خیال؛ اینسانی دویغو اولماسینین یانی سیرا، اینساللیغا حیات بویو یاراتما و وارلیغینی سوردورمه گوجو وئرمیشدیر. خیالسیز اینسان، اؤلو اینساندیر دئیرلر. اؤزگورلوک ایسه، اینسانی بیر گرکلیلیک اولماسینین یانی سیرا، مدرن توپلومسال دوزنین آیریلماز بیر پارچاسیدیر. اویسا منیم خیالیم دا، اؤزگورلوگوم ده، خیالیمداکی اؤزگورلوک ده بونلاردان فرقلیدیر. یالنیزلیق، خیالیمداکی اؤزگورلوگون آنلاملی سؤزجویودور.
اونا گؤره، سیاست دیشی حیاتیم بو اوچ سؤزجوک آراسیندا کئچیر. گیزله دیگیم حیات. سیزلردن، یاخینلامیدان و اؤزومدن بئله آراسیرا گیزلدیگیم حیات. آما منه یاشاما گوجو وئرن یاشام پارچامدیر او حیاتیم. اینسان بؤیودوکجه، چالیشدیقجا و حرکتلره قاریشدیقجا، اؤزونون اولمور، حرکتین و او توپلومون بیر مالی حالینا گلیر. جان بودریلارد دئمیشکن؛ گرچک اولماقدان چیخیب، توپلومون بیر کؤلگه سی حالینا گلیر مدرن چاغین اینسانی. ائله اوندادیر کی من ده او یاشامیمی اؤزومدن بئله گیزلدیرم.
یاراتماقدیر بعضن یاشاماق. یاراتدیغی قدر وارسان حیاتین ایچینده و سونراسیندا. اویسا اولادیغین قدر وارلیغینی گؤرن بیر حرکتین ایچینده سن. سسین نه قدر یوکسک چیخارسا، نه قدر افترا آتارسان او قدر وارسان... اویسا سسیزلیگینله واراولابیلمه گی خیال ائتمیشدین سن ... سسیز اینسان یوخ اینساندیر دئییرلر... آما سس-کوی اولارسا سن نئجه یاراداجاقسان... نئجه دوغاجاقسان اوز درینلیکلیرنده... اؤز ایچینده دوغمایان اینسان، دوغوم سانجیسی یاشامایان اینسان، نئجه اورتیم اوزرینه قورولان حیاتین فلسفه سین آنلایاجاق کی...
و بوگون بلکه بیزیم اؤزوموزه دؤنمه و یئنی دن اؤزوموزو یاراداراق، حرکتیمزه اولان اینانجیمیزی بیر داها سورغولامامایز زامانیدیر. اؤزگورلوگه اولان ایناجیمیزی اؤزموزدن سوروشوب، نه اوچون مجادله ائتدیگیمیزی دوشونمک واختیدیر. چونکو، اوغرونا مجادله ائتدیگیمیز یورد، ان حساس گونلرینی یاشارکن بیز اؤزگورلوگوموزو اؤزوموزده دوستاق ائدیریک. حیاتی، مجادله وئررک آنلام وئردیگیمیز یاشانتیمیزدا اؤز مجادله میزی یوخ ائدیریک.
ایلک آددیمی اونوتمایاجاقسان. اؤزگورلوک ساواشچیشی ایده آلیندن جایدیغیندا؛ اؤزونله، اطرافینلا آتیشاجاقسان. چونکو اؤزگو واراولما سسبلرینی ایتیریسن. اونلاری یارادامادیغین و سورکلیلک قازاندیرمادیغین اوچون کئچیسی تومجه لرله گونونو باش ائدجکسن. نه اوچون آددیم اتدیغینی اونوتدوغون آن، سن اؤزگور اولمایاجاقسان. اولدوغون توپلومون و قروپون ایچینده ارییه جکسن. ایلک آددیمینی اونوتان سونراکی آدیملارینی دئچه آتاجاغینی بیله مز...
بیزه سونولان ایمکانلاری بیزی هدفه دوغرو دئییل، اؤزوموزو یوخ ائتمک اوچون قوللانیلیر. سوسیال شبکه لر دونیادا دئوریملر یارادیرکن، بیز ده اؤز ایچیمیزده داغینیقلیقلار یارادار. چونکو ایلک آددیمی اونوتدوغون اوچون، نه یه گؤره مجادله ائتدیگینی ده اونودارسان...
