ساوالان پورت : 1ـ تخریباتی نئجه تعریف ائدیرسینیز؟ تنقیدله تخریباتین فرقی ندیر؟
تخریب سؤز آنلامیندا پوزماق،ایشدن سالماق،داغیتماق و ... دئمکدیر.
تخریب یانی استونلوکلری گورمه مک،امتیارلاری دانماق،یاخشیلیقلاری وگؤزه چارپانلاری قبول ائتمه مک، ضعفلری و اینجلیکلری آبارتماق دئمکدیر. تخریب سوزلوگو سوسیولوژی آلانیندا فردلره،شخصیتلره ،اورگوت و قوروملارا یونه لیک قارشی بیز آشاغلایجی باخیش، اندیرمک،گؤزدن سالماق،حقارت،قارایاخما،افتیرا ،تحقیر ائتمک و... ان اسکی پیسخولوژیک ساواش و اوپراسیون متوددلاریندان بیری ساییلیر.
تنقید و ائلشدیری بیر اؤلچک دئمکدیر یانی اینسان پیسلری و یاخشیلاری هر ایکیسینده گوروب و اونلاری یئکونلاشدیریب و اینصافلا موقایسه ائده ،باشقا بیر ایفاده ایله ائلشدیرمک بو دئمکدیرکی اینسان دوشونرک ضعف و گوج نقطه لرین بیر بیریله آغیر یونگول ائدیب قارانلیق قیسملری، اینجلیکلری بللی ائدیب سونرا اونلاری گوجلندیرمگه چابا گوسترسین. یوخسا بیرشخصین و یا بیر قورومون ساده ضعف نوقطه لرین و نقصانلارین دئمک چوخدا چتین بیر ایش دئیل. دونیادا هئچ کیم و قوروم قورولوش مطلق یاخشی و یا پیس دئیل.
ائلشدیری پوزتیوو (مثبت) اولورسا کسین یارارلی اولابیلر یوخسا تخریبه و دوشونجه اؤزگولوگونه، دئموکراسییا و اینسان حاقلارینا آیقیری بیر توتوما یول وئره بیلر.منه گوره هر بیر پوزتیو باخیشدا یارار وار.
باشقا بیر سوزله تخریبله تنقید فرقی ندیر؟ و بونلارین سینرلاری ندیر؟ تخریب ائدیب آدین تنقید قویاق و یا بیزدن تنقید اولسون اونو تخریب کیمین گورک. بورادا گرک تخریب و تنقید ندیر بللی ائتمه لییک. -تنقید یعنی بیر بیلگیلی اوزمان کیمین عدالتلی دیرلندیرمک ، قیمتلندیرمک دئمکدیر . هر بیر شئیی دیرلندیرمک اوچون بیر اوزمان و بیرده وسیله - اؤلچک آلتی لازیمدیر. مثلا سیز قیزیلی دیرلندیرمک اوچون اونو قویومجونون(زرگر) یانینا آپاریرسیز. او ایسه قیزیلین عیارین 18 دئیر. یعنی قویومجو 18 عیاری قبول ائدیر، صاف قیزیلدان( 24 عیار) آلتی عیار آز گورور. بونا دوغرو ودوزگون دیرلندیرمک دئیرلر. بوردا گورونور کی هم اوزمان (قویومجو) وار هم ده اؤلچک (عیار آلتی ). - سیز بو قیزیلی بیر دمیرچینین یانینا آپاراسیز دمیرچی اونا باخیب " بو کی بیر شئی دئیل" و اونو بیر کنارا آتیر. بونا قیمتلندیرمک دئمزلر چونکی اولا بو متالین قیزیل اولماسی دانیلیب عیارینا باخمایارق هر حالدا بو قیزیلدیر.ایکینجیده بوآدام ایشین اوزمانی دئیل.
نگاتیو (منفی) تنقید و یا تخریبلر ساغلایجی نییتلی اولماماق و تخریب آماجلی بیر سالدیریدیر. اورادا گرچک ،یالان،ساپدیریجی،صداقتسیزلیک وار. بعضا بیر کیچیک شئی بویوتمک، بعضا هئچ اولمایان بیر شئی آبارتیب بیر گرچک کیمین گوروسدیلیر. یعنی هئچ بیر ساغلایجی تملی اولمیان ائلشدیریه تخریب دئییرلر.
2- پلورالیزم و تخریباتین نه علاقه‌سی وار؟ تخریبات اولماسین شعاری ایله پلورالیزمین قاباغینی آلماغا نئجه باخیرسینیز؟
پلوراليزم کلمه آنلامييلا چوغولجولوق. توپلومون، سيياسال ياشامين، دئولتين و دئموکراسينين ياپيلانماسينا و ايشلييشينه (عملکرد)ايليشگين بير گؤروشدورر. توپلومسال حياتين هر آنيندا فرقلي فيکيرلرين، ايدئولوژيلرين، ديني اينانيسلارين وار اولدوغونو و هامسیينين برابر درجه ده مشروع اولدوغونو و يئنه بو فرقلي فيکيلره صاحيب بيرئيلرين اؤرگوتله نه رک بو فيکيرلئريني ائشیت و اؤزگور بير بيچيمده سيياسال آلانا داشينابيلمه لريني گئرکليليگيني ايفاده ائدر. چاغداش دئموکراسي ايچريسينده کي سيياسال پارتيلر و سيويل توپلوم قورولوشلاري چوخولجو دوکترينين اؤنئملي ائنسترومانلاريدير. پلوراليزم آزينليقلارين (تک بير آزينليغين يؤنئتيمينه قارشيت اولاراق) يؤنئتيمي دئمکدير.
