دوغو دونیاسینین ایلک دموکراتیک جمهوریتینین آتاسی، محمد امین رسولزاده، باکیدا آنیلدی

محمد امین رسولزاده

۱۹۱۸.جی ایلده تمه‌لی آتیلان آذربایجان خالق جمهوریتی‌نین قوروجوسو محمد امین رسول‌زاده، ۱۲۸.جی دوغوم ایلدؤنومونده باکیدا آنیلدی.

۳۱ ژانویه ۱۸۸٤ده باکی‌نین نووخانی قصبه‌سینده دونیایا گلن محمد امین رسول‌زاده‌نین حیاتی روس و ارمنی‌لره قارشی مباریزه ایله گئچدی.

۱۹۱۸.جی ایلده مین‌لرله آذربایجان تورکو ارمنی چتلرینجه اؤلدورولونجه، محمد امین رسول‌زاده باشقانلیغینداکی آذربایجان میللی شوراسی، عثمانلی دؤولتین‌دن کؤمک ایسته‌دی.

عثمانلی دؤولتی، محمد امین رسول‌زاده‌نین بو ایستگینه قیدسیز قالمادی، "قافقاز ایسلام اوردوسو" نو آذربایجانا گؤندردی.

بو دستکله محمد امین رسول‌زاده، ۲۸ می ده دوغونون و تورک‌لرین ایلک دئموکراتیک جمهوریتی اولان آذربایجان خالق جمهوریتی اعلان ائتدی.

۲۳ آی یاشایان آذربایجان خالق جمهوریتی، ۲۸ آوریل ۱۹۲۰ تاریخینده بولشویک روسیا طرفین‌دن ایشغال ائدیلدی.

محمد امین رسول‌زاده ده، لاهیج قصبه سینده حبسه آتیلدی.

ایستالین طرفین‌دن موسکوایا آپاریلان محمد امین رسول‌زاده‌نین، میللی آکتیویستلر فینلاندیایا قاچیردی.

عمرونون سونونا قدر آوروپا اؤلکه‌لری و تورکیه‌ده سورگون حیاتی یاشایان محمد امین رسول‌زاده ٦ مارس ۱۹٥٥.جی ایلده آنکارادا حیاتا گؤزلرینی یومدو و "جبه جی عصری مزار‌لیغی" نا دفن ائدیلدی.
تی آر تی تورکی