بو گونلر بئینیمده رژه گئدیر قونولار. فقط هئچ بیریسینی یازماغا بیر گرک
دویماییرام. او قونولاردان بیریسی مثلا: حداد عادل تورکجه‌نین ائولرده قونوشماغینی
یئترلی بیلیب‌دیر. بورادا چوخ ایلگینج بیر اولایلا راستلاشیریق و کیمسه بونا دیققت
یئتیرمه‌ییر. بیز بیر قرنه یاخین تهران‌لا اؤزنه (نهاد، مبتدا) اوزرینده دارتیشدیق
و هئچ زامان "یوکلم"ـه (گزاره) نؤوبت چاتمادی. ایندی اؤزنه (تورکجه)
تثبیت اولوب و اونون اوخونوب اوخونماماسی اوزرینده (یوکلم اوزرینده) دارتیشیلیر.
حداد بیلمه‌دن بیزیم باشاریمیزدان سؤز آچیر تبریزده.او قونولاردان بیریسی: مشائی‌نین سؤیلمی نییه یاشیل کسیمینین ماراغینی چکمه‌ییر. منجه مشائی قوتسال نسنه‌یه یا نسنه‌لره دایانیر. میللتچی‌لیک یا انتظار یا فالچی‌لیق و ... هامیسی قوتسال نسنه‌لردیر. بو نسنه‌لر پائولو کوئلیونو بیر اونلو یازارا چئویرسه ده، آنجاق مشروطه نیسگیلینده قالان ایرانین اورتا طبقه‌سینی هئچ زامان اؤزونه دوغرو چکه بیلمه‌یه‌جک.
هله بورادا باشقا سورونلاردا واردیر. میللتچی‌لیک ایرانین یئمیش فایزینا - فارس اولمایانلارا - و اانتظار مسئله‌سی ایسه اهل تسنن بؤلگه‌لرینه آیقیری بیر سؤیلم‌دیر.
او قونولاردان باشقاسی: بو سئچیم‌لرده خرده گفتمانلار - تورکجه‌سینی بیلمیرم بلکه کیچیک سؤیلم‌لره، یا حاشیه سؤیلم‌لره- بورا کیمی یئر وئریلمه‌ییب‌دیر. بو اولدوقجا نظامین اؤزونه ده خطرلی اولا بیلر منجه. باشقا میللت‌لرده سوسوبلار ایندی. بورا کیمی یالنیز دوکتور بادامچی‌دان بیر یازی گؤردوم بیر بالاجا مسئله‌یه اشاره ائتمیشدی. نسه دوکتور به‌یین یازیسیندا تایپی یانلیشقلار بتر چوخودو.
حیدر
بیات فئیس بوک صحیفه سی
هیچ نظری موجود نیست:
ارسال یک نظر