ساوالان پورت: بیشکک‌ده جینگیز آیتماتووون خاطره‌سینه
شئیر شؤله‌نی دوزه‌ن‌لنه‌جک دونیا گنج تورک یازارلار بیرلیینین صدری اکبر قوشالی
قیرغیزیستانا سفر ائد‌جک.
مایین ۲۸-دن اینون ۲-دک
قییرغیزیستان‌دا تورکچه‌نین اولوسلاراراسی شعر شؤله‌نی کئچیریله‌جک. «سایجا
اونونجو دفعه کئچیریله‌ن شؤله‌ن، تورکییه پرئزیدئنتی عبدالله گولون دستیی ایله
پایتاخت بیشکک‌ده باش توتاجاق.
تورکییه یازارلار بیرلیینین تشکیلات‌چی‌لیغی
ایله کئچیریله‌جک شعر شؤله‌نین‌ده تورک دونیاسین‌دان اولان شاعرلر، ادبیاتشوناسلار
ایشتیراک ائد‌جک.
آذربایجانی شؤله‌ن‌ده
شاعر-پوبلیسیستلر ماهیر قارایئو، اکبر قوشالی و ائلشه‌ن ازیم تمثیل ائد‌جکلر.
شؤله‌ن‌ده فرق‌لنه‌ن شاعرلره «ماناس
بؤیوک اؤدولو»، «یوسوف هاس هاجیب بؤیوک اؤدولو»، نامیق کمال بؤیوک اؤدولو»
اولماقلا اوز اؤدول نظرده توتولوب.
آچیلیشی بیشکک فیلارمونییا کونسئرت
سالونون‌دا ۲۹ مای‌دا باش توتاجاق شؤله‌ن‌ده، تیب
باشقانی ایبراهیم اولوی یاووز، تورکچئ’نین اولوسلاراراسی شییر شؤله‌نی دای‌می
هئیئت باشقانی د. مئهمئت دوغان، قیریغیزیستان یازی‌چیلار بیرلیگی باشقانی اومار
سولتانوو، قیرغیزیستان مدنیت ناظری سلطان رائو، هابئله ایشتیراک‌چی اؤلکه
شاعرلرینین سلاملاما چیخیشلاری اولاجاق.
شؤله‌ن‌ده قیرغیزیستانین مجلیس
باشقانی آسیلبئک ژئئنبئکوو و قیرغیزیستان پرئزیدئنتی
آلمازبئک آتامبایئو ایشتیراک و چیخیش
ائد‌جکلر.
آچیلیش گونو بیشکک میللی اورکئسترینین
کونسئرتینه تاماشا ائد‌جک شؤله‌ن ایشتیراک‌چیلاری، آردین‌دان
«یوسوف هاس هاجیب شئیر فس‌لی»نه
ییغیشاجاقلار
مایین ۳۰-دا «ماناس شئیر فس‌لی»، «نامیق کمال شئیر فس‌لی»، «یونوس امره
شئیر فس‌لی»نی ییغیشاجاق ادبیات‌چیلارین همین گون برونا- آتابئیت گزی‌سی ده
گئرچکلش‌دیریله‌جک.
سونرا «آتولیئ چالیشماسی»، «داستانلار
و شئیر گئجه‌سی» تشکیل اولوناجاق.
۳۱ مای‌دا ایسسیکگؤله حرکت ائد‌جک شؤله‌ن ایشتیراک‌چیلاری، گزی
سونراسی «سئزای قاراقوچ شئیر فس‌لی»، «حالیمه خودایبئردیئوا شئیر فس‌لی»نه
ییغیشاجاق، یئنه «آتولیئ چالیشماسی»ندا بولوناجاق، هابئله «شئیر و سیاست»،
«فونئتیک بوجاغین‌دان شئیر» مؤوضوسون‌دا موذاکیره‌لر آپاراجاقلار.
آخشام بیشککه دؤنه‌ن ادبیات‌چیلار،
قیرغیز پایتاختین‌دا قاپانیش توپلانتی‌سینا قاتیلاجاقلار.
ایونون ایلک گونونو «سربست زامان»آ
آییران تشکیلات‌چیلار قوناقلارین اؤز آرالارین‌دا و قیرغیزیستان یازارلاری ایله
سربست تماس قورمالاری اوچون آیارلاییب.
قوناقلار بیشکک‌دن
ایونون ۲-ده آیریلاجاقلار.
هیچ نظری موجود نیست:
ارسال یک نظر