گونئی‌لی سیاسی
فعال سجاد رادمئهر (دومان) اوچ هفته‌دن آرتیق‌دیر ایران محکمه‌سینه اعتراض اولاراق
آجلیق آکسییاسی کئچیره‌ن قارداشی شهرام رادمئهر و یئنی گاموه تشکیلاتینین دیگر
لیدئرلری - لطیف حسنی، محمود فضلی، یوروش مئهرلیبی‌لی (آیت) و بئهبود قولوزادنین
دورومو و اونلاری مدافعه ائتمک اوچون تشکیل اولونان کامپانییالارلا باغلی
آمئریکانین سسینه دانیشیب.
سججاد رادمئهرین
سؤزلرینه گؤره، حاضردا کرجین رجایی-شهر زین‌دانین‌دا ساخلانیلان بئش یئنی گاموه
لیدئرینین عائله عضولری ایولون ۳۱-ده
محبوسلارلا شوشه آرخاسین‌دان گؤروشه بیلیبلر: «محبوسلار فیزیکی باخیم‌دان چوخ
ضعیفله‌ییبلر، رنگلری سارالیب و هارداسا ۱۲-۱۵ کیلو آریخلاییبلار. اما اونلارین
روهییه‌سی یاخشی‌دیر و آجلیغا داوام ائد‌جکلرینی سؤیله‌ییبلر،» دئیه جناب رادمئهر
عائله‌لرین موشاهی‌ده‌لرینه اساس‌لاناراق قئید ائدیب.
اونون دئدیکلرینه
گؤره میللی فعاللار پئریودیک اولاراق مده قاناخماسی و بایغین‌لیق کیمی حاللار
یاشاییر و اونلارین ساغ‌لیق دورومو گئت-گئده پیسلشیر.
جناب رادمئهر
آذربایجان‌لی شخصیتلر و فعاللارین یئنی گاموه لیدئرلرینه مراجعت ائد‌رک اونلاردان
آجلیغا سون وئرمیی ایسته‌مه‌لرینی موسبت قیمتلندیریب.
یئنی گونئی
آذربایجان میللی اویانیش حرکاتی (یئنی گاموح) تشکیلاتینین سابیق عضوو آجلیق ائد‌ن
فعاللارین مدافعه‌سین‌ده آپاریلان فعالیتلر و کامپانیالارین گوج‌لو و ضعیف طرفلری
حاقین‌دا فیکیرلرینی آمئریکانین سسی ایله پایلاشیب.
او، نیسبی
مووففقیتلرین الده ائدیلدیینی، آنجاق آذربایجان میللی حرکاتین‌دان آسی‌لی اولمایان
پروبلئملر، ائل‌جه ده بو حرکاتین ایچری‌سین‌ده‌کی چاتیشمازلیقلار اوزون‌دن گؤزله‌نیله‌ن
هدفلره نایل اولونمادیغینی بیان ائدیب.
ایسوئچ‌ده
موهاجیرت حیاتی یاشایان گونئی‌لی فعالین فیکرینجه، گونئی آذربایجان میللی حرکاتی
اومومیتله اینسان حاقلاری ساحه‌سین‌ده فعالیت و کامپانییانی ائففئکتیو شکیل‌ده
تشکیل ائده بیلمه‌ییب.
علیرضا قولونجو
مصاحیبه نی
بوردان دینله یین:
هیچ نظری موجود نیست:
ارسال یک نظر