اوخوللارین آچیلیش گونو - آزربایجان ایشچیلری آدینا آچیق سوز

بیر مهر ایران دا مدرسه لر یا اوخوللارین آچیلیش گونو عینی حالدا هم خیرداجا اوشاقلار اوچون و هم اونلارین آتا آنا لاری اوچون اهمیت لی عاینی حالدا خاطیره لی ، بیر طرف دن سئویندیریجی اوبور طرف دن کدرلییجی بیر گون دور. بیر طرف دن عیلیم و ادبیات پنجره سین آچیر اوبور طرف دن اسارت بویون دوروغون اینسانلارین بوینونا سالیر. فارس اولمیان اوشاقلار اویرنجی اوشاقلارین جوخونلوقون تشکیل وریر و بونلارین بیر چوخو فارسجانی باشا دوشمه دیک لری اوچون درسدن نفرت المیه باشلاییب ، سیستان بلوچیستان کیمی کاسیب یولگه لرده مدرسیه گتمه ک دن واز گچیب ،اوزون وادیده بولگه نین داهادا یوخسول اولماسینا زمین یارادیرلار.

آزربایجان کیمی بولگه لرده  بیر چوخ آتا آنا اوشاقلارینین تحصیلی اوچون آنا دیلین دن واز گچیرلر بودا ینه اوزون وادیده بولگه نین هویت سیزلیق و تحصیل آلمیش اینسانلارینین وطن لرینه تعصوبسیزلاشماقا سوروک لور ،بو سفر وطن هم یوخسول ،هم اسیر اولوب مستعمره کیمین ایداره اولونور. هر حالدا آسیمیلاسیون و الیناسیون پروسس لری مدرسه لردن باشلانیب اینسان لاری بویون دوروق آلتیندا یاشاماقا عادت وریر.

بوگون بیر مهر و مدرسه یا اوخوللارین آچیلیشی بایرام کیمین یوخ بلکه میللی یاس کیمین توتولمالیدیر. عینی زامان بولگه میزین طبیعتی تمامن محو اولماق دا ،دیگر طرف دن تاریخی بینالاریمیز ییخیلماقدا و سیاسی آنلام دا گون به گون خالقیمیزین پایی آزالیب و اوبور میلت لرین قاباغینا چکیلمه ک ده دیر. غربی آزربایجانی باشقا میلته پشکش ائدیرلر آمما بیزیم اوشاقلار اوخوللاردا اوزگه دیلین اوخویوب اوز ماراخلاری یرینه باشقا بیر میلتین دیه رله رین اویرنیب هم کیملیک لرین دن و هم میللی ماراخلارین دان بیگانه لشیب وطن سئوگیسین دن یوخسون بیراخیلیرلار.

بیر مهر گونون آزربایجان ایشچیلری آدینا خالقیمیزا بایرام کیمی یوخ بلکه میللی بیر فاجعه کیمی تسلیت دییب آرزی ائدیریک اینسانلاریمیز ائولرینده اوز دیل و عنعنه لرین اوشاقلارینا اویره دیب  ،وطن سئوگیسی نه دیر ،اویرتمه یه چالیشسینلار.

تایماز اورمولو - آزربایجان ایشچیلری رئداکتوری