ساوالان پورت : خانيم عزيزپورون "منه بير کوچه باغيشلا" آدلي سون کيتابي آذربايجان رئسپوبليکاسي يازيچيلار بيرليگينين گونئي آذربايجان شؤعبه سينين تشببوسو ايله باکيدا نشر اولونوب.
"منه بير کوچه باغيشلا"دان اول ايسه اونون "سو پيچيلتيسي" شعر مجموعه‌سي آذربايجان رئسپوبليکاسيندا چاپ اولونوب. بو ايکي کيتابدا اونون ايراندا چاپينا ايجازه وئريلمه‌يه ن شعرلري توپلانيب. عئيني زاماندا، خانيم عزيزپورون"ياغمور" ،"دمير سئوگي" ،"ياساق دويغولار" ،"14 قلم بعضاًميش آي" ،"گؤي گؤز تانري" شعر مجموعه‌لري و "آغ گئجه" هئکايه‌لري ايراندا نشر اولونوب.
مليحه خانيم 1979-جو ايلده ايران آذربايجانينين اهر شهرينده آنادان اولوب. تبريزده بويا-باشا چاتيب و پسيخولوگييا ساحه سينده ماگيستر درجه‌سي (يوکسک ليسانس)اليب. او، 17 ياشيندان شعر يازير، 13 کيتاب مؤليفيدير. مليحه عزيزپور شاعيرليکله ياناشي تبريزده نشر اولان مطبوعاتين بؤيوک اکثريتينده يازيلارلا چيخيش ائديب.قزئتلرله برابر "عصري آزادي" ،"مهر بيناب" ،"اهرار" ،"اولدوز" ،"آسان" ،"نسيمي قاراداغ" ،"آفتاب آذربايجان" و "آوايي میشوو" آدلي هفته‌ليک نشرلرده ده يازيلار درج ائتديريب.
شاعيره مليحه عزيزپور "آمئريکانين سسي" راديوسونون آذربايجان خيدمتينين "هاراي" پروقرامينين قوناغيدير.
او "منه بير کوچه باغيشلا" شعرلر کيتابينين نشري ايله باغلي بيلديريب کي،شعرلرين ياريدان چوخو ايراندا نشره ايزين آلمايان اثرلردير. "باکيدا چاپ اولونان بيرينجي کيتابيمداکي شعرلريمين ده ايراندا نشرينه ايجازه وئريلمه‌ميشدي. بو کيتابيم ايرانا آپاريلارکن سرحدده موصاديره ائديلدي".
مليحه خانيمين فيکرينجه، شعر اينسانين حيات و ياشاييشينين آيناسيدير. "اينسان دا عدالت، حسرت، عوصيان و محبت کيمي هيسلر وار و منيم ده شعرلريمده بونلارين يئري وار. شعرلريم گونئي آذربايجاني ترننوم ائدير. بو شعرلر گونئيده‌کي آجي حيس لر" ،"وطنپرورليک و عوصيان" هاراييدير. "منيم شعرلريمين بؤيوک حرفي محض وطندير".
شاعير قيسا يازيلاريني "کيبريتي هئکايه‌لر" آدلاديرير.
"قارتال
قفس آرخاسيندان باخير
هاوادا اوچان
ميلچکلره ..."
او، ديگر قيسا شعرينده دئيير:
"بارماقلاريني کسديلر
اولدو شاعير ...
اورگينده قالميشدي
سؤزلري ..."
مليحه خانيم ايران آذربايجانينداکي ادبي جريانلاردان دا دانيشيب.اونون فيکرينجه، حاضيردا "گونئي آذربايجاندا" "ديره‌نيش ادبياتي" اينکيشافدادير. "گونئي اديبلرينين اثرلرينده بيرينجي مؤوزو وطندير. بوندان سونرا آزادليق، نارازيليقلاردان دوغان داخيلي عوصيان حيس اي، موستقيلليک و عدالت کيمي مؤوزولار سيرالانير".
خانيم عزيزپورون باخيشينا گؤر، کئچميش اديبلرين مؤوزولاري يئني نسيلدن فرقله‌نير. "کلاسسيکلرين اثرلري داها چوخ محبت مؤوزوسونو عکس ائتديرير. آما، ايراندا ايسلام اينقيلابيندان سونرا و 1990-جي ايلدن باشلاياراق ادبياتين اساس مؤوزوسو عوصيان و وطن سئوگيسيدير. جنوبي آذربايجان ادبياتي مؤوجود دورومدان نارازيليغين گؤستريجيسيدير".
آذربايجان رئسپوبليکاسينداکي ادبي موحيطله جنوبي آذربايجان ادبي موحيطي آراسيندا اوخشار و فرقلي جهتلر مؤوجوددور. "البتته قاراباغ، آذربايجان اراضيلرينين ايشغالي، خوجالي حاديثه لري، 20 يانوارمؤوزوسو جنوبي آذربايجان ادبياتينين دا آپاريجي مؤوزولاريدير. آذربايجان رئسپوبليکاسي ادبياتيندا دا جنوبي آذربايجاندا موباريز، ايرانداکي آغير دوروم عکس اولونور. آما، ايراندا آذربايجان ديلينده تحصيل اولماديغيندان، بورادا آذربايجان ادبي ديلي آخسايير. آنجاق بو وضعيتي آذربايجان رئسپوبليکاسيندا باشا دوشورلر و تنقيد ائديلمير".
بونونلا ياناشي، مليحه خانيم حساب ائدير کي، ايران آذربايجانلي شاعير و يازارلارين مؤوزولاري مفهوم و آنلاييش باخيميندان داها گئنيش و داها دريندير. "مثلا، آذربايجان رئسپوبليکاسيندا شاعير خوشبختليگي کارتوفونقيزارما قوخوسوندا گؤرورس، گونئي شاعيرينين خوشبختليگي "آزادليق"ياشاماقداعوصياندادير". او سؤيله‌يير کي،ه‌دهبي ديل قوزئيلي (ازربايجان رئسپوبليکاسي) شاعيرينين الينده موم کيميديربو ديلده تحصيل و هر نؤو آزادليغي اولدوغونا گؤره اونون اوزرينده آرزو ائله‌ديگي کيمي ايشلگيم اونا شکيل وئره بيلير، اونويسته‌ديگي کيمي فورمالاشديرا بيلير، گونئيده (جنوبي آذربايجان) بو چتيندير، آما اثرلرده ايشلنن مؤوزولار، اونلارين مضمونو داها چوخ اينکيشاف ائديب.
آذربايجان رئسپوبليکاسينين شعرينده ايران آذربايجانينين اينديکي دورومو کيفايت قدر يئر آلمير. "آذربايجان رئسپوبليکاسيندا ايراندا ياشايان آذربايجانليلارين مؤوجود آغير دورومونا يئر وئريلير، آما بو کيفايت قدر يئترلي دئييل. مثلا، اورمو گؤلو حاديثه لري زاماني گؤزله‌ديگيميز قدر اثرلر چاپ ائديلمه‌دي، يازيلمادي. ندنسه قوزئي مطبوعاتي گونئيه کيفايت قدر يئر وئرمير. بونون عکسين، قوزئيده اوز وئرن کيچيک مؤوزويا بئله گونئيده بؤيوک رئاکسييا وار" ،- دئيه او قئيد ائديب.
هیچ نظری موجود نیست:
ارسال یک نظر