تخریباتا گلدیگیمیزده گورونورکی اخلاق و منطق دیشی اولان بیر توتوملا تکلچیلیک(انحصار) فیکیرلره،ایدولوژیه دئموکراسی تمللرینه،اشیت گوروشونه، فرقلی دوشونجه لره و.... قارشی چیخاراق دولایسی ایله تک بیر آزینلیغین یونیتیمینه یول آچاراق توتالیتر و دیکتاتورلیق سیتیم یارانماسینا زمین حاضیرلاماقدادیر.
آیریجا تخریبه بیر دوشمن پیسخولوژیک ساواشی کیمین باخدیغمیزدا بیر چوخ مئسلهچوزولور. یعنی بو نو دئمک ایستییرم کی دوشمن ایلک اونجه فیکیر و دوشونجه آیرلیغینا بیرلیک و یا هر هانکی باشقابهانه ایله اینسانلارین دوشونورلرینه سالدیریر و سونرا بو ایشده موفق اولورسا یا اورادا بیر دیکتاتور رژیم دیرچلدیب و یا خود تمامن اورانی یو خ ائدجک.
- 3-میللی حرکتده تخریبات وارمی؟ تخریب‌لرین ندنی ندیر؟. هارا‌دان قایناق‌لانیر تخریبلر؟
ایستر میلی حرکت و یاایسترسه هر هانسی بیر توپلومسال آخین و حرکت هر یئرده اولورسا اولسون اوزللیکله توتالیتر و دیکتاتور رژیملریه قارشی اولدوغو زامان رژمین تپکیسین و رئکسیاسین چکر. توتالیتیر رژیملر باغلی و قدار بیر سیستمه دایالی اولدقلاری اوچون توپلومدا هر هانسی بیر اجتماعی حرکت ایستر رفورمجی اولسون ایسترسه دئوریمجی ،قارشی چیخاراق اونون باسدیرماغا چالیشار. بو آچیدان باخدیغیمزدا میلی حرکتین ایچینده تخریب اولماسی چوخ دا شاشیردیجی و تعجب ائدیجی دئییل. یعنی مادام کی حرکت وار، تخریبده شانتاژدا بوهتاند ا و... اولاجاق. بو او دئمکد دئییل کی میللی حرکت ساغلام بیر حرکت دئییل، یوخ. بلکه بودور کی بیزیم فارس شوونیزمی آدیندا بیر دوشمنیمیز وار. دوشمنده بو حرکتی سوسودورماق اوچون الیندن گلنی ایسرگه میجک. اما بونودا قبول ائتمه میز گرکیرکی حرکتده اولان توم تخریباتی دوشمن آپارمیر. بعضا اینسانلاریمز بیلر بیلمز دوشمنین قویوسونا سو توکور. تخریباتین اوزونه گوره بیر بللی فرمولو وار. نئجه اولور کی بیر تخریبات سونوج وئرسین بودا موعیین بر فرمول و شیولره دایالیدیر.
1- زمین یارتماق (یوموشاق تخریب و دولایسی یوللا), گئنلده تخریب اوچون ایکی ایستراتژی وار. بیرینجیسی سوز قونوسو اولان شخصی ساپمیش و جایمیش بیرآدام گوستریب واونون شخصیتین هدف آلینیر. ایکینجی دولایسی یوللارا شخصین ایماژینی افکار عمومی ده پوزماق و زدله مک و...
2- شوبهه سالماق, گنلده مخاطبلر و شخصین یانداشلاری بوندان اونجه سوز قونوسو اولان آدامدان بیر تانیشلیقلاری و ذهنیتلری واردیر. بو آردا چالیشیلیر اینسانلارین باخیشلاریندا چلشکی و شوبهه یارانسین.
3- دوشمن یونماق، بو شیوده چالیشیلر کی سوز قونوسو اولان کیشینی (فرد) مئدیالاردا و باسینلاردا بیر دوشمن کیمن گورستسینلر. واینسانلارین اونا قارشی تپکسینی آرتیرلار.
4- دوشمن اولدغو زامان یقین کی تهلوکه ده اولاجاق. بو آدامین اولماسی توپلوما بیر تهلوکه ساییلا جاق ودفعلرجه بو آدامین اینانج، ناموس، امنیت و.... تهلوکه سی ورقولاناراق مخاطبین ذهنیتین او آداما گوره دئیشیلیر و آرتیق آدام اجتماعدا بیر تهلوکه سایلیر.
5- قرار وئرمک, ایندی تهلوکه دن سونرا بونوآرادان قالدیرماق لازیمدیر. یعنی تهلوکه حیسی یاراتدیقدان سونرا سوز قونوسو شخصه قارشی بیر گونسیزلیک اولوشاجاق. بوردادیر کی سوزده خالق طرفیندن و مسئوللار طرفیندن شخصی جزالاندیرماق طلبلری گلیر.
