جنوب ادبیاتی ایله تانیشلیغا رسول یونانلا
باشلاییریق. رسول یونان ۱۹۶۸-جی ایلده اورمو شهرین‌ده
دونیایا گلیب. شاعر، ناثیر و ترجومه‌چی‌دیر. ۱۷-۱۸
شئیر مجومعه‌سینین، خئی‌لی سای‌دا ترجومه‌لرین مؤلفی‌دیر. ناظیم حیکمتی گونئی‌ده
ان چوخ ترجومه ائد‌ن ده محض رسول یونان اولوب. داها سونرا اونون فارس دیلین‌ده
«چوخ نیگارانام، سیز لئیلانی گؤرمه‌می‌سیز؟« آدلی رومانی وار. فارس دیلین‌ده حکایه‌لر
مج‌موه‌سی و دونیا ادبیاتین‌دان ترجومه‌لر آنتولوگییاسینین ترتیب‌چی‌سی‌دیر. رسول
یونان ۲۰۰۶-جی ایلده‌ن سونرا اساس‌لی شکیل‌ده آذربایجان
دیلین‌ده یازماغا باشلاییب. حاضردا او، آذربایجان دیلین‌ده یازان شاعرلرین ان گوج‌لولرین‌دن
حساب اولونور. دونیا چاپین‌دا تانینمیش بیر یازاردی. دونیادا تانینمیش ادبی
موکافات اولان «والسون»اون مونصیفلر هئیتینین عضوی اولوب. حاضردا تئهران‌دا
یاشاییر. شعریلری اینگیلیس، فران‌سیز، ژاپون و بیر چوخ دیللره ترجومه اولونوب.
سنی
دوشونمک
سنی دوشونمک،
حیاتا دوشونمک‌دیر.
تورپاق آلتین‌دا
دار-دودوک بیر قبیرده
گونشه دوشونمک‌دیر.
قارلی گئجه‌ده،
قیفیللانمامیش قاپیلارا،
قاچماغا دوشونمک‌دیر هبسخانادا.
سنی دوشونمک دیرلی‌دیر،
ان آزی
آدامین قلبین‌دن
بیر بولاق جوشار،
بیر آت گلر اورادا سو ایچر،
بیر قوش گلر اورادا اوخویار...
حسرت
دومان بورولاری،
آنتئنلر،
قارغالار،
ساده‌جه
کئچمیشیم‌دن بونلار یادیما گلیر.
پنجره‌دن
ائشییه باخدیغیم گونلردن...
سیزین آپارتمانیز
اوزاق‌دا ایدی،
یئرله گؤی اوزو قوووشان یئرده...
رسم‌ده گؤرونمه‌یه‌ن
پاس‌لی پیانو
یالقیز آدامین رس‌می،
اوزون بیر کوچه‌دیر.
و اونون دیبین‌ده اولان
باغلی قاپی.
یالقیز آدامین رس‌می،
رسم‌ده گؤرونمه‌یه‌ن
پاس‌لی پیانودور.
یالقیز آدامین رس‌می،
اس‌ن یئل‌دیر،
سولغون آی.
یالقیز آدامین رس‌می،
بوتون کدرلرین رس‌می‌دیر...
قلبه‌لیک
منه ائله گلیر
چین محله‌لرین‌ده ایتمیشه‌م.
هر یئر های-کوی‌دو،
هر یئر قلبه‌لیک.
کاش کی
ساری بیر اژداها قارشیما چیخیب،
منی اودسون!
سون قویسون بو ایتکین دوشمییمه.
نه چتین بیر ایشدیر،
قلبه‌لیک‌ده یالقیز یاشاماق...
دیالوق
- اؤلوم‌دن سونرا حیاتا اینانیرسان؟!
– یوخ!
– اما اینان!
سن‌دن سونرا دیری قالدیم،
قار آلتین‌دان
قورتاریلان داغ‌چی کیمی!
قالستوک
یاواش-یاواش مودئرنلشیرم،
ماسا آرخاسین‌دا
یئمک یئییرم،
قالستوک باغلاییرام،
رئپ موسیقی‌سینه
قولاق آسیرام،
اینتئرنئت‌ده
سئودییم شاعرلری ایزلییرم.
یاواش-یاواش
اؤزوم‌دن چیخیرام،
تیسباغا بالاسی یومورتادان چیخان کیمی.
یئنی‌دن دوغولماق
کومیک ده اولموش اولسا،
چوخ گؤزل و هیه‌جان‌لی بیر شئی‌دیر!
حاضیرلادی : ائلمین نور
هیچ نظری موجود نیست:
ارسال یک نظر