ایران‌داکی ائرمه‌نیلر تورکلره، او جمله‌دن گونئی آذربایجان
تورکلرینه دونیانین باشقا اؤلکه‌لرین‌ده یاشایانلاردان فرق‌لی موناسیبت بسلمیر.
ایش او یئره چاتیب کی، میللی حاقلارینین تامین اولونماسینی ایسته‌یه‌ن گونئی
آذربایجان تورکلرینه «یول گؤسترمه‌یه»، بیر چوخ حاللاردا ایسه ایفتیرا آتماق‌دان
بئله چکینمیر. بو ائتنیک قروپون ایسلام رئسپوبلیکاسین‌داکی تمثیل‌چیلری پانفارس‌چیلار
کیمی گونئی آذربایجان تورکلرینین بو یؤن‌ده فعالیتینی شرله‌مک‌ده‌دیر.
بئله‌لرین‌دن بیری ده ایسلام پارلامئنتینین ائرمه‌نی عضوو
کارئن خانلاریان‌دیر. او، ایروان‌دا کئچیردیی مطبوعات کونفران‌سین‌دا دئییب :
«ایران‌لی آذربایجان‌لیلار اؤزلرینی ایران‌لی ساییر». «سون یوز ایلده ایران‌دا
پانتورک‌چو جریان دستکله‌نمه‌ییب»-دئیه، او، سؤیله‌ییب. ائرمه‌نی نماینده اؤزونو
عقل‌لی گؤستره‌رک، بیلدیریب: «ایران‌لی آذربایجان‌لیلارین چاغداش تورکییه و
آذربایجان اهالی‌سی ایله ائتنیک قوهوملوقلارینا دئمه‌یه چتین‌لیک چکیرم. اگر ایران
پانتورکچولوک دستک قازان‌سا ایدی، او زامان شرایط باشقا جور اولاردی».
قئید ائدک کی، میللی – مده‌نی حاقلارینین تعمین اولونماسینی،
آنا دیلین‌ده مکتب، تئلویزیون-رادیو کانالینین آچیلماسینی و باشقا بو سایاق
حاقلارینین تامین اولونماسینی ایسته‌یه‌ن گونئی آذربایجان تورکلرینی ایران حاکمیت
دایره‌لری بیر قای‌دا اولاراق، «پانتورک‌چو» آدلاندیریر. خاطیرلاداق کی، ایران
ایسلام رئسپوبلیکاسینین آلی لیدئری آیت الله خامنه ای اؤت‌ن گون کوتله قارشی‌سین‌دا
چیخیشی زامان، سون ایللر ایران‌دا گونئی آذربایجان تورکلرینین میللی حاقلارینین تامینی
اوغرون‌دا موباریزه‌دن راحت‌سیزلیغینی بوروزه وئریب. او، چیخیشین‌دا بیلدیریب:
«فارسلار و تورکلر قارداشی‌دیر، هامی‌سی ایرانلیدیرلار».
ایران‌دا یئنی پرئزیدئنت سئچیلمیش حسن روحانینین ده فارس
شووینیستلرینین ایزی ایله گئدجیی اوزه چیخ‌دی. او، پرئزیدئنت سئچکی‌سی اؤنجه‌سی
تبلیغات کامپانییاسی زامانی آذربایجان‌دا بیر چوخ وعدلر وئرمیش‌دی: «تبریزده تورک
دیلی و مدنیت ائوی یارادیلمالی‌دیر»، «اورمو گؤلو قورتاریلمالی‌دیر»، «تورک، فارس،
لور، کورد، عرب و س. هامی‌سی برابرحقوقوق‌لو اولمالی‌دیر».
ح.روحانی دؤولت تئلئویزییاسین‌دا کوتلوی اینفورماسییا واسطه‌لری
ایله باغلی چیخیشین‌دا بونلارین عکسینی سؤیله‌ییب: «بیزیم چوخ میللت‌لی توپلوموموز
یوخ‌دور. بیر مملکتیمیز وار آدی ایران‌دیر، بیر میللتیمیز وار آدی ایران میللتی.
البته، اؤلکه‌میزده موختلیف عادت-عنعنه‌لر و کیچیک مدنیتلر واردیر... اما اساس
ایران میللتی‌دیر».
قئید ائدک کی، فارس شووینیستلری بون‌دان اؤنجه‌ده فارس
مدنیتین‌دن باشقا دیگر مدنیتلری دفعه‌لرجه «کیچیک کولتورلر» آدلاندیریبلار. روحانی
ده بو چیخیشی ایله اونلارین یولونو داوام ائتدیرجیینی بیان ائدیب.
هیچ نظری موجود نیست:
ارسال یک نظر