6- کیملیک یاندیرماق و کیملیک اولوشدورماق: بعضا تخریب ائدنلر شخصین گرچک کئچمیشین و کیملیگین نئجه دئیشمکده گرگین اولورلار و بو ایستیقامتده چالیشیرلار. اوزللیکله شخص آدلیم بیریسی اولورسا بوتون چابالار شخصین تمیز کئچمیشین زده لندیریب و پوزاراق یئنی ساختا بیر شخصیت وئرمه دوغرولتوسوندا اولاجاق.
7- ایماژ یارتماق: شخصی ده ایستنیلن یعنی تهلوکه لی قورخونج گونیلمز و... بیر ایماژ یارتماغا چابا گوستریلیر.
8- گیزلی توتماق: شخصین گرچک حیاتین گیزلمه عموم خالقین گوزوندن توم داورانیشلار، ایشلری، باخیشلارینی و...گیزلی ساخلانیلیر. گرک کیمسه گرچه گی بیلمه سین. و تخریب اولان شخصین اصیل کیملیگی بللی اولمامالیدیر.
9- ماهنا (بهانه ) دوزتمک: بو شیوه ده شخصین ضعف قارانلیق نوقطه لریندن شخصی روحی و پیسخولوژیک باسقی یا آلماق اوچون قولانیلیر. باخمایایراق کی بو قارانلیق نوقطه دئیلین هامسی قارا یاخمادی.
10- ایتهیام لاندیرما: ان قیسا سورده شخصه قارشی قارا یاخمالار، افتیرا، جاسوس، دوزه نه قارشی، شارلاتان،اوغرو و... کیمی سوزلرله سوچلاییب و کوتله ایچینده اونو اعتیباردان و گوزدن سالماغا چالشیلیر.
-11دوسیا، پرونده دوزتمک: تخریب اولونان شخصی یونه لیک پرونده دوزلته رک و اونو زیندانا سالاراق کیتله ایچینده اعتیباردان و گوزدن سالینیر.
12-توزاق قورماق و ساختا بلگه دوزتمک: سون اولارق اگر اوسته کی یوللارلا شخصی تخریب ائدیلمزسه او زامان اوناقارشی ساختا بلگه دوزتمک، اوزل شکایتچی، یالان تانیق (ایفاده) و اخلاق پوزونلوغو کیمی قارا یاخمالارا ال وورارلار.
اوسته سادالادیغیمیز آشامالارا باخدیغیمیزدا گوروروک کی دوشمن اوستاجا بیزی اوز الیمیزله نئجه راحتجا بیر بیریمیزه قارشی شانتاژ و تخریب ائتدیریر. بو او دئمک دئییل میللی حرکتده چوخ ساییدا شوونیزم سیتمینه چالیشیر و اونا قوللوق ائدیر. بلکه بعضی اینسانلاریمیز بیلمه دن اونلارین ایزینده یئریمگه دوام ائدیرلر . بورادا دا گؤرو )وظیفه(بیلگینلره، آیدینلاریمیزا، میلی شخصیتلریمیزه میللی وب سیته لر و مئدیالارا و تلویزیونلارادوشور. اونلاردیلارکی اوز آیدینلاتمالاری و یول گوسترمه لری ایله تخریبلره و بیر چوخ باشقا آخساقلیغیمیزا سون وئره بیلرلر . باشقا بیر آچیدان باخدیغیمیزدا گوناهلارین هامیسین دوشمنین اوستونه آتماغیمیزدا دوغرو دئییل. آزربایجان میللی حرکتینده اولان بعضی فعاللار بیر سیرا سببلردن او جومله دن اؤز گوونی آزاولماق، اؤز دوسلارینا بیر رقیب کیمی باخانلار، رهبریت و آغساققالیق پئشینده اولانلار و... بونلار هر زمان تخریب وشانتاژ ائتمگه چابا گوستره بیلرلر.
4- تخریب‌لرین اولماماسی و یوخ اولماسی یولو ندیر؟
آزربایجان میللی حرکتینده ان اونملی سببلردن بیرسی کی هر زامان بیر چوخ پروبلمه یول آچیر بودور کی میللی حرکت آچیق شکیلده دوشمن ایله اؤز آراسیندا سینیرلارین بللی ائتمییب . منه گوره بو مسئله حل اولارسا بیر چوخ سورونلار چوزوله بیلر. تخریب ، شانتاژ و... هئچ زامان یوخ اولماز اما ان آزی تخریباتین چوخالماسینین قاباغین آلماق اولار .
1- هر بیر میللی فعالا اساس هدف، اوجور کی حرکتیمیزین اوستونده آدی وار" آزربایجان میلی حرکتی" آزربایجان میللی چیخاری اولمالیدیر .
2- بوتون میللی فعاللار بیربیرینه رقیب یوخ بلکه دوست ،قارداش ،قان داش و داوا آرخاداشی اولمالی دیر و هربیر میللی فعالین و هر بیر میللی تشکیلاتین قازانجی بوتون حرکتین قازانجیدیر. بیز بونا اورکدن اینانمالی و قبول ائتمه لییک بئله اولارسا هم حرکت سرعتله گلیشر هم ده بیر چوخ سورونون او جوملدن تخریب و قارا یاخمالارین اؤنو آلینار.
3- حرکتین ایچینده آزربایجان مرکزی چئشیتلی دوشونجه لره سایغی گوستریلملیدیر.
4- گنجلره گونیلملیدیر، منه گوره حرکتیمزده بو بیر اصل کیمین قبول ائدیلملیدیر.
