آزربایجان تورپاغی هر زامان اؤز قوینوندا یئتیشدیردیی ایگید قهر‌مانلارلا فخر ائدیب. بئله ایگیدلری بؤیودوب، قوجاغین‌دا ساخلاییب وطنیمیز، و واختی چاتاندا بو اؤولادلار همین تورپاغین کئشیین‌ده دورماغا باشلاییب. بئله قهرمان اینسانلاردان بیری ده – آزربایجان خالق جومهوریتینین ایلک حربی ناظری، آزربایجان تورپاقلارینین ائرمه‌نی داشناکلار طرفین‌دن ایشغالینین قارشی‌سینی آلدیغینا گؤره آزربایجان دئموکرات رئسپوبلیکاسی حکومتین‌ده میللی قهرمان اعلان ائدیلمیش خسرو بی علی پاشا بی اوغلو سلطانوف اولموش‌دور. بو گون اونون ۱۳۴یاشی تامام اولور.
خسرو بی سلطانوف ۱۸۷۹-جو ایلین مای آیینین ۱۰-دا ایندیکی لاچین رایونو اراضی‌سین‌ده، زنگه زور قزاسینین حاجی‌سام‌لی ناحییه‌سینین قاسیم اوشاغی اوباسین‌دا (قوردقاجی کندین‌ده) دونیایا گؤز
آچمیش‌دی. خسرو بؤیویوب آناسی بییم خانیما اوخوماق ایستدیینی بیلدیریر. بییم خانیم اوغلونون ایستیینی آتاسینا چاتدیریر. علیپاشا بی اوبالارینین ساوادلی آدامی اولان موللا خوداوئردی تانریوئردی اوغلونو چاغیریب، بالاجا خسروا گؤزل روحانی تحصیلی وئرمه‌سینی تاپشیردی. خسرو بی بئله‌جه بیر نئچه ایل موللا خوداوئردی‌دن قوران علمینی و بیر سیرا دیگر ایسلامی علملری اؤیرنیر. سونرا آتاسی اونو شوشا شهرینه، قزا مکتبینه گؤندردی. سلطان بی اؤنجه قزا مکتبین‌ده، سونرا گنجه شهرین‌ده گیمنازییادا اوخودو. اورتا تحصیلینی تاماملاییب، او دؤورون ان اونلو حربی مکتبین‌ده – اودئس‌سادا عالی طیب تحصیلی آلیر.
آچمیش‌دی. خسرو بؤیویوب آناسی بییم خانیما اوخوماق ایستدیینی بیلدیریر. بییم خانیم اوغلونون ایستیینی آتاسینا چاتدیریر. علیپاشا بی اوبالارینین ساوادلی آدامی اولان موللا خوداوئردی تانریوئردی اوغلونو چاغیریب، بالاجا خسروا گؤزل روحانی تحصیلی وئرمه‌سینی تاپشیردی. خسرو بی بئله‌جه بیر نئچه ایل موللا خوداوئردی‌دن قوران علمینی و بیر سیرا دیگر ایسلامی علملری اؤیرنیر. سونرا آتاسی اونو شوشا شهرینه، قزا مکتبینه گؤندردی. سلطان بی اؤنجه قزا مکتبین‌ده، سونرا گنجه شهرین‌ده گیمنازییادا اوخودو. اورتا تحصیلینی تاماملاییب، او دؤورون ان اونلو حربی مکتبین‌ده – اودئس‌سادا عالی طیب تحصیلی آلیر.
۱۹۱۸-جی ایلین ۲۸ مایین‌دا تیفلیس‌ده آزربایجان میللی شوراسی آدین‌دان آزربایجان خالق جومهوریتینین اعلان ائدیلمه‌سی بیاننامه‌سینه ایمضا ائد‌ن ۲۶ نفردن بیری ده خسرو بی سلطانوف اولموش‌دور. خالق جومهوریتینین همین گون تشکیل ائدیلمیش بیرینجی حکومتی کابینئتین‌ده X.Sultanov حربی ناظر تعیین ائدیلمیش‌دی. X.Sultanov زاقافقازییا سئیمینین و آزربایجان پارلامانینین عضوو اولور.
X.Sultanov ۱۹۱۹-جو ایلین ۱۵یانوارین‌دا قاراباغین گئنئرال-قوبئرناتورو تعیین ائدیلمیش‌دی. آز سونرا همین ایلین ۲۱ مارتین‌دا ائرمه‌نی-داشناک حربی دسته‌لری قاراباغا یئگانه کئچید اولان عسگران کئچیدینی ضبط ائتمیش‌دی. X.Sultanovun باش‌چی‌لیغی ایله داشناک گئنئرالی درونون حربی دسته‌لری مایین ۳۰-دا دارماداغین ائدیلدی و آزربایجان سلاح‌لی قوه‌لری خان ک‌ندی و شوشایا داخیل اولدولار.
۱۹۲۰-جی ایلین ۲۸ آپرئل تاریخین‌ده بولشئویکلر حاکمیتی قسب ائتدیک‌دن سونرا، میللتین قهرمان اوغوللارینی تعقیب ائتمه‌یه باشلادی. طبیعی کی، بو عاقیبت خسرو بی‌دن ده یان کئچمه‌دی.
۱۹۲۳-جو ایلده گئنئرال خسرو بی سلطانوفون حیاتین‌دا موهاجیرت دؤورو باشلان‌دی. او، تورکییه‌ده، ایران‌دا (۱۹۲۶)، داها سونرا فران‌سا و آلمانییادا یاشادی، آلمانییادا تیبب اونیوئرسیتئتین‌ده پروفئسسور وظیفه‌سین‌ده ایشلمیش‌دیر. بون‌دان سونرا، ۱۹۳۶-جی ایلده تورکییه‌یه قایی‌دان خسرو بی سلطانوف، ترابزون‌دا مسکونلاشمیش‌دی. خسرو بی ۱۹۴۷-جی ایلده وفات ائدیب.
کؤچورن: اؤیرنجی سسی کؤچورمه قولو
هیچ نظری موجود نیست:
ارسال یک نظر