آمئریکا
پرئزیدئنتی باراک اوبامانین ب.م.ت-نین باش اجلاسی نین چیخیشین‌دا ایرانلا باغلی
آچیقلامالاری و قربین معتدیل پرئزیدئنت کیمی باخدیغی حسن روحانی نین ایرانین سیاسی
کورسونون یومشالا بیلمه‌سینه ایشاره ائد‌ن چیخیشین‌دان سونرا اوزمانلار ایران و آمئریکا
آراسین‌دا قارشی‌لیق‌لی علاقه‌لرین قورولماسی اوچون یئنی شرایطین یاراندیغینی قئید
ائدیر.
میتینقین تشکیلات‌چیلارین‌دان
بیری آذربایجان میللی دیرنیش حرکاتینین سؤزچوسو داوود توران آمئریکانین سسینه
موصاحیبه‌ده آکسییانین ایران‌دا آذربایجان‌لیلارین وضعیتی، آذربایجان‌لیلارین
حقوقلارینین پوزولماسی، اونلارین آنا دیلین‌ده تحصیل آلماسینا ایمکان وئریلمه‌مه‌سی
کیمی پروبلئملره دقت چکمک مقصدیله کئچیریلدیینی بیلدیریب. اونون سؤزلرینه گؤره،
آکسییا ایشتیراک‌چیلاری حسن روحانییه سئچکی کامپانییاسی زامانی آذربایجان‌لیلارا
آنا دیلین‌ده تحصیل حقوقلارینین تعمین ائدیلمه‌سی، اورمییا گؤلونون قوروماسینین قارشی‌سینین
آلینماسی ایستیقامتین‌ده فعالیت گؤستریلمه‌سیله باغلی وئردیی ودلره عمل ائتمه‌سی
اوچون بیر مئساژ وئرمه‌یه چالیشیبلار.
داوود توران بمت
باش اجلاسی نیندا ایشتیراک ائتمک اوچون نیو-یورکا گلمزدن اول پرئزیدئنت حسن
روحانینین سره‌نجامی ایله ایران‌دا اینسان حاقلاری مدافعه‌چی‌سی نسرین سوتودئ
داخیل اولماقلا ۱۱
سیاسی محبوسون آزاد ائدیلمه‌سین‌دن دانیشاراق، بو آمنیستییانین آذربایجان‌لیلارا
شامیل اولمادیغینی و عکسینه آذربایجان‌لی سیاسی محبوسلارین وضعیتینین داها دا
آغیرلاشدیغینی بیلدیریب. او، آذربایجان‌لیلارا قارشی تضییقلرین داها دا آرتدیغینی
دئیه‌رک میللی فعاللار سعید نعیمی و سالار طوری نین حبس ائدیلمه‌سی، مئهدی
کوخییانا ایشگه‌نجه وئریلمه‌سی، یئنی گاموه لیدئرلرینین ۹ ایللیک حبس جزالارینی چکمه‌سی کیمی
فاکاتلاری قئید ائدیب. داوید توران تئهران‌دا حبسخانادا جزا چکه‌ن میللی فعال و
ژورنالیست سعید متین پورین بو مدت عرضین‌ده عائله عضولریله گؤروشمک اوچون ائوه
گئتمک ایجازه‌سی آلمادیغینی خصوصی وورغولاییب.
داوود توران
پرئزیدئنت روحانینین آذربایجان‌لیلارین آنا دیلین‌ده تحصیل آلماق حقوقونون تامین
ائدیلمه‌سی ایله باغلی وئردیی وعده باخمایاراق، بونا عمل ائدجیینه اینانمادیغینی
دئییب. «لاکین سئچکی‌دن سونرا او دئدی کی، بیزیم بیر تک میللتیمیز وار، او دا
ایران میللتی‌دیر و اونون بیر دیلی وار»-دئیه داوود توران بیلدیریب. اونون
سؤزلرینه گؤره، اورمییا گؤلونون قوروماسینین قارشی‌سینین آلینماسی اوچون بیر قوروم
تشکیل ائدیل‌سه ده، هله‌لیک کونکرئت ایشلر گؤرولمه‌ییب. داوود توران حسن روحانینین
وئردیی ودلره عمل ائتمه‌سی اوچون ایران‌دا اساس‌لی دییشیک‌لیکلرین باش وئرمه‌لی
اولدوغونو قئید ائدیب.
داوود توران
ایرانین قربله یاخینلاشما ایستیینین اساس سببینین تئهرانین نووه پروقرامینی داوام
ائتدیرمه‌سی اوچون واخت قازانماق ایستیی ایله ایضاح ائدیر. اونون سؤزلرینه اساساً،
قرب و ایران آراسین‌دا موذاکیره‌لر تکجه نووه پروقرامی ایله بیتمیر، بورادا اینسان
حقوقلارینا حؤرمت ائدیلمه‌سی، ایرانین تئرروریزمی دستکله‌مه‌سی، ایرانین یاخین شرق‌ده
سیاسی پروسئسلره موداخیله ائتمه‌سی کیمی مسئله‌لر مؤوجوددور. او، قرب و ایران
آراسین‌دا اعتبارین یارادیلماسی پروسئ‌سینین اوزون سوره بیلجیینی قئید ائد‌رک،
آذربایجان‌لیلارین وضعیت‌دن آسی‌لی اولمایاراق اینسان حقوقلاری، تحصیل حاقلاری
اوغرون‌دا موباریزه‌لرینی داوام ائتدیرجیینی دئییب. «اورادا ۳۰ میلیون‌دان چوخ اینسان یاشاییر و
اونلار ایبتی‌دای حاقلارین‌دان مهروم‌دورلار، هان‌سی شرایط‌ده اولورسا-اولسون، هان‌سی
حاکمیت اولورسا-اولسون بیز بونون عملی اولماسی اوچون موجادیله‌میزی داوام
ائتدیرجییک»-دئیه داوود توران آمئریکانین سسینه بیلدیریب.
دلشاد علییارلی
هیچ نظری موجود نیست:
ارسال یک نظر