تنهالیق اؤزگورلوگونو اونوتمایاجاقسان. چونکو او سنین فردیتیندیر. فردیتینی ایتیریرسن اگر، سن تکجه بیر آلت اولاجاقسان. چونکو سن آرتیق اؤزگور دئییلسن. تنها اولمادیغینی دوشونورسن. سسینه گیزلی سسلر سس وئرجک و جسارت ده. اویسا سن تکجه کؤلگه لره ساواشیسان. بلکه ده اؤز کؤلگن ایله...
نوت: سوسیال شبکه فیس بوک آدرئسیمی دوندوردوغوم اوچون، دوستلار davuturan@gmail.com ایمیلی ایله ارتیباط قورابیلرلر.
یاراتماقدیر بعضن یاشاماق. یاراتدیغی قدر وارسان حیاتین ایچینده و سونراسیندا. اویسا اولادیغین قدر وارلیغینی گؤرن بیر حرکتین ایچینده سن. سسین نه قدر یوکسک چیخارسا، نه قدر افترا آتارسان او قدر وارسان... اویسا سسیزلیگینله واراولابیلمه گی خیال ائتمیشدین سن ... سسیز اینسان یوخ اینساندیر دئییرلر... آما سس-کوی اولارسا سن نئجه یاراداجاقسان... نئجه دوغاجاقسان اوز درینلیکلیرنده... اؤز ایچینده دوغمایان اینسان، دوغوم سانجیسی یاشامایان اینسان، نئجه اورتیم اوزرینه قورولان حیاتین فلسفه سین آنلایاجاق کی...
و بوگون بلکه بیزیم اؤزوموزه دؤنمه و یئنی دن اؤزوموزو یاراداراق، حرکتیمزه اولان اینانجیمیزی بیر داها سورغولامامایز زامانیدیر. اؤزگورلوگه اولان ایناجیمیزی اؤزموزدن سوروشوب، نه اوچون مجادله ائتدیگیمیزی دوشونمک واختیدیر. چونکو، اوغرونا مجادله ائتدیگیمیز یورد، ان حساس گونلرینی یاشارکن بیز اؤزگورلوگوموزو اؤزوموزده دوستاق ائدیریک. حیاتی، مجادله وئررک آنلام وئردیگیمیز یاشانتیمیزدا اؤز مجادله میزی یوخ ائدیریک.
ایلک آددیمی اونوتمایاجاقسان. اؤزگورلوک ساواشچیشی ایده آلیندن جایدیغیندا؛ اؤزونله، اطرافینلا آتیشاجاقسان. چونکو اؤزگو واراولما سسبلرینی ایتیریسن. اونلاری یارادامادیغین و سورکلیلک قازاندیرمادیغین اوچون کئچیسی تومجه لرله گونونو باش ائدجکسن. نه اوچون آددیم اتدیغینی اونوتدوغون آن، سن اؤزگور اولمایاجاقسان. اولدوغون توپلومون و قروپون ایچینده ارییه جکسن. ایلک آددیمینی اونوتان سونراکی آدیملارینی دئچه آتاجاغینی بیله مز...
بیزه سونولان ایمکانلاری بیزی هدفه دوغرو دئییل، اؤزوموزو یوخ ائتمک اوچون قوللانیلیر. سوسیال شبکه لر دونیادا دئوریملر یارادیرکن، بیز ده اؤز ایچیمیزده داغینیقلیقلار یارادار. چونکو ایلک آددیمی اونوتدوغون اوچون، نه یه گؤره مجادله ائتدیگینی ده اونودارسان...
تنهالیق اؤزگورلوگونو اونوتمایاجاقسان. چونکو او سنین فردیتیندیر. فردیتینی ایتیریرسن اگر، سن تکجه بیر آلت اولاجاقسان. چونکو سن آرتیق اؤزگور دئییلسن. تنها اولمادیغینی دوشونورسن. سسینه گیزلی سسلر سس وئرجک و جسارت ده. اویسا سن تکجه کؤلگه لره ساواشیسان. بلکه ده اؤز کؤلگن ایله...
نوت: سوسیال شبکه فیس بوک آدرئسیمی دوندوردوغوم اوچون، دوستلار davuturan@gmail.com ایمیلی ایله ارتیباط قورابیلرلر.
هیچ نظری موجود نیست:
ارسال یک نظر