گون.آز-نین آمئریکا-دا یاشایان گونئی آذربایجان سوسیال و
مدنیت آراشدیرمالار مرکزینین و آذربایجان میللی دیرنیش حرکاتینین صدری، پولیتولوق
داوود تورانلا موصاحیبه‌سی: - داوود بی، آمئریکا
کونقرئ‌سین‌ده‌کی آذربایجان اوزره ایشچی قروپونا قوشولانلارین سایی آرتیر. بو
کونقرئ‌سین آذربایجانا ماراغینین آرتدیغینین گؤستریجی‌سی حساب ائتمک اولارمی؟
- طبیعی کی. آذربایجان آمئریکا بیرلشمیش ایالتی اوچون اؤن‌م‌لی
دؤولت‌دیر و ایکی دؤولت آراسین‌دا علاقه‌لر ایستراتئژی اهمیت داشیییر. بونو اؤلکه
سیاست‌چیلرینین وئردیی آچیقلامالاردان دا گؤروروک.
اوسته‌لیک، آذربایجان یئرلشدیی مکانا گؤره ده، هر زامان
ایستراتئژی اؤن‌مینی ساخلایاجاق. آمئریکادا دا بونون فرقینددیرلر و اؤلکه سیاست‌چیلری،
بئیین مرکزلری بو عاملی خصوصی قئید ائدیرلر.
بو یاخینلاردا آمئریکا-آذربایجان اقتصادی فورومونون کئچیریلمه‌سی
بونا مثال‌دیر. آمئریکادا درک ائدیرلر کی، بؤلگه‌ده آذربایجان‌سیز هان‌سی‌سا
لاییحه‌نین گئرچکلش‌دیرمک مومکون‌سوزدور.
آذربایجان جنوبی قافقازین آچار رولونو اویناییر. آذربایجانلا
علاقه‌لرین اینکیشافی، مرکزی آسییا اؤلکه‌لری ایله نورمال علاقه‌لره مالیک اولماق
دئمک‌دیر.
- بو گونلرده ائرمنیستان باش دادستانی آقوان اووسئپیانین
ایروان‌دا کئچیریله‌ن بئینلخالق کونفرانس‌دا تورکییه و آذربایجانا قارشی اراضی
ادعالاری سورمه‌سی ایله باغلی آچیقلامالار وئردی. ائرمه‌نی دؤولت رسمینین بئله
آچیقلامالار وئرمه‌سی ایله باغلی نه دئیه بیلرسینیز؟
- من دئیردیم کی، بئله آچیقلامالار وئرمک خسته تفککورون
مهسولودور. نورمال دوشونجه‌یه صاحب اولان شخص بئله آچیقلامالار وئره بیلمز. اولا،
ائرمنیستانین هان‌سی شرایط‌ده آذربایجانین تورپاقلارینی ایشغال ائتدیینی یاخشی
بیلیریک. نه قدر بو دونیا وار کی، خوجالی سویقیری‌می ائرمنیستانی دایم ایزله‌یه‌جک.
بو گون یئنی‌دن ائرمنیستان آذربایجانین دیگر رایون و بؤلگه‌لرینی
ایشغال ائده بیلرمی؟ گوج‌لو آذربایجان ائرمنیستانا ائله درس وئرر کی، تاریخ بویو
اؤزلرینه گله بیلمزلر.
ساده‌جه اولاراق، بو کیمی آچیقلاما و بیاناتلار ائرمنیستان‌دا
داخی‌لی ایجتیمایته هئسابلانمیش پوپولیست سؤزلردن باشقا بیر شئی دئییل.
بونون هئچ بیرینی گئرچکلشمک شان‌سی یوخ‌دور. ائرمه‌نیلر
تاریخاً هان‌سی شرایط‌ده قافقازا گلدیکلری و هان‌سی دؤولتلر طرفین‌دن
دستکلندیکلرینی یاخشی بیلیریک.
اونا گؤره یاخشی اولاردی کی، ائرمنیستان رهبرلیگی بئله
بیاناتلار وئرمک‌دن‌سه، اؤز اؤلکه‌سینین گلجیی اوچون آذربایجان و تورکییه ایله
موناسیبتلرین نورماللاشماسینا چالیشمالیدیرلار. قاراباغین ایشغالی و تورکییه ایله
موناسیبتلرین گرگین قالماسی ائرمنیستانی هان‌سی وضعیته گتیردیی اورتادادیر.
ائرمنیستان‌دا اینسانلار قاچماق اوچون، بوتون واسطه‌لره ال آتیرلار.
- دئدیینیز مسئله‌لر ماراق‌لی‌دیر. اما ندن‌سه، ائرمنیستان
رهبرلیگی نورمال دانیشیقلارا گئتمک ایستمیر...
- بیلیرسینیز کی، هامییا آیین‌دیر کی، ائرمنیستان رس‌می
کرئملینین نظارتی آلتین‌دا اولان دؤولت‌دیر. روس سیاست‌چیلر اؤزلری اعتراف
ائدیردیلر کی، ائرمنیستان روسییانین فورپوستودور. اؤلکه اورادان گلن امرلرله
ایداره اولونور. باشقا جور حرکت ائرمنیستان باها باشا گلر.
همچینین، ائرمنیستان آذربایجان و تورکییه اوچون تضییق واسطه‌سی‌دیر.
اما ائرمنیستانین پولیقون اولماسی بو اؤلکه اوچون بؤیوک فلاکتلر بخش ائد‌جک.
حساب ائدیره‌م کی، ائرمنیستان‌دا بون‌دان سونرا وضعیت داها دا
گرگینلشه‌جک. آرتیق خاریج‌ده ائرمه‌نی دیاسپور رهبرلری ده بونو گؤرورلر. همچینین
آمئریکا و قربه آچیق-آیدین بل‌لی‌دیر کی، ائرمنیستانین سیاسی-اقتصادی گلجیی یوخ‌دور.
ائلنور ائلتورک
گون.آز
هیچ نظری موجود نیست:
ارسال یک نظر