤمره‌لی مؤوزوموز اولدو.
بو مؤوضودا دوشونجه‌لریمیزین اوست-اوسته دوشدویونو آز اول پرئزیدئنتین ایفاده‌لریله
بیرلیک‌ده دینلدیک. قان‌لی پروسئ‌سین دایاندیریلماسی، یئنی حکومتین قورولماسی مؤوضوسون‌دا
تام رازیلاشما ایچیندییک. موخالیفتین دستکله‌نمه‌سی، اسدین گئتمه‌سی، کیمیوی سلاحلارین
قارشی‌سینین آلینماسی، آزلیقلارین تهلوکسیزلیینین تعمین ائدیلمه‌سی باره‌ده‌ده عینی
فیکیردییک.
گوده‌لیک‌ده
آذربایجان دا اولوب
- یاخین شرق سوله پروسئ‌سی مؤوضوسون‌دا...
ماوی مرمره هوجومون‌دا حیاتینی ایتیره‌ن تورکییه و آبش وطنداشلارینا گؤره تزمینات اؤدنیلمه‌سی
ایستیقامتین‌ده ایشلر داوام ائدیر. قززایا ائد‌جه‌یه‌م زیارتین فیلیسطینین اتفاقینا
و سولهه اهمیت‌لی قاتقی وئرجیینه اینانیرام.
- آذربایجان، ائرمنیستان، ایران،
افقانیستان، آفریکا، میانما کیمی مؤوضولاری دا موذاکیره ائتدیک. تورکییه-آبش علاقه‌لری
باخیمین‌دان تاریخی بیر گون یاشاییریق.
هیچ نظری موجود نیست:
ارسال یک نظر