ایران‌دا آذربایجان‌لی سیاسی محبوسلارینی مدافعه بیرلیگی (آداپ)
سؤزچوسونون فیکرینجه، اؤلکه‌ده فرق‌لی قروپلاردان اولان سیاسی محبوسلارا موناسیبت‌ده
بئله آیری-سئچکی‌لیک تطبیق ائدیلیر. ایرانین آذربایجان شهرلرین‌ده باش وئره‌ن یئنی
حبسلر و میللی فعاللارا قارشی چیخاریلان حؤکملر حاق‌دا آمئریکانین سسینه موصاحیبه
وئره‌ن واحید قاراباغلی همچینین اصلاحات‌چیلارین دستکلدیی مؤتدیل سیاست‌چی حسن
روحانینین ایران‌دا پرئزیدئنت سئچیلمه‌سینین سیاسی محبوسلار و اینسان حاقلاری ایله
باغلی دورومونا تأثیری حاق‌دا فیکیرلری ایله بؤلوشوب.
او، همچینین آذربایجان رئسپوبلیکاسی وطنداشی ادبیات‌چی خالی‌ده
خالیدین حبسی ایله الاقدار توتولان محمد رشیدینین (اوختای) ۱۰۰ میلیون تومه‌ن‌لیک زمانت
قارشیلیغین‌دا موقتی اولاراق آزادلیغا بوراخیلماسینی، آنجاق همین مسئله ایله باغلی
حبس ائدیله‌ن یازار و شاعر ایلقار موززینزادنین هله ده تبریز زین‌دانین‌دا
ساخلاندیغینی بیلدیریب. جناب مؤذن‌زاده تقریباً ۵۰ گون ائتتئلاات هبسخاناسین‌دا
کئچیردیک‌دن سونرا تبریزین مرکزی زین‌دانینا گؤندریلیب.
تبریز زین‌دانینا آپاریلان دیگر میللی فعال ایسه زنجان‌لی
مئهرداد کره‌می‌دیر. او، زین‌دان‌دا داها اول محکوم اولدوغو بیر ایل حبس مدتینی
کئچیره‌جک‌دیر.
جناب قاراباغلی ایرانین پرئزیدئنت سئچکیلرین‌دن سونرا
تبریزده نظارت آلتینا آلینان آرش محمدینین تهلوکه‌سیزلیک مأمورلاری طرفین‌دن ایچگه‌نجه‌یه
معروض قالدیغی باره‌ده خبرلر یاییلدیغینی قئید ائدیب.
آداپپ سؤزچوسو ایرانین خوزیستان ویلایتینه سورگون ائدیله‌ن
تبریزلی میللی فعال فردین مورادپورون بیر ایل سورگون‌ده یاشاماق حؤکمونون لغو
ائدیلدیی ایله باغلی یاییلان خبرلری تصدیق ائدیب.
حقوق مدافعه‌چی‌سی ایرانین یئنی پرئزیدئنتی حسن روحانینین
سیاسی مهبوسلارین آزادلیغینا دایر وئردیی سؤزلره گؤره فیکیرلرینی آمئریکانین سسی
ایله بؤلوشوب.
«جناب روحانی گله‌جک بیر ایلین ایچین‌ده بعضی سیاسی مهبوسلار،
او جمله‌دن، ۲۰۰۹-جو
ایل پرئزیدئنت سئچکیلرین‌دن سونرا توتولانلارین آزادلیغا بوراخیلاجاغی احتیمالین‌دان
دانیشیب. آنجاق بونا دا دقت ائتمک لازیم‌دیر کی، ایران زین‌دانلارین‌دا ائتنیک و
دینیز آزلیقلار، قادین حقوقلاری فعاللاری، وکیللر و اؤیرنجیلر کیمی بیر چوخ گئنیش
و فرق‌لی قروپلاردان اولان اقی‌ده مهبوسلاری واردیر. حسن روحانینین بوتون بو سیاسی
مهبوسلار یا ساده‌جه اصلاحات‌چی مهبوسلاردان دانیشدیغی بل‌لی دئییل،»- دئیه او
سؤیله‌ییب.
واحید قاراباغلی نین سؤزلرینه گؤره، ایران‌دا سیاسی مهبوسلار
مسئله‌سین‌ده بئله آیری-سئچکی‌لیکلر تطبیق ائدیلیر: «مثال اوچون سککیز ایللیک حبس
مدتینی تئهرانین ائوین زین‌دانین‌دا چکمک‌ده اولان زنجان‌لی ژورنالیست و حقوق
مدافعه‌چی‌سی سید متینپورا، دؤرد ایلده‌ن آرتیق‌دیر حبس‌ده اولماسینا باخمایاراق،
بیر گون بئله مزونیت وئریلممیش‌دیر. اما بیز اصلاحات‌چی و اونلارا یاخین اولان
سیاسی مهبوسلارین زامان زامان ماذونیته گئتدیکلرینی گؤروروک.»
هیچ نظری موجود نیست:
ارسال یک نظر