ساوالان پورت: "آرازنیوز " خبر سیته سی12 شهریور 1389 آزربایجان دموکرات فرقه سینین قورولوش تاریخی ایله ( 12 شهریور 1324 ) برابر میلی فعال "بابک چلبیانلی" نین چابالاری ایله گونئی آزربایجان خبرلرینی یاماق آماجی ایله حایات اوزو گوردو.داها سونرا یاری گیزلی چالیشان "آزربایجان میلی دیرنیش تشکیلاتی"نین یئنی سیاستی اساسیندا یئنده 12 شهریور 1390 آچیق فعالیت قرار وریلمه سی ایله بیرلیکده آرتیق "آرازنیوز" آزربایجان میلی دیرنیش تشکیلاتینین رسمی خبر ارگانی اولارق فعالیتینه دوام ائتمیشدیر.
ایلک فعالیت گوسترن گونلردن "آراز نیوز" وب سیته سی آزربایجان مرکزلی بیر باخیشلا دوزگون و گوونیلیر خبر یایماق و بیلگی آخیشینی ساغلاماق آماجینی گودمکده اولوب،و خبرچیلیک قایدا، پرنسیپ و اخلاقیاتینا باغلی قالاراق فعالیتینه دوام ائتمیشدیر.
طیفی و گروپ باخیشلارین اوزاق دوراراق ایمکانلار دایره سینده آزربایجان مرکزلی توم خبرلری اوزلیکه گونئی آزربایجان"بشر حاقلاری و " اورمو گولو " اعتیراضلاری و.... قونوسوندا اولان بوتون خبرلری یایماقدا چابا گوسترمیشدیر،طبیعی کی بو آرادا اکسیکلیکلر و یارامازچلیقلاردا الوبدور اما بونلار هامیسی ایمکانلارین قیتلیغیندان قایانقلانان بیر مسئله دیر.
بئله لیکله "آرازنیوز" گئچن ایکی ایل بویوندا بوتون امکداشلار ، قلم صاحیبلری، خبر گوندرن ،یازی یازان و هر طورلی یاردیمی گئچن دوسلاردان صمیمتله تشکر ائدیر و بوندان سونرا دوسلاردا داها آربیق یاردیم گوزلییریق .امود ائدیریق کی میلی موجادیله یولوندا گونئی آزربایجان خبرلرین یایماقلا آزربایجان میلی حرکتینین سسینی دونیا سویه سینده دویورماقدا باشاریلی اولاق.
حورمتله; آرازنیوز یازالار گروپو
ساوالان پورت اولاراق "آرازنیوز" خبر سیته سی امکداشلاریمیزا بو باجاری اوچون - تبریکلر و باشاریلار دیلییرک
هیچ نظری موجود نیست:
ارسال یک نظر