ساوالان پورت : اورتاق دیل، دین، تاریخ، کولتور و دگرلر، تورک اؤلکه‌لرین امکداش‌لیق شوراسی‌نین یارادیلماسینا یول آچدی.
شورانین، آلت تشکیلاتی اولان تورک دونیاسی آغ ساققاللار شوراسی باکیدا توپلاندی. شورادا اؤنملی قرارلار آلیندی.
هدف گوج‌لو بیر تورک دونیاسی میدانا گتیرمک ایدی. چابالار نتیجه‌سیز قالمادی، اؤنجه تورکیه، آذربایجان، قازاقیستان و قیرقیزیستانین قاتیلیمی ایله تورک شوراسی یارادیلدی.
شورانی داها دا گوج‌لو ائتمک اوچون آلت کومیسیونلار قورولدو. بونلاردان بیری ده آغ ساققاللار شوراسی. شورا عضو‌لری هر اؤلکه‌نین ان سایقین و قونوسوندا اوزمان آدلاردان یارادیلدی.
بورادا آلینان قرارلاری دا پرزیدنت باش یازمانی و تورکیه‌نین آغ ساققاللار شوراسی عضوو مصطفی ایسن آچیقلادی. مصطفی ایسن، "اؤزللیکله اورتا اؤگرتیم قوروملاری اوچون تورک دونیاسی تاریخ کیتاب‌لاری‌نین الدن گئچیریلمه‌سی و بو معنادا بیر مشترک دونیاگؤروشونه چاتدیریلماسی نقطه‌سینده ایش ائدیله‌جک.
دؤنر دؤنمز ایلگیلی اؤلکه‌لرین کومیسیونلاری توپلانا‌جاق" شکلینده دانیشدی. آلینان قرارلار بونونلا سینیرلی دئییل. آیریجا، دونیا میراث لیسته‌‌سی اوچون تورک اثرلری بلیرلنه‌جک، تورک آکادمیسی و تورک دونیاسی اورتاق تلویزیونو قورولا‌جاق، اونیورسیته‌‌لر آراسی بیرلیک ایشلری سرعتلن‌دیریله‌جک. تورک دونیاسی اؤدولو اولوشدورولاجاق.
قایناق : ت رت
هیچ نظری موجود نیست:
ارسال یک نظر