ایرانین خاریجی ایشلر ناظیرلیینین (خین) سؤزچوسو عباس عراق‌چی
بیاناتلا چیخیش ائدیب. او، بیاناتین‌دا آذربایجان‌دا گونئیله باغلی کئچیریله‌ن
تدبیرلردن ایرانین ناراحات‌لیغینی ایفاده ائدیب: «رسمی باکی میللت‌چیلرین
حرکتلرینه قارشی موباریزه ایله باغلی تئهران قارشی‌سین‌دا اوزرینه گؤتوردویو وعدلره
عمل ائتمه‌لی‌دیر». خین رسمی‌سی دئییب کی، آذربایجان رسمیلری ایکی اؤلکه آراسین‌داکی
علاقه‌لرین اینکیشافینی انگلله‌یه‌ن بو حرکتلرین قارشی‌سینی آلماق اوچون وار گوجو
ایله سی گؤسترمه‌لی‌دیر.
Bakuinfo.Az
سیاسی اوزمان سئیمور حسنلی نین مسئله‌یه موناسیبتینی تقدیم
ائدیر.
آچیقلاماسین‌دا بیلدیریب کی، بو چاغیریشلارین رسمی
دیپلوماتیک جاوابی وار کی، آذربایجان رس‌ی‌سی ده لاییق‌لی جاوابی وئریب:
"آذربایجان دؤولت اولاراق ایرانین اراضی بوتؤولویونو تانیییب و اونونلا قارشی‌لیق‌لی
موناسیبتلر قوروب. هر هان‌سی میلت وکیلی نین، مطبوعات اورقانینین، تشکیلاتین و یا
فردین مؤوقئیی آذربایجان دؤولتینین مؤوقعیی دئمک دئییل. همین فعالیتلرینه گؤره،
دؤولت اونلارا قارشی نه کیمی تدبیر گؤره بیلر کی؟ وطنداش تاریخی اؤیرنیر، تاریخ‌ده
باش وئره‌ن عدالتسیزلیین اؤز یئرینی تاپماسی اوچون چالیشیر. آذربایجانین داها
بؤیوک حیسه‌سی بو گون ایران آدلانان اؤلکه‌نین ترکیبین‌ده‌دیر. تاریخی مسئله ایله
یاناشی، بیر ده اینسان حقوقلاری مسئله‌سی وار. اینسان حقوقلاری هر هان‌سی بیر
دؤولتین داخی‌لی ایشی دئییل، ائل‌جه ده ایرانین. ایرانین تخریبات ماشینی-مئدیاسی، آیری-آیری
رسمی شخصلری آذربایجانین اراضی بوتؤولویونو تهدید ائد‌ن فیکیرلری دفعه‌لرله
یاییبلار. ایرانین رسمی رادیوسو باکی‌دان، گنجه‌دن اولان خبرلری شیمالی ایران‌دان
اولان خبرلر کیمی تقدیم ائدیر. آذربایجان‌داکی سفیرلیین قارشی‌سینا «باکی نومایه‌ن‌دی‌لیگی»
یازیلیر. ایران اوردوسونون رهبرلیگی طرفین‌دن آذربایجانا قارشی بیاناتلار وئریلیر.
بس، ایران نه اوچون بونلارا ایمکان و شرایط یارادیر؟ ایران آذربایجانلا هئچ بیر
زامان صمیمی اولماییب و اولمایاجاق دا. بو گون ۴۰ میلیونا یاخین سویداشیمیز
اولان ایران وطنداشلاری قوزئی آذربایجانی اؤزلرینین دؤولتی اولاراق گؤرور. گونئی
آذربایجانا دستک ده قوزئی‌ده‌کی میللت‌چی قوه‌لردن گلدیین‌دن، ایران رس‌ی‌سی معلوم
چاغیریشی ائدیر» – دئیه سئیمور حسنلی بیلدیریب.
هیچ نظری موجود نیست:
ارسال یک نظر