5- صداقت ،صمیمیت،دوستلوق، گوروشمه،دیالوق، ساغلام بیر زمینده تارتیشماق، ان آزا راضی اولاراق ایش بیرلیگی ائتمک، اوزللیکله یورد دیشیندا اولان میللی فعالار آراسیندا داها چوخ صمیمت و ایش بیرلیگی اولماق و قارشیلیقلی سایغی و ... آرادا اولان بعضی کدورتلر و گلئی وگوزارلاری اینجیکلیک لری آرادان قالدیرا بیلر.
5- تخریبات‌لار جووینده نئجه میللی بیرلییه چاتماق اولار؟ تخریب‌لرین بیر سیراسی ایشتیباه‌لاردیر کی اوز وئریب‌دیر و شخص‌لرین نیت‌لری تنقیدیمیش. بو تخریب‌لری باغیشلاماق و بیرلیگه گئتمه گه نئجه باخیرسیز؟ هانسی ایجرایی ضمانت تخریب‌لرین یئنی‌دن باشلاماغینا مانع اولا بیلر؟
اصلینده آزربایجان میللی حرکته بیر چوخ سورونلارا باخمایاراق چوخ اینسیجاملی ،ساغلام و بیر بوتوودور. ایندی چوخ جسارتله دییه بیلریک کی گونئی آزربایجاندا ایکی گوج وار: بیری (ایران رژیمی) کی گونو گوندن اوز گوجونو الدن وئرمکده دیر و اوبیریسی شوبه سیز گونو گوندن گوجلنن آزربایجان میللی حرکتیدیر . دوغرودور بیر سرا ایشتیباهلار و یا یالنیش آنلاشمالیقدان و...بعضی دوسلار بیر بیریندن اینجیک و کوسگون دوشوبلر. بودا اصلا یاخشی بیر شئی دییل. اوسته دئدیگیم کیمی اگر بیز آزربایجان میللی چیخارلارین اساس گوتورسک، او زامان اؤز شخصی منفعتلریمیزدن و چیخارلاریمزادن راحاتجا واز کئچیب و گذشته گئده بیلریک.
آتاتورک دئمیشکن " اساس وطندیر سه باشقا شئیلر تفرعاتدیر". چون بیزیم حال حاضیردا بیر موجادیله سورجینده اولدوغوموز اوچون و الیمیزده بیر ایجرای ضیمانتیمیز یوخودور منه گوره بونون یول بودور کی میللی فعالارین و آیدینلارین قایغیلاری و فیکیرداشلیقی ایله بیرلیکده بیر "اخلاقی منشور" حاضیر لانسین و میللی تشکیلاتلار و آدلیم فعاللار آراسیندا قبول اولدوقدان سونرا هر هانسی بیر ساپما و تخریب و ... اولورسا او منشورا اساسن تخریباتچی ایله داورانیلسین.
سون سوزوز
آزربایجان میلی دیرنیش تشکیلاتی "آزربایجان میلی حرکتی"نین بیر پارچاسی اولاراق هر زامان آزربایجان میلی منافعه سین قورماغی اؤزونه میلی بیر گورو بیلیب و بیلیر. وبیزه گوره هر بیر میلی فعال و هر بیر میلی قوروم و تشکیلاتلاریمیز آزربایجانیمیزین میلی دئیری و چیخاری سایلیر وبونولا بیز هم اخلاقی اولاراق همده میلی گورو اساسیندا اؤز میلی چیخارلاریمیزدان و دئیرلریمیزدن مودافعه ائتمگی اؤززموزه بیر اخلاقی و میلی بورج و گؤرو بیلیریق.
ایلک فعالیته باشلادیغیمیزدان بو گونه کیمین آپاردیغیمیز میلی موجادیلده بوتون میلی مسئله لرده بیر منطقی و میلی توتوملا یعنی آزربایجان مرکزلی باخیشلا تاوریمیز اولوب و تشکیلاتیمیزا باشقا بیر اؤزلیک سایسام جسارتله اسنکلییمیزی(انعطاف) دئیرم. یانی چالشمیشیق هر کسین، شخصیتین و...فیکیرینه وبیزه یونه لیک اینتقاد و ائلشتیریلرینه اونلارین فیکیرلرینه سایقی دوراراق منطیقی و یوموشاقجاسینا جاوابلاندیراق وبیزیم توتوملاریمیز هر زامان آچیق و نئت اولاراق آنا سیته میزده یاییملانیر چونکی بیز خالقیمیزلا آچیق و آیدین اولماغا ایناریق و بونودا هر زامانکی کیمین دوام ائتدیرجییق.
آزربایجان میلی دیرنیش تشکیلاتینین خالقلا ایلیشگیلر سوروملوسو اولارق "آذوح" ون بوتون دیرلی چالیشمالاریندان او جومله دن آزربایجان میلی حرکتینده اولان سورونلارین چوزولمه سی دوغرولتیسیندا کی فعالیتلردن دولایی تشکور ائدیب و سیز عزیز امکداشلاریما باشاریلار آرزولاییرام.
اوردا بیر یول وار اوزاقدا او یول بیزیم یولوموزدور
دونمساقدا وارماساقدا او یول بیزیم یولوموزدور
سایقیلاریملا
بابک چلبیانلی
آزربایجان میلی دیرنیش تشکیلاتینین خالقلا ایلیشگیلر سوروملوسو
تخریب سؤز آنلامیندا پوزماق،ایشدن سالماق،داغیتماق و ... دئمکدیر.
