“ایران خاریجی بیر اؤلکه ایله محاربه‌یه گئدرسه، آزربایجان تورکلری ایران-ایراق ساواشین‌داکی کیمی ایران ایسلام org) ایله موصاحیبه‌ده ایران اوردوسونون حربی گوجو و اؤلکه‌نین مومکون محاربه‌یه حاضرلیغی حاقدا دانیشیب.رئسپوبلیکاسینی دستکلمه‌یه‌جک‌لر،” دئیه گونئی‌لی حربی ائکسپرت بیلدیریر.تهرانین ایمام علی حربی اونیوئرسیته سنینین مزونو، ایران اوردوسونون کئچمیش ظابطی(افسری) و آزربایجان میللی دیرنیش تشکیلاتی‌نین (آمدت) عضوو بابک چلبیانلی آمریکانین سسی (www.amerikaninsesi.
بابک چلبیانلی‌نین سؤزلرینه گؤره، ایران اوردوسو دؤولت رسمی‌لری‌نین مؤوقع لرین‌دن آسی‌لی اولمایا‌راق، خاریجی اؤلکه‌لر، او جمله‌دن آمریکانین حربی هوجومو احتیمالی ایله باغلی صحبت‌لری اولدوقجا جدی قارشیلاییر.
حربی ائکسپئرت سون ایللرده ایران اوردوسونون آسیم مئتریک ساواش قابیلیتینی یوکسلتمک ایستیقامتینده ویلایت‌لردکی اوردو سیستئمینده جدی دییشیک‌لیک‌لر آپارماقدا اولدوغونو بیلدیریر: “آسیم مئتریک ساواش حربی باخیمدان طرف‌لرین بیری چوخ گوجلو، بیری ایسه ضعیف اولدوغو زامان باش وئریر. آمریکا اوردوسو چوخ گوجلو اولدوغو اوچون، ایران اوردوسو بو نؤو ساواش اوچون حاضرلیق‌لی اولماق ایستییر… مثال اوچون، محاربه اسناسیندا، تهران و دیگر بؤلگه‌لر آراسیندا اولان رابطه کسیلدیگی تقدیرده، ویلایت‌لردکی اوردو بؤلمه‌لری‌نین مرکزه احتیاج‌لاری اولما‌دان موستقیل شکیلده ساواشا داوام ائده بیلمه‌لری اوچون بعضی دییشیک‌لیک‌لر آپاریلیر.”
ایراقلا محاربه زامانی اینقیلابی بیر فضا و خومئینی کیمی خاریزماتیک لیدئر وار ایدی. خالق یاخشی بیر حیات اوچون اومودلو ایدی. آنجاق، ایندی وضعیت دییشیب. آزربایجان تورکلری آرتیق ایرانی اؤز وطن‌لری اولا‌راق گؤرمورلر.
جناب چلبیانلی‌نین فیکرینجه، ایران حکومتی بیر خاریجی ساواشا گیرمکدن چکینسه ده، اؤلکه ایچینده بو باره‌ده معین گؤزلنتی‌نین یارانماسینی ایستییر. اونون دئدیکلرینه گؤره، بئله بیر آتموسفئر ایران ایسلام رئسپوبلیکاسینا داخی‌لی بحران‌لاری ایداره ائتمک فورستی وئرردی.
جناب چلبیانلی‌نین فیکرینجه، ایران حکومتی بیر خاریجی ساواشا گیرمکدن چکینسه ده، اؤلکه ایچینده بو باره‌ده معین گؤزلنتی‌نین یارانماسینی ایستییر. اونون دئدیکلرینه گؤره، بئله بیر آتموسفئر ایران ایسلام رئسپوبلیکاسینا داخی‌لی بحران‌لاری ایداره ائتمک فورستی وئرردی.
بیرلشمیش شتات‌لاردا موهاجیرتده یاشایان ائکسپئرت ایرانین اوزون سورن بین الخالق سانکسیالارلن نتیجه‌سی اولا‌راق یوکسک حربی قابیلیته مالیک اولدوغونا اینانمیر. اطراف دونیا‌دان تجرید اولونموش بیر دؤولت اولا‌راق ایرانین معاصر سلاح‌لارا و تئکنیکایا چیخیشی اؤتن اون ایل‌لیکلرده کیفایت قدر محدودلاشیب. بون‌دان علاوه، ایران داخیلینده کسکین ناراضیلیق‌لار، سیاسی پارچالانما، ائتنیک آزلیق‌لارین مرکزی حکومته غضبی جمعیتده روح یوکسک‌لیگینی آرا‌دان قالدیریب. بئله بیر آجینا‌جاق‌لی شرایطده جناب چلبیانلی ایرانین دؤولت اولا‌راق خاریجی ساواش قارشی‌سیندا مقاومت ائده‌جک گوجه صاحب اولدوغونو گومان ائتمیر.
“ایرانین حربی تئکنیکاسی‌نین گؤرونوشو یاخشی اولا بیلر، آنجاق قابیلیت و فونکسیا باخیمین‌دان خاریجی نومونه‌لرله موقاییسه‌ده چوخ دوشوک بیر سویه‌ده‌دیر. اوردو ایچری‌سینده ساواش روحیه‌سی مؤوجود دئییل‌دیر. ایرانین اوردوسو و اینقیلاب کئشیکچی‌لری (سئپاه) آراسیندا دا جدی ایختیلاف واردیر. آیریجا، هئچ بیر اؤلکه خالقی‌نین دستیی اولما‌دان هر هانسی ساواشی قازانا بیلمز،”-دئیه، او، سؤیلییر.
ائکسپئرت اونو دا قئید ائدیب کی، بیر واخت‌لار سککیز ایللیک ایران-ایراق محاربه‌سینده ایران طرفینده ووروشموش آزربایجان تورکلری حقوق‌لاری‌نین تاپداندیغی بیر دؤولت اوغروندا سلاحا ساریلمایا‌جاق‌لار. بو معنادا چلبیانلی ایندیکی دورومدا آزربایجان تورکلری‌نین ایران ایسلام رئسپوبلیکاسینا لویال‌لیغینی سوال آلتینا آلیر. “ایراقلا محاربه زامانی اینقیلابی بیر فضا و خومئینی کیمی خاریزماتیک
لیدئر وار ایدی. خالق یاخشی بیر حیات اوچون اومودلو ایدی. آنجاق، ایندی وضعیت دییشیب. آزربایجان تورکلری آرتیق ایرانی اؤز وطن‌لری اولا‌راق گؤرمورلر.”
هیچ نظری موجود نیست:
ارسال یک نظر