و بئله كئچدي زامان
قوشلارين سسيني دينله ديك بيرگه
دووارلار يازديق
پوليس لر اليندن قاچديق
سئويگيمز دن دانيشديق
بير ده اوره ييميزده كي يارادان
بيتمه يين توكه ن مه ين وطن دردين دن
شئعير لر يازديق شارقي لار دينله ديك
حوزون چؤكدو گئجه له ريميزه
كافه لرده اوتوردوق
نه گؤزه لدي خياللاريميز
سني بير سحر توتدولار
شهر اوشودو
شهر يئتيم قالدي
آلتي آيليق آيريليق وئرديلر
گئنه كوچه لر سسيني قيسدي
تارلالاردا سونبوللر باشيني قالديرانمادي
و سن گئتدين
دووارلار داريخدي
بيرده من......!
هیچ نظری موجود نیست:
ارسال یک نظر