تخریب یانی استونلوکلری گورمه مک،امتیارلاری دانماق،یاخشیلیقلاری وگؤزه چارپانلاری قبول ائتمه مک، ضعفلری و اینجلیکلری آبارتماق دئمکدیر. تخریب سوزلوگو سوسیولوژی آلانیندا فردلره،شخصیتلره ،اورگوت و قوروملارا یونه لیک قارشی بیز آشاغلایجی باخیش، اندیرمک،گؤزدن سالماق،حقارت،قارایاخما،افتیرا ،تحقیر ائتمک و... ان اسکی پیسخولوژیک ساواش و اوپراسیون متوددلاریندان بیری ساییلیر.
تنقید و ائلشدیری بیر اؤلچک دئمکدیر یانی اینسان پیسلری و یاخشیلاری هر ایکیسینده گوروب و اونلاری یئکونلاشدیریب و اینصافلا موقایسه ائده ،باشقا بیر ایفاده ایله ائلشدیرمک بو دئمکدیرکی اینسان دوشونرک ضعف و گوج نقطه لرین بیر بیریله آغیر یونگول ائدیب قارانلیق قیسملری، اینجلیکلری بللی ائدیب سونرا اونلاری گوجلندیرمگه چابا گوسترسین. یوخسا بیرشخصین و یا بیر قورومون ساده ضعف نوقطه لرین و نقصانلارین دئمک چوخدا چتین بیر ایش دئیل. دونیادا هئچ کیم و قوروم قورولوش مطلق یاخشی و یا پیس دئیل.
ائلشدیری پوزتیوو (مثبت) اولورسا کسین یارارلی اولابیلر یوخسا تخریبه و دوشونجه اؤزگولوگونه، دئموکراسییا و اینسان حاقلارینا آیقیری بیر توتوما یول وئره بیلر.منه گوره هر بیر پوزتیو باخیشدا یارار وار.
باشقا بیر سوزله تخریبله تنقید فرقی ندیر؟ و بونلارین سینرلاری ندیر؟ تخریب ائدیب آدین تنقید قویاق و یا بیزدن تنقید اولسون اونو تخریب کیمین گورک. بورادا گرک تخریب و تنقید ندیر بللی ائتمه لییک. -تنقید یعنی بیر بیلگیلی اوزمان کیمین عدالتلی دیرلندیرمک ، قیمتلندیرمک دئمکدیر . هر بیر شئیی دیرلندیرمک اوچون بیر اوزمان و بیرده وسیله - اؤلچک آلتی لازیمدیر. مثلا سیز قیزیلی دیرلندیرمک اوچون اونو قویومجونون(زرگر) یانینا آپاریرسیز. او ایسه قیزیلین عیارین 18 دئیر. یعنی قویومجو 18 عیاری قبول ائدیر، صاف قیزیلدان( 24 عیار) آلتی عیار آز گورور. بونا دوغرو ودوزگون دیرلندیرمک دئیرلر. بوردا گورونور کی هم اوزمان (قویومجو) وار هم ده اؤلچک (عیار آلتی ). - سیز بو قیزیلی بیر دمیرچینین یانینا آپاراسیز دمیرچی اونا باخیب " بو کی بیر شئی دئیل" و اونو بیر کنارا آتیر. بونا قیمتلندیرمک دئمزلر چونکی اولا بو متالین قیزیل اولماسی دانیلیب عیارینا باخمایارق هر حالدا بو قیزیلدیر.ایکینجیده بوآدام ایشین اوزمانی دئیل.
نگاتیو (منفی) تنقید و یا تخریبلر ساغلایجی نییتلی اولماماق و تخریب آماجلی بیر سالدیریدیر. اورادا گرچک ،یالان،ساپدیریجی،صداقتسیزلیک وار. بعضا بیر کیچیک شئی بویوتمک، بعضا هئچ اولمایان بیر شئی آبارتیب بیر گرچک کیمین گوروسدیلیر. یعنی هئچ بیر ساغلایجی تملی اولمیان ائلشدیریه تخریب دئییرلر.
2- پلورالیزم و تخریباتین نه علاقه‌سی وار؟ تخریبات اولماسین شعاری ایله پلورالیزمین قاباغینی آلماغا نئجه باخیرسینیز؟
پلوراليزم کلمه آنلامييلا چوغولجولوق. توپلومون، سيياسال ياشامين، دئولتين و دئموکراسينين ياپيلانماسينا و ايشلييشينه (عملکرد)ايليشگين بير گؤروشدورر. توپلومسال حياتين هر آنيندا فرقلي فيکيرلرين، ايدئولوژيلرين، ديني اينانيسلارين وار اولدوغونو و هامسیينين برابر درجه ده مشروع اولدوغونو و يئنه بو فرقلي فيکيلره صاحيب بيرئيلرين اؤرگوتله نه رک بو فيکيرلئريني ائشیت و اؤزگور بير بيچيمده سيياسال آلانا داشينابيلمه لريني گئرکليليگيني ايفاده ائدر. چاغداش دئموکراسي ايچريسينده کي سيياسال پارتيلر و سيويل توپلوم قورولوشلاري چوخولجو دوکترينين اؤنئملي ائنسترومانلاريدير. پلوراليزم آزينليقلارين (تک بير آزينليغين يؤنئتيمينه قارشيت اولاراق) يؤنئتيمي دئمکدير.
