دونیانین دؤرد بیر یانین‌دان گلن ۲ مین یئرلی، بیرلشمیش میللت‌لر تشکیلاتی‌نین باش مرکزینده توپلاندی.۱۲.جی یئرلی خالق‌لار پروبلئم‌لری دایمی ذیروه‌سی اوچون توپلانان یئرلی‌لر، پروبلئم‌لرینه چؤزوم یول‌لاری آختاریر. آرا‌لاریندا قیزیل دریلی، آبورجین و اسکیمولارین دا اولدوغو چوخ ساییدا یئرلی خالق نماینده‌سی بیرلشمیش میللت‌لر تشکیلاتی‌نین باش مرکزینده توپلاندی. نماینده‌لر، خالق‌لاری‌نین قارشی قارشییا قالدیق‌لاری مدنیت، ساغلیق و تحصیل ساحه‌لرین‌دکی پروبلئم‌لرین چؤزوم یول‌لارینی موذاکیره‌یه قویور.
آچیلیشدا چیخیش ائدن ذیروه باشقانی پل کانیینکه سنا یئرلی مدنیت‌لرینه کیفایت قدر سایقی گؤستریلمدیگینی دیله گتیردی. سنا، "یئرلی‌لرین قارشیلاشدیغی ان جدی پروبلئم اؤز دیل‌لرینده تحصیل حاقین‌دان محروم ائدیلمه‌لریدیر" دئدی. اؤزو ده بیر قیزیل‌دریلی اولان آلاسکا اونیورسیته‌سی پروفسورو دالی سامبو دورووگ دا معدن ایشلتمه‌چیسی بؤیوک شیرکت‌لرین یئرلی خالق‌لارین اینسان حاق‌لارینی جدی شکیلده پوزدوغونو و بو خالق‌لارین معدن‌لرینی سؤموردوگونو وورغولادی.
بیرلشمیش میللت‌لر تشکیلاتی‌نین ۲۰۰۷.جی ایلده قبول ائتدیگی "یئرلی خالق‌لار انسان حاق‌لاری بیاننامه‌سی"یله یئر اوزونده یاشایان ۳۷۰ میلیون یئرلی‌یه قارشی اینسان حاق‌لاری پوزونتولارینی سونا چاتدیرماغی هدفلمیشدی. آنجاق اولوسلارآراسی شیرکت‌لرین یئرلی‌لره قارشی اینسان حاق‌لاری پوزونتولاری داوام ائدیر.
هیچ نظری موجود نیست:
ارسال یک نظر