ساوالان پورت : "بو گون دونيا مئدياسيندا ايرانين آدي داها چوخ نووه پروبلئمينه گؤره حاللانير. آما ايرانين اينسان هاقلارينين تاپدانماسي، کوتلوي اعداملار کيمي پروبلئملري وار کي، نووه‌دن داها جيدي و تهلوکه‌ليدير".
بو سؤزلري بی بی سی آذربايجان جايا موصاحيبه‌سينده ايران مسئله‌لري اوزره ائکسپئرت کريم عسگري دئييب. جناب عسگرينين سؤزلرينه گؤر، ايران حاکيميتي اؤلکه وطنداشي اولان 35 ميليون آذربايجانليني سياسي، ايجتيماعي، مدني، ايقتيصادي و حتّي ائکولوژي آيري-سئچکيلييه معروض قويوب. "1946-جي ايلدن اعتيبارن ايستر شاهليق دؤورونده ، ايسترسه ده ايسلام رئسپوبليکاسي دؤورونده ايراندا هميشه آذربايجانليلاري، بير نؤوع گؤرمزدن گليبلر. آما اورتادا بير حقيقت وار کي، حاضيردا اورادا ميللي کيمليک اويانيشينا گؤره بؤيوک بير دالغا باشلاييب" - کريم عسگري دئيير.
اونون سؤزلرينه گؤر، خاريجده ايران آذربايجاليلاري تشکيلاتلارين يارانماسينين سببي ده بو ايستک دالغاسي ايله باغليدير و بير موددت اول آنکارادا تاسيس اولونموش "گونئي آذربايجان تورکلري شوراسي" دا بو قبيلدندير.
ايرانين آذربايجانلا موناسيبتلرينده گرگينليک فونوندا ايران آذربايجانليلارينين هاقلاري ايله باغلي ميللي تشکيلاتلارين فعاليتينده جانلانما موشاهيده اولونور.
شورانين سؤزچوسو جمال مهمتخان اوغلو دئيير کي، ايراندا مئيدانا گله‌جک دييشيکلر زاماني ايران آذربايجانليلارينين ميللي هاقلاري ايله باغلي مسله‌لر سياسي دانيشيقلاردا اؤنه چکيلمه‌ليدير. "ايرانداکي آذربايجانليلارين طالعيي ايراقدا حاکيميت دييشيکليگيندن سونرا کرکوک تورکلري کيمي ديقتدن کنار، صاحيبسيز قالماماليدير".
ياخين شرق اولکه‌لرينين حاکيمييتدن ناراضي قوووه‌لري اوجون تورکيه جلب ادئيجي گورونمکده‌دير. تورکيه حاکيميتي اونلارا بير چوخ حاللاردا بيرباشا رسمي دستک گؤسترمه‌سه ده، بير شئي آيديندير کي، سياسي موخاليفلر تورکيه پايتاختيندا واختاشيري توپلانتي و آکسييالار کئجيريرلر.
آنکارا دستک وئرمير
ايران مسئله‌لري اوزره ائکسپئرت کريم عسگرينين سؤزلرينه گؤر، سورگونده اولان ايران آذربايجانليلارينين تورکيه‌ني سئچمه‌لرينين اساس سببي بؤلگه‌ده‌کي ديگر اؤلکه‌لرله موقاييسه‌ده ان دئموکراتيک اؤلکه اولماسيدير. بوندان باشقا، ايمکانلار و پوتئنسياللارين داها گئنيش اولماسي باخيميندان دا تورکيه سياسي موهاجيرلر اوچون موناسيب اؤلکه‌دير.
لاکين "گونئي آذربايجان تورکلري شوراسي"نين سؤزچوسو جمال مهمتخان اوغلو دئيير کي، تشکيلاتين تورکييه‌ده فعاليت گؤسترمه‌سي اونلارين دؤولتدن دستک آلماسي دئمک دئييل. اونون سؤزلرينه گؤر، اينديکي مرحله ده نينکي دؤولت قوروملاري و حاکيم پارتييادا، حتّي اساس موخاليفت پارتييالاريندا بئله اونلارلا گؤروشمکدن ايمتيناع ائديبلر.