تخریباتا گلدیگیمیزده گورونورکی اخلاق و منطق دیشی اولان بیر توتوملا تکلچیلیک(انحصار) فیکیرلره،ایدولوژیه دئموکراسی تمللرینه،اشیت گوروشونه، فرقلی دوشونجه لره و.... قارشی چیخاراق دولایسی ایله تک بیر آزینلیغین یونیتیمینه یول آچاراق توتالیتر و دیکتاتورلیق سیتیم یارانماسینا زمین حاضیرلاماقدادیر.
آیریجا تخریبه بیر دوشمن پیسخولوژیک ساواشی کیمین باخدیغمیزدا بیر چوخ مئسلهچوزولور. یعنی بو نو دئمک ایستییرم کی دوشمن ایلک اونجه فیکیر و دوشونجه آیرلیغینا بیرلیک و یا هر هانکی باشقابهانه ایله اینسانلارین دوشونورلرینه سالدیریر و سونرا بو ایشده موفق اولورسا یا اورادا بیر دیکتاتور رژیم دیرچلدیب و یا خود تمامن اورانی یو خ ائدجک.
- 3-میللی حرکتده تخریبات وارمی؟ تخریب‌لرین ندنی ندیر؟. هارا‌دان قایناق‌لانیر تخریبلر؟
ایستر میلی حرکت و یاایسترسه هر هانسی بیر توپلومسال آخین و حرکت هر یئرده اولورسا اولسون اوزللیکله توتالیتر و دیکتاتور رژیملریه قارشی اولدوغو زامان رژمین تپکیسین و رئکسیاسین چکر. توتالیتیر رژیملر باغلی و قدار بیر سیستمه دایالی اولدقلاری اوچون توپلومدا هر هانسی بیر اجتماعی حرکت ایستر رفورمجی اولسون ایسترسه دئوریمجی ،قارشی چیخاراق اونون باسدیرماغا چالیشار. بو آچیدان باخدیغیمزدا میلی حرکتین ایچینده تخریب اولماسی چوخ دا شاشیردیجی و تعجب ائدیجی دئییل. یعنی مادام کی حرکت وار، تخریبده شانتاژدا بوهتاند ا و... اولاجاق. بو او دئمکد دئییل کی میللی حرکت ساغلام بیر حرکت دئییل، یوخ. بلکه بودور کی بیزیم فارس شوونیزمی آدیندا بیر دوشمنیمیز وار. دوشمنده بو حرکتی سوسودورماق اوچون الیندن گلنی ایسرگه میجک. اما بونودا قبول ائتمه میز گرکیرکی حرکتده اولان توم تخریباتی دوشمن آپارمیر. بعضا اینسانلاریمز بیلر بیلمز دوشمنین قویوسونا سو توکور. تخریباتین اوزونه گوره بیر بللی فرمولو وار. نئجه اولور کی بیر تخریبات سونوج وئرسین بودا موعیین بر فرمول و شیولره دایالیدیر.
1- زمین یارتماق (یوموشاق تخریب و دولایسی یوللا), گئنلده تخریب اوچون ایکی ایستراتژی وار. بیرینجیسی سوز قونوسو اولان شخصی ساپمیش و جایمیش بیرآدام گوستریب واونون شخصیتین هدف آلینیر. ایکینجی دولایسی یوللارا شخصین ایماژینی افکار عمومی ده پوزماق و زدله مک و...
2- شوبهه سالماق, گنلده مخاطبلر و شخصین یانداشلاری بوندان اونجه سوز قونوسو اولان آدامدان بیر تانیشلیقلاری و ذهنیتلری واردیر. بو آردا چالیشیلیر اینسانلارین باخیشلاریندا چلشکی و شوبهه یارانسین.
3- دوشمن یونماق، بو شیوده چالیشیلر کی سوز قونوسو اولان کیشینی (فرد) مئدیالاردا و باسینلاردا بیر دوشمن کیمن گورستسینلر. واینسانلارین اونا قارشی تپکسینی آرتیرلار.
4- دوشمن اولدغو زامان یقین کی تهلوکه ده اولاجاق. بو آدامین اولماسی توپلوما بیر تهلوکه ساییلا جاق ودفعلرجه بو آدامین اینانج، ناموس، امنیت و.... تهلوکه سی ورقولاناراق مخاطبین ذهنیتین او آداما گوره دئیشیلیر و آرتیق آدام اجتماعدا بیر تهلوکه سایلیر.
5- قرار وئرمک, ایندی تهلوکه دن سونرا بونوآرادان قالدیرماق لازیمدیر. یعنی تهلوکه حیسی یاراتدیقدان سونرا سوز قونوسو شخصه قارشی بیر گونسیزلیک اولوشاجاق. بوردادیر کی سوزده خالق طرفیندن و مسئوللار طرفیندن شخصی جزالاندیرماق طلبلری گلیر.
6- کیملیک یاندیرماق و کیملیک اولوشدورماق: بعضا تخریب ائدنلر شخصین گرچک کئچمیشین و کیملیگین نئجه دئیشمکده گرگین اولورلار و بو ایستیقامتده چالیشیرلار. اوزللیکله شخص آدلیم بیریسی اولورسا بوتون چابالار شخصین تمیز کئچمیشین زده لندیریب و پوزاراق یئنی ساختا بیر شخصیت وئرمه دوغرولتوسوندا اولاجاق.
