آذربایجانین باشکندی باکیدا "گله‌جه‌یه باخیش" آدینی داشییان فوروم گرچکلشدیریلدی. چوخ ساییدا آمریکا‌لی کنگره عضوو و سناتورون قاتیلدیغی فورومدا آذربایجان و آمریکا آراسین‌داکی ایلیشکیلرین بو گونو و یارینی دانیشیلدی. پرزیدنت ایلهام علی‌یئو فورومدا، آذربایجان اولا‌راق آمریکا بیرلشمیش دؤولت‌لری‌نین استراتژیک متفیقی اولدوق‌لارینی سؤیله‌دی.
اؤرنک اولا‌راق افغانیستانی گؤسترن علی‌یئو بون‌لاری قید ائتدی: "آذربایجان عسگرلری‌نین افغانیستان‌داکی باریش عملیات‌لارینا قاتیلدیغینی اؤزللیکله وورغولاماق ایسته‌ییرم. افغانیستانا گئدن یوکون یوزده ٤۰-ی دا آذربایجان اوزرین‌دن تامین ائدیلیر و بو ان گوونلی یول ."
پرزیدنت ایلهام علی‌یئوین گوندمینده قاراباغ پروبلئمی ده واردی. "ارمنی‌لرین ایشغالچی توتومو یالنیز قاراباغی دئییل بؤلگه تهلوکه‌سیزلیگینی ده تهدید ائدیر" دئین علی‌یئو، پروبلئمین حلی اوچون قورولان و آمریکا بیرلشمیش دؤولت‌لری‌نین ده ائش‌باشقان اولدوغو آوروپا تهلوکه‌سیزلیک و امکداش‌لیق تشکیلاتی مینسک قروپونون آرا‌دان گئچن او قدر ایله باخمایا‌راق پروبلئمی هله چؤزه‌ممه‌دیگینی سؤیله‌دی.
داها سونرا آمریکا‌لی کنگره عضو‌لری و سناتورلاردان اولوشان هیات‌لرله، آذربایجان‌لی یئتکی‌لی‌لردن اولوشان هیات‌لر آراسیندا توپلانتی‌لار گرچکلشدیریلدی. اوتوروملاردا، آمریکا - آذربایجان ایلیشکی‌لری، انرژی تهلوکه‌سیزلیگی، آذربایجانین دوغو و باتی آراسین‌داکی رولو، آوراسیا تهلوکه‌سیزلیگی و امکداش‌لیق و آذربایجانین گلوبال استراتژی‌لری مؤوضوعلاری دانیشیلدی.
TRT
هیچ نظری موجود نیست:
ارسال یک نظر