آذربايجان مسئله‌لرينه ياخيندان بلد اولان ژورناليست علي دوغان ايسه دئيير کي، ايران آذربايجانليلاري ايله باغلي مسئله‌لرله بيرباشا مشغول اولماق تورکيه‌نين ماراقلاريندا دئييل. "دوزدور، 30 ميليوندان آرتيق تورکون ياشاديغي بؤلگه کيمي تورکيه "گونئي آذربايجان" مسئه لسينه ائتيناسيز دئييل. آما تورکيه هئج واخت بو مؤوزويا گيرميه‌جک. آنکارا چينله موناسيبتلرينين پوزولماماسي اوچون اوراداکي تورکلرله ماراقلانماديغي کيمي، ايرانلا موناسيبتلريني قوروماق اوچون ده ايرانداکي آذربايجانليلار مؤوزوسونا بيرباشا قاريشماز. هئچ، اوراداکي ميللي فعاللار دا تورکيه هؤکومتينه تام گوونمير. چونکي ايرانداکي آذربايجانليلار تورکيه حاکيميتينين کرکوک تورکمنلرينه وئرديگي دستگي يئترلي سايماميش و بونا گوره ده "آکپ الالتيلاريني تبريزدن چکسين" مئساژيني وئرميشدي.
علي دوغانين فيکرينجه، ايرانداکي آذربايجانلي فعاللار رسمي باکي يا دا تام گوونميرلر. بونون اساس سببي ايسه آذربايجانجانين اؤز سياسي خاريجي ماراقلاريني ايراندا ياشايان آذربايجانليلارين هاقلاري ايله باغلي مسئله‌دن اوستون توتماسيدير. "گونئيليلر غئيري-هوکومت تشکيلاتلاري و واسيطه‌چيلرله امکداشليق ائتمه‌يه اوستونلوک وئريرلر" ،- علي دوغان دئيير.
موهاجير ائتنيک تشکيلاتلار تورکيه‌ني اؤزلرينه فعاليت مکاني سئچسه ده، بئله گؤرونور کي، رسمي آنکارا اونلارين فعاليتيني دستکلمير. عدالت و اينکيشاف پارتيياسيندان ميلت وکيلي موستافا کاباکچينين سؤزلرينه گؤر، هؤکومت اوچون اساس خط قونشو دؤولتلرله موناسيبتلري اينکيشاف ائتديرمکدير.
"تورکيه بؤلگه‌ده صولح و ثابيتليک ايسته‌يير. قونشولاري ايله موناسيبتلريني اينکيشاف ائتديرمک ايسته‌يير. بعضي اؤلکه‌لر بوتون جوغرافييادا اؤز گلير-جيخاريني تامين ائده بيلمک اوچون تورکچولوکله اويناماق نيتي وار" - موستافا کاباکچي دئيير.
موهاجير ائتنيک تشکيلاتلار تورکيه‌ني اؤزلرينه فعاليت مکاني سئچسه ده، بئله گؤرونور کي، رسمي آنکارا اونلارين فعاليتيني دستکلمير. عدالت و اينکيشاف پارتيياسيندان ميلت وکيلي موستافا کاباکچينين سؤزلرينه گؤر، هؤکومت اوچون اساس خط قونشو دؤولتلرله موناسيبتلري اينکيشاف ائتديرمکدير.
"تورکيه بؤلگه‌ده صولح و ثابيتليک ايسته‌يير. قونشولاري ايله موناسيبتلريني اينکيشاف ائتديرمک ايسته‌يير. بعضي اؤلکه‌لر بوتون جوغرافييادا اؤز گلير-جيخاريني تامين ائده بيلمک اوچون تورکچولوکله اويناماق نيتي وار" - موستافا کاباکچي دئيير.
هیچ نظری موجود نیست:
ارسال یک نظر