7- ایماژ یارتماق: شخصی ده ایستنیلن یعنی تهلوکه لی قورخونج گونیلمز و... بیر ایماژ یارتماغا چابا گوستریلیر.
8- گیزلی توتماق: شخصین گرچک حیاتین گیزلمه عموم خالقین گوزوندن توم داورانیشلار، ایشلری، باخیشلارینی و...گیزلی ساخلانیلیر. گرک کیمسه گرچه گی بیلمه سین. و تخریب اولان شخصین اصیل کیملیگی بللی اولمامالیدیر.
9- ماهنا (بهانه ) دوزتمک: بو شیوه ده شخصین ضعف قارانلیق نوقطه لریندن شخصی روحی و پیسخولوژیک باسقی یا آلماق اوچون قولانیلیر. باخمایایراق کی بو قارانلیق نوقطه دئیلین هامسی قارا یاخمادی.
10- ایتهیام لاندیرما: ان قیسا سورده شخصه قارشی قارا یاخمالار، افتیرا، جاسوس، دوزه نه قارشی، شارلاتان،اوغرو و... کیمی سوزلرله سوچلاییب و کوتله ایچینده اونو اعتیباردان و گوزدن سالماغا چالشیلیر.
-11دوسیا، پرونده دوزتمک: تخریب اولونان شخصی یونه لیک پرونده دوزلته رک و اونو زیندانا سالاراق کیتله ایچینده اعتیباردان و گوزدن سالینیر.
12-توزاق قورماق و ساختا بلگه دوزتمک: سون اولارق اگر اوسته کی یوللارلا شخصی تخریب ائدیلمزسه او زامان اوناقارشی ساختا بلگه دوزتمک، اوزل شکایتچی، یالان تانیق (ایفاده) و اخلاق پوزونلوغو کیمی قارا یاخمالارا ال وورارلار.
اوسته سادالادیغیمیز آشامالارا باخدیغیمیزدا گوروروک کی دوشمن اوستاجا بیزی اوز الیمیزله نئجه راحتجا بیر بیریمیزه قارشی شانتاژ و تخریب ائتدیریر. بو او دئمک دئییل میللی حرکتده چوخ ساییدا شوونیزم سیتمینه چالیشیر و اونا قوللوق ائدیر. بلکه بعضی اینسانلاریمیز بیلمه دن اونلارین ایزینده یئریمگه دوام ائدیرلر . بورادا دا گؤرو )وظیفه(بیلگینلره، آیدینلاریمیزا، میلی شخصیتلریمیزه میللی وب سیته لر و مئدیالارا و تلویزیونلارادوشور. اونلاردیلارکی اوز آیدینلاتمالاری و یول گوسترمه لری ایله تخریبلره و بیر چوخ باشقا آخساقلیغیمیزا سون وئره بیلرلر . باشقا بیر آچیدان باخدیغیمیزدا گوناهلارین هامیسین دوشمنین اوستونه آتماغیمیزدا دوغرو دئییل. آزربایجان میللی حرکتینده اولان بعضی فعاللار بیر سیرا سببلردن او جومله دن اؤز گوونی آزاولماق، اؤز دوسلارینا بیر رقیب کیمی باخانلار، رهبریت و آغساققالیق پئشینده اولانلار و... بونلار هر زمان تخریب وشانتاژ ائتمگه چابا گوستره بیلرلر.
4- تخریب‌لرین اولماماسی و یوخ اولماسی یولو ندیر؟
آزربایجان میللی حرکتینده ان اونملی سببلردن بیرسی کی هر زامان بیر چوخ پروبلمه یول آچیر بودور کی میللی حرکت آچیق شکیلده دوشمن ایله اؤز آراسیندا سینیرلارین بللی ائتمییب . منه گوره بو مسئله حل اولارسا بیر چوخ سورونلار چوزوله بیلر. تخریب ، شانتاژ و... هئچ زامان یوخ اولماز اما ان آزی تخریباتین چوخالماسینین قاباغین آلماق اولار .
1- هر بیر میللی فعالا اساس هدف، اوجور کی حرکتیمیزین اوستونده آدی وار" آزربایجان میلی حرکتی" آزربایجان میللی چیخاری اولمالیدیر .
2- بوتون میللی فعاللار بیربیرینه رقیب یوخ بلکه دوست ،قارداش ،قان داش و داوا آرخاداشی اولمالی دیر و هربیر میللی فعالین و هر بیر میللی تشکیلاتین قازانجی بوتون حرکتین قازانجیدیر. بیز بونا اورکدن اینانمالی و قبول ائتمه لییک بئله اولارسا هم حرکت سرعتله گلیشر هم ده بیر چوخ سورونون او جوملدن تخریب و قارا یاخمالارین اؤنو آلینار.
3- حرکتین ایچینده آزربایجان مرکزی چئشیتلی دوشونجه لره سایغی گوستریلملیدیر.
4- گنجلره گونیلملیدیر، منه گوره حرکتیمزده بو بیر اصل کیمین قبول ائدیلملیدیر.
