ایران آذربایجانین‌دا مکتبلرین آچیلیشی عرفه‌سین‌ده
تورکجه‌ده تحصیل حاقینین تعمین ائدیلمه‌مه‌سی و عمومیتله اوشاقلارین آنا دیلین‌ده
تحصیل آلماق‌دان محروم اولمالارینا قارشی اعتراضلار چوخالیب. «گونئی آذربایجان شهرلرین‌ده
یئنی تحصیل ایلینین باشلاماسی موناسیبتی ایله دیوارلاردا دؤولتین مکتبلرده حیاتا
کئچیردیی سیستئم‌لی فارسلاش‌دیرما سیاستی و تورکجه‌ده تحصیلین قاداغاسینا قارشی
اعتراض نوماییش ائتدیره‌ن شعارلار یازیلیب،» دئیه آذربایجان وئب صحیفه‌لری قئید
ائدیب.
یئنی گاموه لیدئری مکتوبون‌دا حسن
روحانینین پرئزیدئنت سئچکیلرین‌ده آذربایجان شهرلرین‌دن یوکسک سس آلدیغینا
توخوناراق قئید ائدیب. «بیز تورکلر و فارس اولمایان باشقا میللتلر (عرب، کورد،
بلوچ و س.) مئهر آیینین بیرینجی گونون‌ده اؤولادلاریمیزی حاکم ائییتیم (تحصیل)
سیستئمینه تاپشیرماقلا اونلارین چئشیدلی یوللارلا تحقیر اولونماسینا شاهید
اولوروق. بو تهقیرلرین منفی تأثیرلری بو اینسانلارین حیاتینین سونونا قدر سورور.
باخمایاراق کی یئنی گاموه پارتییاسینین باشقانی اولاراق تشکیلاتین مرکزی کومیته
اوی‌لری ایله بیرلیک‌ده عدالت‌سیزجه‌سینه دوققوز ایل زین‌دانا محکوم اولموشوق،
حاله‌ن سورگون ائدیلدییمیز رجایی-شهر دوستاغین‌دان تورک اوشاقلارینین آنا دیلین‌ده
ائییتیم حاقینی ایسرارلا طلب ائدیر، سیزدن بو یول‌دا جدی و عملی آددیملار
آتماغینیزی ریجا ائدیره‌م،» دئیه جناب حسنی مکتوبون‌دا علاوه ائدیب.
گونئی آذربایجان ایستیقلال پارتییاسی
(گایپ) ایسه اؤز وئب صحیفه‌سین‌ده مسئله ایله علاقدار سئنتیابرین ۲۰-ده هلندین آمستئردام شهرین‌ده اعتراض آکسییاسی تشکیل
ائدجیینی بیلدیریب.
آراز نیوز سایتینین
دا یایدیغی معلوماتا ایستینادن، واشینقتون‌دا یاشایان آذربایجان تورکلری ایران‌دا
مکتبلرین آچیلیشی موناسیبتی ایله آنا دیلین‌ده تحصیل طلبی ایله ایران ایسلام
رئسپوبلیکاسینین ماراقلارینی تمثیل ائد‌ن پاکیستان سفیرلیگی قارشی‌سین‌دا اعتراض
آکسییاسی کئچیره‌جکلر.
ایران‌دا مکتبلر گونش تقوی‌می ایله
ایلینین دوققوزونجو آیینین بیرینجی گونو (سئنتیابر ۲۱-۲۳) آچیلیر.
علیرضا قولونجو
آمئریکانین سسی
هیچ نظری موجود نیست:
ارسال یک نظر