تورکییه حکومتی تاکسیم اولایلاری ایله باغلی وطنداشلاردان عذر ایسته‌ییب. اؤیرنجی سسی تورکیه مئدیاسیندان ایستینادن خبر وئریر کی، باش ناظیرن یاردیم‌چی‌سی بولئنت آرینچ بو گون چیخیش ائد‌رک پلیسین ایفراط موداخیله‌سینین حاقلی رئاکسییالار دوغوردوغونو اعتراف ائدیب. آرینچ پلیسین گزی پارکین‌دا باشلادیلان حاقلی نوماییشلره گازلا موداخیله‌سینین حادثه‌لری جیغیرین‌دان چیخاردیغینی بیلدیریب. عینی زامان‌دا، شدته معروض قالان وطنداشلاردان عذر ایسته‌ییب.«بونونلا الاقدار اولاراق اینضیباطی آراش‌دیرمایا باشلانیب. سون ۵ گون‌دور کی، تهلوکه‌سیزلیک قوه‌لری سون درجه حساس‌دیر. هر بیر وطنداشیمیزین مسولیتی بیزیم اوزریمیزده‌دیر. هر جور دئموکراتیک طلبلره سونا قدر آچیغیق، یئتر کی، شدت اولماسین. مسوم رئاکسییالار قئیری-قانونی قروپلار طرفین‌دن سوی-ایستیفاده ائدیلمک‌ده‌دیر. تورکییه‌نین اعتبارینا ضرر وورور. تأسف کی، ایسته مه دییم حادثه باش وئردی، عبدالله جؤمئرت وفات ائتدی. کدرلنیریک. اودلو سلاح‌دان اؤلمه‌دی، بلکه ده باشینا دیه‌ن سرت جیسیم اؤلومونه سبب اولا بیلر. اؤلومونه سبب اولان گوناهکار و یا گوناهکارلارین تاپیلماسینی آرزو ائدیریک. عائله‌سینه تکرار باشساغ‌لیغی دیلییرم».باش ناظر کؤمک‌چی‌سی بیر نئچه گون‌دور کی داوام ائد‌ن اولایلاردا ۲۴۴-او پولیس اولماقلا ۳۰۰ وطنداشین یارالاندیغینی دئییب.
بولئنت آرینچ م ح پ، ب د پ و ج ه پ-یه توتدوقلاری مؤقعیه گؤره تشککورونو بیلدیریب: «هر شئی دؤولتین نظارتی آلتین‌دادیر. حاقلی رئاکسییالار گؤستر‌ن وطنداشلاریمیزا تشککور ائدیره‌م. چوخ‌لو سای‌دا ساخلانیلانلار وار. اونلار ۱ ساعت‌دان سونرا آزاد اولوناجاقلار. هئچ بیر وطنداشیمیزین نظارت‌ده داها چوخ قالماسینی ایسته میریک».
هیچ نظری موجود نیست:
ارسال یک نظر