دونيا
ايجتيماعيتي و اولوسلار آراسي اينسان حاقلاريني مودافيعه ائدن تشكيلاتلارا خيطاب
ايران ايسلام جومهوريتي، اٶز تهلوكهسيزليييني ائله تعريف
ائديبدير كي، دونيا اينسان حاقلاري بياناتيندا درج اولان و حتي رئژيمين اٶز قانونلاريندا نظره آلينميش حاقلاري قوللانديقدا،
بو "تهلوكهسيزليك" تهلوكهيه دوشور. بو عجاييب ياناشما طرزي اساسيندا بو
رئژيمين اسارتينده ياشايان بوتون اينسانلار چوخ راحاتليقلا، چوخ آغير جزالارا
محكوم اولورلار. 5 ماي 2013 تاريخينده اعلام اولموش حٶكم اساسيندا، مدني سياسي فعاليتله مشغول
اولان "يئني گاموح" تشكيلاتينين رهبرلري اولان 5 آذربايجانلي گنجين توپلوم
45 ايل حبس جزاسينا محكوم اولماسيلا سانكي بو رئژيم بيرداها اينسان حاقلارينا لاقيد
اولماسيني ووروغولاماق ايستهميشدير.
معلوم اولان، ايران ايسلام
جومهوريتي آذربايجان سياسي فعاللاريني اوزون مودته آزادليقدان محروم ائتمكله،
گونئي آذربايجان قورتولوش موجاديلهسيني كادر باخيمندان يوخسونلاتماق فيكريندهدير
و بو سياستين چرچيوهسينده اسگيدن 8 ايل حٶكمله دوستاقلانميش سعيد متين
پوردان علاوه، بو ايل، عباس وليزاده 8 ايل حبس جزاسينا محكوم
اولمشدور و آردينجا يئني گاموح تشكيلاتي نين رهبرلري اولان ، دکتر لطیف
حسنی، آیت (یوروش) مهرعلی بیگلو، شهرام رادمهر (ساوالان)، محمود فضلی و بهبود قلی
زاده، بيرلشيك 45 ايك جبس جزاسي آلميشلار.
بيز، آذربايجان سياسي و مدني
حاقلاري يولوندا موجاديله آپاران تشكيلاتلار و آكتيويستلر، آذربايجانين استعدادلي
گجنلريني زيندانلاردا چورودمك سياستيني بير استعماري سياست كيمي قيمتلدنديريك.
بيز، بو آغيز حبس جزالاريني شيدتله قيناييب، بوتون سياسي محبوسلارين آزادليغيني
طلب ائديريك.
سياسي تشكيلاتلار
1.آذربايجان اٶيرنجي حركاتي (آذوح)
2.آذربايجان سوسيال دموكرات
پارتياسي
3.آذربايجان مستقيل و واحد جبهه
سي
4.آذربايجان ميللي ديرنيش
تشكيلاتي (آ.م.د.ت)
5.دونيا آذربايجانلي¬لار
كونقرئسي (داك)
6.گونئي آذربايجان ايستيقلال
پارتياسي (گائيپ)
7.گونئي آذربايجان دموكرات
پارتياسي (گادپ)
8.گونئي آذربايجان قورتولوش
پارتياسي
9.گونئي آذربايجان ليبرال
دموكرات پارتياسي (گالدپ)
10.گونئي آذربايجان ميللي
اويانيش حركاتي (گاموح)
11.گونئي آذربايجان ميللي
دئموكراتيك بيرلي يي (بيرليك)
هیچ نظری موجود نیست:
ارسال یک نظر