کونقرئسمئن دانا روهراباکئر واشینقتوندا آزربایجان رئسپوبلیکاسی‌نین قورولماسی‌نین 95-جی ایلدؤنومو موناسیبتی ایله رسمی قبولدا ایشتیراک ائدیب. کونقرئسمئن “آمئریکانین سسی”نه بیلدیریب کی، ایراندا ائتنیک آزربایجان‌لی‌لار اؤز موقددراتینی معین ائتمک حقوقونا مالیک‌دیر.
او، موسلمان شرقینده ایلک دئموکراتیک رئسپوبلیکانین 95 ایل اؤنجه آزربایجاندا قورولدوغونا ایشاره ائده‌رک دئییب. “بو، چوخ اؤنم‌لی بیر گون‌دور. اونا گؤره کی، اول‌لر سدلر بو و یا دیگر شکیلده چکیلدیگی اوچون آزربایجان سویوق محاربه دؤورونده صونعی صورتده آمئریکانین دوشمنی حساب ائدیلیردی. لاکین سویوق محاربه آرتیق 20 ایلدن چوخ‌دور باشا چاتیب و آزربایجان خالقی آبش-این (آمئریکا بیرلشمیش شتات‌لاری) یاخشی دوستودور. آزربایجانلا علاقه‌لریمیز وار، عینی زاماندا ایراندا یاشایان آزربایجان‌لی‌لار وار.گونئی آذربایجان وار.بورادا دا بیرلشمیش شتات‌لارا نیفرت ائدن موللا رئژیمی آزربایجان‌لی‌لاری یئنه ده بیزیمله طبیعی دوستلوق موناسیبت‌لری علیه ینه بیر مؤوقعده ساخلاییر. بو گون بیز آزربایجان و آبش خالق‌لاری آراسیندا طبیعی دوست‌لوغو تنتنه ائدیریک. ایراندا موللا رئژیمی‌نین ایستیبدادچی سیاستینی تطبیق ائتدیگی بیر شرایطده یاشایان بوتون خالق‌لار اوچون ایندی آغیر بیر واخت‌دیر. چونکی موللا رئژیمی قرب، خصوصیله ده بیرلشمیش شتات‌لارا محاربه اعلان ائدیر. بیز امین اولمالیییق کی، گونئی آزربایجاندا اینسان‌لار موللا رئژیمی‌نین ماهیتی‌نین ندن عبارت اولدوغونو، اونلارین فارس اولمادیغینی و اورادا بیزه طبیعی صورتده دوست اولان آدام‌لارین اولدوغونو بیلدیگیمیزی باشا دوشور. بیز بو گون هم قوزئی، هم گونئی آذربایجانا بو مئساژی گؤندرمک ایستییریک کی، بیرلشمیش شتات‌لار سیزین طبیعی موتتفیقینیزدیر و بیز دونیانین بو حیسه‌سینده دئموکراتیا و اؤز موقددراتینی تیینئتمنی گتیرمک اوچون بیرلیکده ایشلملیگیک”، - کالیفورنیا کونقرئسمئنی دانا روهراباکئر “آمئریکانین سسی”نه بیلدیریب.
کونقرئسمئن آبش و آزربایجان رئسپوبلیکاسی آراسیندا قارشی‌لیق‌لی اعتبار اساسیندا موناسیبت‌لرین قورولدوغونو، هر ایکی اؤلکه‌نین دوستلوق علاقه‌لرین‌دن بهرلندیگینی دئییب.
هیچ نظری موجود نیست:
ارسال یک نظر