گونای نووروز
آتمی‌سان
منی
"سن،
سن" دئیه ساییقلاییرام گئجه‌لری،
آنام
فیکیرلی‌دی گئجه‌دن بری.
"سن،
سن" دئیه یوخودا آغلاییرام من،
آنام
اویاق قالیر گئجه‌لری.
گئجه‌لر
آنام آغلار...
گئجه‌لر
اوزانار.
آناما
دئیه بیلمدیم دردی‌می،
دئیه
بیلمدیم: "آتمی‌سان منی".
قانیم
آخار گیل‌دیر-گیل‌دیر،
آنام
بونو بیلسی‌دی...
منی
اینجیتدیینی.
گئجه‌لر
یوخودا گؤروره‌م پنجره‌نی...
او پنجره‌نی،
همین یئری
ائشیدیرم
گئجه‌لر سسینی.
"من،
من" دئیه چیغیریرسان،
"سن،
سن" دئیه اینلییرم.
گوندوزلر
گئجه اولسون.
آغریلار
گوجه دولسون...
سن‌دن
گلن بله اولسون.
مین گئجه‌نین
بیرین‌ده،
بیر گئجه‌نین
مینین‌ده
سئوگیمیز
هدر اولسون...
گل‌دی-گئدر
اولسون.
اؤلوم
عاشیقییه‌م
من بو
دونیانین آدامی دئییله‌م،
او
دونیادان گلمیشه‌م،
موطلق
بیر گون گئده‌جه‌م،
قورخما
بوردا قالانی دئییله‌م.
بیلمیرم
اؤلویه‌م، یوخ‌سا کی، دیری؟
بیلمیرم
عقل‌لییام، یوخ‌سا کی، دلی؟
اینجیدیرم
منی سئوه‌نلری،
سئویرم
اؤلولری.
یئنه
مزار باشینا دولانیرام من،
یاشاماق
آشیقینین مزاری‌دی بو،
من ده
اؤلوم آشیقییه‌م...
یاشاییرام.
گونو اون
اوچ ماناتا یوک داشیییرام،
کفه‌ن
باها،
یاسین
باها،
موللا
اوندان دا باها
دوشونوره‌م...
گؤره‌سه‌ن
نئجه قوووشوم اللها؟
دود،
دووود
بو گون
بیر تئلئفون زنگی قدر یاد اولدون منه،
اینانمادیم
منی سئودیینه.
بیر
تئلئفون زنگی قدر "دود، دووود" سؤیدوم سنی.
سونرا
بیر "آلو" سؤزونه نیفرت ائتدیم...
ییغدیم،
سیلدیم نؤمره‌نی.
ایللر
اؤنجه اولسای‌دی اگر،
ازبر
بیلردیم نؤمره‌نی
ایللر
اؤنجه اولسای‌دی اگر
سئوردیم
من ده سنی.
دود،
دووود سنین سئوگینه...
حیسسلرینه،
بیر ده
یالان دانیشان دیلینه دود
هیچ نظری موجود نیست:
ارسال یک نظر