آذربایجان و روسیا آراسین‌داکی گرگین‌لیک گون گئچدیکجه آرتیر. اوزمانلارا گؤره بو ایکی اؤلکه‌نین آراسینی آچان ان بؤیوک پروبلئم، روسیانین بؤلگه اؤلکه‌لرینی هم سیاسی هم ده اقتصادی باخیم‌دان تأثیر آلتینا آلماق ایستمه‌سی. موستقیل دؤولت‌لر بیرلیگی، آوراسیا بیرلیگی، آوراسیا اکونومی توپلولوغو و گؤمروک اتفاقی بو آماج دوغرولتوسوندا روسیانین دستییله قورولدو. آنجاق آذربایجان بو اولوشوم‌لارا دستک وئرمه‌دی.
خاریجی سیاستده موستقیل حرکت ائتمک ایسته‌ین باکی یؤنه‌دیمی، هر پلاتفورمدا بو و بنزر بیرلیک‌لرین ایچینده اولمایاجاغینی آچیقلادی. روسیا ایسه بو گلیشمه‌لر اوزرینه ارمنی کارتینی اورتایا قویدو. ارمنی اوردوسونا هم مادی، هم ده تکنیکی دستک وئریلدی. ارمنی عسگرلر روس‌لار طرفین‌دن ائگیتیلدی. ائله کی، ارمنی کسکین نیشانچی‌لارینا و استخبارات قروپ‌لارینا ائگیتیم وئرن روس سوبای بولوتنیکوو بیر چوخ اؤدوله لاییق گؤرولدو. گئچدیگیمیز گونلرده ایسه بولوتنیکوو، بیر آذربایجان عسگری طرفین‌دن وورولدو. روس سوبایین حیاتی تهلوکه‌سی داوام ائدیر.
روسیا، آذربایجانا قارشی اقتصادی یاپدیریم‌لار دا حیاتا گئچیردی. موسکوا رهبرلیگی، آذربایجان نفتی‌نین تورپاقلاریندان ترانزیت گئچیشینی اؤن گؤرن آنلاشمانی تک طرف‌لی لغو ائتدی. ایکی اؤلکه آراسین‌داکی آنلاشما ۱۹۹٦.جی ایلین ژانویه آییندا امضالانمیشدی. آنلاشما چرچیوه‌سینده آذربایجان نفتی، روسیا تورپاقلاریندان گئچه‌رک نوووروسیسک لیمانین‌دان دونیا بازارینا چیخیردی. آنجاق خطین باغلانمیش اولماسی‌نین آذربایجانی چوخ ائتکیله‌مه‌یه‌جگی ایفاده ائدیلیر. چونکو آذربایجان نفتی‌نین یوزده سکسنی جیهان لیمانین‌دان دونیا بازارینا چاتیر.
تی ار تی
هیچ نظری موجود نیست:
ارسال یک نظر