ساوالان پورت:گونئی آذربایجانین موستقیللیگینین دستکلنمسینه دایر دؤولت کاتیبی هیلاری کلینتونا رسمی موراجیعت ائدن آمریکالی کونقرئسمن دان روراباهرین باکییا سفری و اونون اؤلکه پرئزیدئنتی، خاریجی ایشلر ناظیری و دیگر رسمیلرله گؤروشو حسساسلیقلا ایزله‌نیلیر.اؤیرنجی سسی نین یئنی مساوات دوشرگه سیندن آلدیغی بیلگی لره گؤره اکسپرتلر (کارشوناسلار) شوبهه ائتمیر کی، بو سفر اونسوز دا آذربایجانا قارشی غضبلی اولان تهراندا داها چوخ قیجیق یاراداجاق و موناسیبتلر یئنیدن سرت مجرایا یؤنله‌جک.
قئید ائدک کی، جناب روراباهئر هم ده آ.ب.ش (امئریکا بیرلشمیش شتاتلیاری) نوماینده‌لر پالاتاسینین خاریجی علاقه لر کومیته‌سی نظارت و تحقیقاتلار آلت کومیته‌سینین صدری وظیفه‌سینی ایجرا ائدیر. د.روراباهئر رسمی واشینقتونو گونئی آذربایجانین موستقیللیک اوغروندا موباریزه‌سینی دستکله‌مکله باغلی بو ایلین اییولوندا موراجیعت ائتمیشدی. او، دؤولت کاتیبی هیللاری کلینتونا مکتوبوندا گونئی آذربایجانین موستقیللیگی اوغروندا موباریزه‌نین دستکلنمه سینین واجیبلیگینی بیلدیریب.
آز اؤنجه ایسه دؤولت کاتیبی ه.کلینتون روراباهرین سورغوسونا جاواب وئرسه د، متنی نه کونقرئسمئنین اوفیسی، نه دؤولت دئپارتامئنتی آچیقلاماییب. لاکین بوندان سونرا کونقرئسمئن روراباهئرین باکییا سفر ائتمه‌سی طبیعی کی، سیرادان بیر مسله دئییل. احتیمال اولونور کی، آ.ب.ش-دا ایلک دفعه یوکسک سویییه‌ده گونئی آذربایجانین موستقیللیگینین دستکلنمه سینه دایر دؤولت کاتیبینه رسمی سورغو وئرن کونقرئسمنین سفرینده ایران و سؤزوگئدن مکتوبلا باغلی موذاکیره‌لر آچیلیب.
هیچ نظری موجود نیست:
ارسال یک نظر