«اوکراینا عالی
راداسین‌دا قئیدیاتا آلینان «ائرمه‌نی سویقیری‌می» حاقین‌دا لاییحه قبول
اولونمایاجاق. قبول اولون‌سا بئله، دوشونوره‌م کی، پرئزیدئنتین بونو ایمضالاماماغا
ایراده‌سی چاتاجاق». بو سؤزلری آپا-یا آچیقلاماسین‌دا اوکراینا عالی راداسینین
موخالیفت‌چی «باتکیوشینا» (وطن) فراک‌سییاسین‌دان اولان عضوو، کریم تاتارلارینین
لیدئری مصطفی جمیل دئییب.
او بیلدیریب کی، بئله بیر قتنامه
لاییحه‌سینین حاضرلانماسی دوشونولممیش و اساسلاندیریلمامیش بیر آددیم‌دیر: «ائرمه‌نی
سویقیری‌می باره‌ده دانیشیریق‌سا، بونونلا باغلی الده حقوقی اساس اولمالی‌دیر.
نئجه کی، یهودیلرین سویقیری‌می، یاخود، روان‌دادا باش وئره‌ن کوتلوی قتللرله باغلی
بئله اولوب. لاکین ۱۹۱۵-جی ایلده باش وئره‌ن
حادثه‌لرله الاقدار محکمه فیلان اولماییب، آپاریلان علمی آراش‌دیرمالار نتیجه
وئرمه‌ییب. اگر بئله‌دیرسه، او زامان خوجالی‌دا تؤردیلمیش سویقیریملا باغلی دا
قرار قبول ائتمک لازیم‌دیر».
م. جمیل لاییحه‌نین مؤلفلرینین «بو سندین
قبولونون اوکراینانین یاریم میلیونلوق ائرمه‌نی اهالی‌سینی سئویندیرجیی» ایله
باغلی فیکیرلرینه اعتراض ائدیب: «بیلمیرم بو، اونلاری نئجه سئوین‌دیره بیلر.
اوکراینادا یاریم میلیون یوخ، جمعی ۴۰ مین
ائرمه‌نی یاشاییر. عینی زامان‌دا اوکراینادا ائرمه‌نیلردن قات-قات آرتیق سای‌دا
تورکدیل‌لی خالقلار یاشاییر. لاییحه مؤلفلری آنلامالیدیرلار کی، لاییحه‌نین قبولو
هان‌سی تهلوکه‌لی حادثه‌لره گتیریب چیخاراجاق. اوکراینانین آذربایجانلا، تورکییه و
دیگر تورکدیل‌لی اؤلکه‌لری ایله علاقه‌لری کورلانا بیلر. بئله بیر قراری قبول
ائتمزدن اؤنجه حاکمیت بو آددی‌می یاخشیجا دوشونمه‌لی‌دیر». آلی رادانین عضوو بیان
ائدیب کی، لاییحه‌نین مؤلفلرین‌دن بیری اولان آرسئن آواکوو اونونلا عینی فراک‌سییادا
(«باتکیوشینا») تمثیل اولدوغون‌دان، اونونلا دانیشیقلار آپاراجاق: «بیل‌دیره‌جه‌یه‌م
کی، بو آددیم قبولئدیلمزدیر. اگر فراک‌سییا بئله بیر قراری دستکله‌سه، من بو فراک‌سییادا
قالا بیلمره‌م. عینی زامان‌دا دیگر دئپوتاتلارلا صحبت ائدیب بیلدیرجییک کی، بو
آددیم اوکراینانین خاریجی سیاستینه زربه ووراجاق».
م. جمیل قئید ائدیب کی، اوکراینادا
یاشایان تاتارلار دا مسئله‌یه اؤز اعتراضلارینی بیل‌دیره‌جکلر: «ان آزی دیگر
تورکدیل‌لی خالقلارلا بیرگه فعالیت نتیجه‌سین‌ده چوخ شئیه نایل اولماق اولار.
بیزیم اوکراینا آذربایجان‌لیلاری کونقرئ‌سی و اونون رهبری رؤوشه‌ن تاغییئوله یاخشی
علاقه‌لریمیز وار. بیرگه ایشلرین کووردیناسییاسی اوچون سیلر گؤستریلمه‌لی‌دیر،
خصوصیله اگر مسئله‌لر بوتون تورکدیل‌لی خالقلارا عاییددیرسه، داها فعال اولماق
لازیم‌دیر. تشکیلاتلار آراسین‌دا علاقه‌لری سیخلاش‌دیرماق اوچون تئز-تئز گؤروشمک
لازیم‌دیر و اؤز ماراقلاریمیزی قوروماق اوچون بیرگه آددیملار آتمالیییق». م. جمیل
اونو دا علاوه ائدیب کی، اگر لاییحه قبول ائدیلرسه، تورکدیل‌لی خالقلارین بیرگه
کوتلوی آکسییاسی استثنا اولونمور.
هیچ نظری موجود نیست:
ارسال یک نظر