5- صداقت ،صمیمیت،دوستلوق، گوروشمه،دیالوق، ساغلام بیر زمینده تارتیشماق، ان آزا راضی اولاراق ایش بیرلیگی ائتمک، اوزللیکله یورد دیشیندا اولان میللی فعالار آراسیندا داها چوخ صمیمت و ایش بیرلیگی اولماق و قارشیلیقلی سایغی و ... آرادا اولان بعضی کدورتلر و گلئی وگوزارلاری اینجیکلیک لری آرادان قالدیرا بیلر.
5- تخریبات‌لار جووینده نئجه میللی بیرلییه چاتماق اولار؟ تخریب‌لرین بیر سیراسی ایشتیباه‌لاردیر کی اوز وئریب‌دیر و شخص‌لرین نیت‌لری تنقیدیمیش. بو تخریب‌لری باغیشلاماق و بیرلیگه گئتمه گه نئجه باخیرسیز؟ هانسی ایجرایی ضمانت تخریب‌لرین یئنی‌دن باشلاماغینا مانع اولا بیلر؟
اصلینده آزربایجان میللی حرکته بیر چوخ سورونلارا باخمایاراق چوخ اینسیجاملی ،ساغلام و بیر بوتوودور. ایندی چوخ جسارتله دییه بیلریک کی گونئی آزربایجاندا ایکی گوج وار: بیری (ایران رژیمی) کی گونو گوندن اوز گوجونو الدن وئرمکده دیر و اوبیریسی شوبه سیز گونو گوندن گوجلنن آزربایجان میللی حرکتیدیر . دوغرودور بیر سرا ایشتیباهلار و یا یالنیش آنلاشمالیقدان و...بعضی دوسلار بیر بیریندن اینجیک و کوسگون دوشوبلر. بودا اصلا یاخشی بیر شئی دییل. اوسته دئدیگیم کیمی اگر بیز آزربایجان میللی چیخارلارین اساس گوتورسک، او زامان اؤز شخصی منفعتلریمیزدن و چیخارلاریمزادن راحاتجا واز کئچیب و گذشته گئده بیلریک.
آتاتورک دئمیشکن " اساس وطندیر سه باشقا شئیلر تفرعاتدیر". چون بیزیم حال حاضیردا بیر موجادیله سورجینده اولدوغوموز اوچون و الیمیزده بیر ایجرای ضیمانتیمیز یوخودور منه گوره بونون یول بودور کی میللی فعالارین و آیدینلارین قایغیلاری و فیکیرداشلیقی ایله بیرلیکده بیر "اخلاقی منشور" حاضیر لانسین و میللی تشکیلاتلار و آدلیم فعاللار آراسیندا قبول اولدوقدان سونرا هر هانسی بیر ساپما و تخریب و ... اولورسا او منشورا اساسن تخریباتچی ایله داورانیلسین.
سون سوزوز
آزربایجان میلی دیرنیش تشکیلاتی "آزربایجان میلی حرکتی"نین بیر پارچاسی اولاراق هر زامان آزربایجان میلی منافعه سین قورماغی اؤزونه میلی بیر گورو بیلیب و بیلیر. وبیزه گوره هر بیر میلی فعال و هر بیر میلی قوروم و تشکیلاتلاریمیز آزربایجانیمیزین میلی دئیری و چیخاری سایلیر وبونولا بیز هم اخلاقی اولاراق همده میلی گورو اساسیندا اؤز میلی چیخارلاریمیزدان و دئیرلریمیزدن مودافعه ائتمگی اؤززموزه بیر اخلاقی و میلی بورج و گؤرو بیلیریق.
ایلک فعالیته باشلادیغیمیزدان بو گونه کیمین آپاردیغیمیز میلی موجادیلده بوتون میلی مسئله لرده بیر منطقی و میلی توتوملا یعنی آزربایجان مرکزلی باخیشلا تاوریمیز اولوب و تشکیلاتیمیزا باشقا بیر اؤزلیک سایسام جسارتله اسنکلییمیزی(انعطاف) دئیرم. یانی چالشمیشیق هر کسین، شخصیتین و...فیکیرینه وبیزه یونه لیک اینتقاد و ائلشتیریلرینه اونلارین فیکیرلرینه سایقی دوراراق منطیقی و یوموشاقجاسینا جاوابلاندیراق وبیزیم توتوملاریمیز هر زامان آچیق و نئت اولاراق آنا سیته میزده یاییملانیر چونکی بیز خالقیمیزلا آچیق و آیدین اولماغا ایناریق و بونودا هر زامانکی کیمین دوام ائتدیرجییق.
آزربایجان میلی دیرنیش تشکیلاتینین خالقلا ایلیشگیلر سوروملوسو اولارق "آذوح" ون بوتون دیرلی چالیشمالاریندان او جومله دن آزربایجان میلی حرکتینده اولان سورونلارین چوزولمه سی دوغرولتیسیندا کی فعالیتلردن دولایی تشکور ائدیب و سیز عزیز امکداشلاریما باشاریلار آرزولاییرام.
اوردا بیر یول وار اوزاقدا او یول بیزیم یولوموزدور
دونمساقدا وارماساقدا او یول بیزیم یولوموزدور
سایقیلاریملا
بابک چلبیانلی
آزربایجان میلی دیرنیش تشکیلاتینین خالقلا ایلیشگیلر سوروملوسو
هیچ نظری موجود نیست:
ارسال یک نظر