کیتاب‌دا ایران‌دا
یاشایان آذربایجان‌لیلار آراسین‌دا آشیق ادبیاتی و آشیق‌لیق عنعنه‌سینین گئنیش
شکیل یاییلدیغی قئید اولونور. بؤلگه‌ده یاشایان بؤیوک تورک نوفوسو گئنیش بیر سؤزلو
ادبیاتا صاحب‌دیر. اثرین گیریش حیسه‌سین‌ده ایران‌دا یاشایان تورکلر حاقین‌دا
عمومی معلومات وئردیک‌دن سونرا ایران داخیلین‌ده یاشایان آذربایجان بؤلگسیله ایلگی‌لی
جوغرافی و تاریخی بیلگیلر وئریلیر. بون‌دان باشقا اثرده رئگیونون تاریخی و مدنیتی
حاقین‌دا عمومی معلومات عکس اولونور .
قئید اولونور کی، آنادولو
و اورتا آسییا جوغرافیاسینی بیرلش‌دیره‌ن آذربایجان‌دا بؤیوک تورک مدنیتی یاشاییر.
آشیق‌لیق عنعنه‌سی حاق‌دا آراش‌دیرما آپاران متخصصلرین قئید ائتدیی کیمی آشیق‌لیق
عنعنه‌سی ایکی ساحه‌ده عینی‌دیر. آنادولو ساحه‌سین‌ده گؤردویوموز اوستا-شییرد
موناسیبتلری، ساز چالما، داستان سؤیله‌مه، آذربایجان آشیقلاری آراسین‌دا دا داها
گوچ‌لو و یایغین اولدوغو حاق‌دا نومونه‌لر وئریلیر. «شیکاری» داستانینین مثال
گؤستره‌رک، داستان سؤیله‌مه عنعنه‌سینین بؤلگه‌ده گوج‌لو اولدوغو وورغولانیر. بو
حیسه‌ده آشیقلاریمیزین موسیقی آلتلری موختلیفلیین‌دن بحث اولونور. رئگیونون مده‌نی
دورومو و آشیقلارینین توپلوم‌داکی فونک‌سییالاری باره‌ده معلوماتلار قئید اولونور.
اوچونجو حیسه‌ده آذری
آشیق شئیرین‌ده موشاهی‌ده ائدیله‌ن بعضی ژانر و نؤولرین، دؤردونجو فسیل‌ده تبریز
آشیقلارینین اوسلوب و دیل خصوصیتلری آراشدیریلیر.
سونراکی بؤلوملرده
تبریزده یاشایان آشیقلاردان و آشیقلارین شئیرلرین‌دن نومونه‌لر تدقیق اولونور.
کیتابین سون بؤلومون‌ده جنوبی آذربایجانین ان اوزون آشیق داستانی اولان «شیکاری»
داستانی تورک الیفباسی ایله ترانسلیتئراسییاسی وئریلیر. سون‌دا داستان‌داکی
موتیولر، اینسانلار و یئر آدلاری حاق‌دا معلومات وئریلیر.
قئید ائدک کی، نبی کوبوتاریان ۱۹۷۳-جو ایلده تبریز شهرین‌ده آنادان اولوب. او، ۱۹۹۹-جو ایلده تورکییه‌نین چوخورووا اونیوئرسیتئتینین «تورک دیلی
و ادبیاتی» فاکولته‌سینه داخیل اولوب. آذربایجان‌لی تدقیقات‌چی-عالیم اونیوئرسیتئت
ایللرین‌ده آپاردیغی آراش‌دیرمالار زامانی تبریز آشیق موسیقی مکتبی ایله باغلی
ماتئریاللاری اؤزونون «اوو حکایه‌لری» آدلی ایریهجم‌لی نزم و نسر اثرین‌ده توپلاییب.
ایندیدک اونون تورک فولکلورو و ادبیاتی ساحه‌سین‌ده بیر نئچه مقاله‌سی مشهور
ژورناللاردا درج ائدیلیب و بئینلخالق کونقرئسلرین موذاکیره‌سینه تقدیم اولونوب.
هیچ نظری موجود نیست:
ارسال یک نظر