 |
| تایماز اورمولو |
ساوالان پورت : ماندلا اولدو ، آمما اونون یولو آیریم چیلیقلارلا دولو بو دونیادا هله ـ هله گتمه‌لی بیر یولدور، گونئی آزربایجان میللی حرکتی لیدرلیک قونوموندا بیر چوخ بوشلوقو وار و گرچک‌دن ماندلا کیمی بیرینین اورتا یا چیخماسینا موحتاج دیر. بویوک خبر آژانس لاری، رادیو و تلوزیون‌لار، گونده‌لیک و درگیلرین گوندمی ، فیس‌بوک و دیگر سوسیال شبکه لر ماندلانین اولوم خبری، اونون فتو شکیل‌لری ،قیسا سوزلری و اونا حصر اولونموش یازی و مقاله لر له دولوب داشماقدادیر.
گرچک دن ماندلانی بونجا انقلاب لیدرلریندن ، دئولت آدام لاریندان ، سیاست چی و اینسان حاقلاری مودافع لرین دن آییردان‌نه‌دیر ؟ ماندلادا نه وار کی دیگرلرین ده یوخدور؟ ماندلانی صدام‌دان ، خمینی‌دن ، بوش‌دان ، فیدل کاسترودان ، مائودان ، لنین دن و یوزلرجه انقلاب‌چی، باشقان و سیاست چیدن آیریدان نه دیر؟ گونئی آزربایجان میللی حرکتی تبعیض و آیریمچیلیقا وئردیی موجادیله ده ماندلا و اونا اوزگون طرزدن نه اویرنمه لیدیر و بو درسی نجه اویقولامالیدیر؟
منجه ماندلانی توم لیدرلردن آییران نوقطه اونون اینسانا باخیشی و اینسانلیق اوغرون‌دا حتی اوزونه ایشگنجه ورن اینسانلاری باغیشلاماسیدی ، اونا ۲۷ سنه زیندان ورنلری باغیشلادی، خالقینی قورشونلایانلاری ، توم شحنه لری ، قاردیانلاری و جاسوس لاری باغیشلادی . قودرتی اله آلیب سیستمی قوردوق‌دان سونرا آرخاسیندان گلنه‌یرینی وردی و بیر اخلاق لیدری اولاراق خالقینا و توم دونیا اینسانلیقینا بیر اورنک اولاراق یرینی بیلیب و قورودو.
میللی حرکت تبعیض و آیریمجیلیقا وئردیی موجادله ده بونو اورنک آلمالیدیر ، آنجاق بیزیم اینسانیمیز اوزلیک له میللی فعال دنیله‌ن اینسانلاریمیز و اوزلرین بیر رهبر کیمین گورنلرین گوندلیگی شیدت، اوفکه، ددی قودی ایله دولو اولدوقو حالدا گرچک دن بله بیر اورنگی گوز اونون ده گوره بیله جک می؟ یوخسا صاباحین گونون ده میللی حاکمیت قورولدوقوندا ماندلا دییل ده صدام لارین ، خومینی لرین ، قدافی و کاسترولارین یولو اورنک اولاراق سچیله جک دیر؟! بیزیم بو آیریلیق ، اوفکه پوسکوردن دیالوق و منم ـ منم لیق‌لریمیز بیزی هارا آپاریب چیخارداجاق دیر ؟ سیزجه میلتیمیز بیزه گونلوموزون ایسته دیی کیمین قاتیلمامالارینین بیر سببی اله بو تاوریمیز دئیل می؟
آچیق جاسی من میدان‌دا اولام میللی‌لریمیز و اونده گئدن لیدرلیق عباسین بیچه‌ن لردن چوخ گوزوم سو ایچمیر ، بلکیم سعید متین پور زیندان دان خیلاص اولوردا بیزیم گوندم‌دن ، بو اوفکه لی شیدت لی گوندمی سیله بیله جک دیر، بلکیم او بیزیم ماندلامیز اولاجاق دیر!
هر حالدا بیزیم ده ماندلامیز اولمالیدیر یوخسا بیز نه میللی قایه لریمیزه چاتا بیله جییک و نه بونجا موجادیله نین خالقیمیزا یاراری اولاجاقدیر، بو سفه رده تورکجه دانیشان آزربایجان، آزربایجان دیه‌ن بیر خومینی ، بیر علیف یا دا … بیزه حاکیم اولوب بو سفر داهادا چتین گونلره شاهید اولاجاییق.
تایماز اورمولو – آزربایجان ایشجچیلری باش رئداکتوری
هیچ نظری موجود نیست:
ارسال یک نظر